Latest News

• 

  မိုးကြိုးဘေးသင့်ပြည်သူများအားထောက်ပံ့မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံ ခန့်ခွဲမှုဦးစီးဌာန၊ မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်ဦးစီးမှူးရုံးမှ တာဝန်ရှိသူ များသည် (၆-၆-၂၀၂၀)ရက်နေ့၊ (၁၆း၀၀) နာရီအချိန်တွင် မြင်းခြံမြို့နယ်၊ သာပေါင်းကျေးရွာအုပ်စု၊ မြောက်ကျွန်းကျေးရွာ၌ သလင်းတွင် နေလှမ်းထားသော နှမ်းများ မိုးမိမည်စိုးသဖြင့် နှမ်းများခါ၍ ရုပ်သိမ်းစဥ် မိုးကြိုးပစ်ခံရပြီး (၃)ဦးသေဆုံး၊ (၁)ဦးဒဏ်ရာ ရရှိခဲ့သည့်အတွက် သေဆုံး(၃)ဦး ထောက်ပံ့ငွေ(၉၀၀,၀၀၀ိ/-) ကျပ်၊ ဒဏ်ရာရ(၁)ဦးထောက်ပံ့ငွေ(၅၀,၀၀၀ိ/-) ကျပ်၊ စုစုပေါင်း ထောက်ပံ့ငွေ (၉၅၀,၀၀၀ိ/-) ကျပ်အား (၇-၆-၂၀၂၀)ရက်နေ့တွင် မြင်းခြံ မြို့နယ်အထွေထွေ အုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး၊ကျေးရွာအုပ်ချုပ် … Read more

• 

  COVID-19 ကာကွယ်၊ ထိန်းချုပ်၊ တုံ့ပြန်ရေးလုပ်ငန်းအစီအစဉ်တွင် ပါဝင်ဆောင်ရွက်ပေးကြသည့် စေတနာ့ဝန်ထမ်းများနှင့် ပရဟိတအဖွဲ့များအား အသိအမှတ်ပြုဂုဏ်ပြုမှတ်တမ်းလွှာများနှင့် ရင်ထိုးတံဆိပ်များစတင်ပေးအပ်

  ~~~~~~~~~ Source: MOSWRR ~~~~~~~~~ ဇွန်လ၊ ၇၊ နေပြည်တော် ~~~~~~~~~   COVID-19 ကာကွယ်၊ ထိန်းချုပ်၊ တုံ့ပြန်ရေးလုပ်ငန်းအစီအစဉ်တွင် ပါဝင်ဆောင်ရွက်ပေးကြသည့်စေတနာ့ဝန်ထမ်းများနှင့် ပရဟိတအဖွဲ့များအား အသိအမှတ်ပြုဂုဏ်ပြုမှတ်တမ်းလွှာများ၊ စေတနာ့ဝန်ထမ်းရင်ထိုးတံဆိပ်များ စတင်ပေးအပ်ခြင်း၊ တစ်ကိုယ်ရည်လုံခြုံရေးအကာအကွယ်ပစ္စည်းများ ထောက်ပံ့ခြင်းနှင့် သတ်မှတ်နေရာအဆောက်အဦများတွင်ထားရှိပြီး အသွားအလာကန့်သတ်ခြင်း (Quarantine Center) များတွင်ရှိသော ကိုယ်ဝန်ဆောင်များ၊ အသက်(၅)နှစ်အောက်ကလေးများ၊ သက်ကြီးရွယ်အိုများ၊ မသန်စွမ်းသူများအား ငွေကြေးထောက်ပံ့ပေးခြင်းတို့ကို အမျိုးသားအဆင့်စေတနာ့ဝန်ထမ်းဦးဆောင်အဖွဲ့ အတွင်းရေးမှူး ပြည်ထောင်စုဝန်ကြီး ဒေါက်တာဝင်းမြတ်အေးက ယနေ့နံနက်ပိုင်းက သွားရောက်ဆောင်ရွက်ခဲ့ပါသည်။   ပြည်ထောင်စုဝန်ကြီးနှင့်အတူ နေပြည်တော်ကောင်စီဥက္ကဌဒေါက်တာမျိုးအောင်၊ လူမှုဝန်ထမ်းဦးစီးဌာန … Read more

• 

  သောက်သုံးရေ သွားရောက်လှူဒါန်းမှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မိတ္ထီလာခရိုင်ဦးစီးမှူးရုံးမှ တာဝန်ရှိသူများသည် (၆-၆-၂၀၂၀) ရက်နေ့တွင် သာစည်မြို့နယ်၊ ရွာမွန်သာကျေးရွာအုပ်စု၊ ရွာမွန်သာကျေးရွာတွင် သောက်သုံးရေရှားပါးမှု ဖြစ်ပေါ်နေခြင်းအတွက် သောက်သုံးရေဂါလန် (၁,၇၀၀) ကိုထပ်မံသွားရောက်လှူဒါန်းခဲ့ပါကြောင်း သိရှိရပါသည်။ Source: မိတ္ထိလာခရိုင်ဦးစီးမှူးရုံး #ha_drg #mdy_jun2020

• 

  မြစ်ကြီးနားခရိုင်၊ တနိုင်းမြို့နယ်ရှိ ယာယီ IDPs စခန်းများရှိ အိမ်ထောင်စုများအတွက် စားနပ်ရိက္ခာ(၁)လစာ ထောက်ပံ့ပေးအပ်မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် (၅-၆-၂၀၂၀) ရက်နေ့တွင် ကချင်ပြည်နယ်အစိုးရအဖွဲ့ဝင်၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဖွံ့ဖြိုးတိုးတက်ရေးဝန်ကြီးနှင့်အတူလိုက်ပါလျက် တနိုင်းမြို့နယ်ရှိ ယာယီ IDPs စခန်းများဖြစ်သော KBC၊ RC၊ COC၊ AG ဘုရားကျောင်းများ၌ နေထိုင်ကြသည့်တိုက်ပွဲရှောင် အိမ်ထောင်စု(၃၅၄)စု၊ လူဦးရေ(၁၅၉၃)ဦးတို့အား ဆန်(၄၉၇)အိတ် (၁၈)ပြည်၊ ဆီ(၇၀၈)ပိဿာ၊ ပဲ(၇၀၈)ပိဿာ၊ ဆား(၃၅၄)ပိဿာတို့အား ပြည်သူများလက်ဝယ်အရောက် သွားရောက်ပေးအပ်ထောက်ပံ့ခဲ့ကြောင်း သတင်းရရှိပါသည်။ #ar #kcn_jun2020 Source: ကချင်ပြည်နယ်ဦးစီးမှူးရုံး (ဘစမ)

• 

  မြစ်ကြီးနားခရိုင်၊ တနိုင်းမြို့နယ်ရှိ IDPs စခန်းများ၌ COVID-19 ကူးစက်ရောဂါနှင့်ပတ်သတ်၍ ကာကွယ်ရေးလုပ်ငန်းများ ဆောင်ရွက်နိုင်ရန် ဆက်စပ်ပစ္စည်းများ ထောက်ပံ့ပေးအပ်မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် (၅-၆-၂၀၂၀) ရက်နေ့တွင် Covid-19 ကူးစက်ရောဂါနှင့်ပတ်သက်၍ မြစ်ကြီးနားခရိုင်၊ တနိုင်းမြို့နယ်ရှိ တနိုင်း KBC၊ တနိုင်း RC စခန်းများရှိ အိမ်ထောင်စုများအတွက် ဆပ်ပြာ(၉၅၂)ခဲ၊ ထုံး(၂၀)အိတ်၊ လက်သန့်ဆေးရေ(၄၀)ဘူး၊ အပူချိန်တိုင်းကိရိယာ(၂)ခု၊ Hand Speaker (၂)ခု၊ Memory Stick (၂)ခု၊ Mask (၁၂၉၈)ခု၊ နှာခေါင်းစည်းတပ်ဆင်နည်း အသိပညာပေးဗွီနိုင်းပိုစတာ(၂)ခုတို့အား သွားရောက်ပေးအပ်ထောက်ပံ့ခဲ့ကြောင်း သတင်းရရှိပါသည်။ #ar #kcn_jun2020 Source: ကချင်ပြည်နယ်ဦးစီးမှူးရုံး (ဘစမ)

• 

  မင်းဘူးမြို့၊ အဝိုင်းပတ်၌ COVID-19 ကူးစက်ရောဂါနှင့်ပတ်သတ်၍ ကာကွယ်ရေးလုပ်ငန်းများ ဆောင်ရွက်မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မင်းဘူးခရိုင်ဦးစီးမှူးရုံးမှ တာဝန်ရှိသူများသည် မြို့နယ်အထွေထွေအုပ်ချုပ်ရေးဦးစီးဌာနနှင့် ဌာနဆိုင်ရာများမှ တာဝန်ရှိသူများနှင့်ပူးပေါင်း၍ (၇-၆-၂၀၂၀) ရက်နေ့၊ (ဝ၇:၀၀) နာရီမှ (၀၉:၀၀) နာရီအချိန်ထိ COVID-19 ကူးစက်ရောဂါကာကွယ်ရေးအတွက် မင်းဘူးမြို့၊ အဝိုင်းပတ်၌ ပါးစပ်၊ နှာခေါင်းစည်း (Mask) တပ်ဆင်ခြင်းမရှိဘဲ ယာဉ်များဖြင့် စီးနင်းလိုက်ပါလာသော ခရီးသွားပြည်သူများအား ဒဏ်ငွေပေးဆောင်စေပြီး Mask တပ်ဆင်စေခြင်းနှင့် အသိပညာပေးခြင်း လုပ်ငန်းများ ဆောင်ရွက်ခဲ့ကြောင်း သတင်းရရှိပါသည်။ #ar #mgy_jun2020 Source: မင်းဘူးခရိုင်ဦးစီးမှူးရုံး (ဘစမ)