Latest News

• 

  မီးဘေးသင့်ပြည်သူများအားထောက်ပံ့မှုသတင်း

    လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ ချောင်းဆုံမြို့နယ်ဦးစီးမှူးရုံးမှ တာဝန်ရှိသူများသည် (၁၇-၁၀-၂၀၂၀)ရက် နေ့တွင် ချောင်းဆုံမြို့နယ်၊ သက္ကောကျေးရွာအုပ်စု၊ ကွမ်လမိုင်းကျေးရွာ၌ မီးလောင်ကျွမ်း မှုကြောင့် ပျက်စီးဆုံးရှုံးခဲ့သည့် လူနေအိမ်(၁)လုံးအတွက် အိမ်ဆောက်ပစ္စည်းဖိုးငွေ(၂၀၀,၀၀ဝ/-) ကျပ်၊ မီးဘေးသင့်လူဦးရေ (၁)ဦးအတွက်(၇)ရက်စာဆန်ဖိုးငွေ (၂,၁၀ဝ/-)ကျပ် ၊ စုစုပေါင်း(၂၀၂,၁၀ဝ/-)ကျပ်နှင့် ကယ်ဆယ်ရေးပစ္စည်း(၁၅)မျိုးတို့အား (၁၈-၁၀-၂၀၂၀)ရက်​နေ့တွင်  မြို့နယ်အထွေထွေအုပ်ချုပ်ရေးဦးစီးဌာန၊ ချောင်းဆုံမြို့နယ်ကြက်ခြေနီ အသင်းခွဲ တို့နှင့်အတူ မီးဘေးသင့်ပြည်သူများလက်ဝယ်အရောက် ထောက်ပံ့ပေးအပ်ခဲ့ကြောင်း သတင်း ရရှိပါသည်။ #ha_fir #mon_oct2020 Source: ချောင်းဆုံမြို့နယ်ဦးစီးမှူးရုံး (ဘစမ)

• 

  ထောက်ပံ့မှုလုပ်ငန်းများဆောင်ရွက်မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မွန်ပြည်နယ်ဦးစီးမှူးရုံးမှတာဝန်ရှိသူများသည် WFP (World Food Programme) နှင့် ပူးပေါင်း၍  ဘီးလင်းမြို့နယ်၊ Lock Down ဧရိယာ၊ ကျေးရွာ(၆)ရွာအတွင်းရှိ လူဦးရေ(၉၀၀၆)ဦးအတွက် ဆန်(၂၄ပြည်ပါ)၈၁၁အိတ်၊ ကုလားပဲ(၂၄ပြည်ပါ)၁၀၉အိတ်၊ ဆီ(၆၀ကျပ်သားပါ)၃၀၁၂ဗူး၊ ဆား(၂၇ပိသာနှင့် ၅၀ကျပ်သားပါ)၁၀အိတ်တို့အား  (၁၈-၁၀-၂၀၂၀) ရက်နေ့၊ နံနက်(၁၀:၃၀)နာရီအချိန်တွင် ဘီးလင်းမြို့၊ သာသနာ့ဗိမာန်တော်၌  ထောက်ပံ့ပေးအပ်ခဲ့ပါကြောင်း သတင်းရရှိပါသည်။ #ha_otr #mon_oct2020 Source: မွန်ပြည်နယ်ဦးစီးမှူးရုံး (ဘစမ)

• 

  လေဘေးသင့်ပြည်သူများအားထောက်ပံ့မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပြည်ခရိုင်ဦးစီးမှူးရုံးမှတာဝန်ရှိသူများသည် (၁၇-၁၀-၂၀၂၀)ရက်နေ့၊ (၀၄:၀၀) နာရီအချိန်တွင် မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် ပြည်ခရိုင်၊ သဲကုန်းမြို့နယ်အတွင်းရှိ ကျေးရွာအုပ်စု(၂)စုမှ တစ်စိတ်တစ်ပိုင်းပျက်စီးနေအိမ်(၂)လုံးအတွက် အိမ်ဆောက်ပစ္စည်းဖိုးထောက်ပံ့ငွေ(၁၀၀,၀၀၀/-)ကျပ်၊ လူဦးရေ(၇)ဦးအတွက်  ဆန်ရိက္ခာဖိုး ထောက်ပံ့ငွေ(၁၄,၇၀၀/-)ကျပ်၊ စုစုပေါင်းထောက်ပံ့ငွေ(၁၁၄,၇၀၀/-)ကျပ်အား (၁၈-၁၀-၂၀၂၀) ရက်နေ့  (၁၀:၀၀)နာရီအချိန်တွင် ဘေးသင့်ပြည်သူများလက်ဝယ်အရောက် သွားရောက် ထောက်ပံ့ခဲ့ပါကြောင်း သတင်းရရှိပါသည်။ #ha_sgw #bgo_oct2020 Source: ပြည်ခရိုင်ဦးစီးမှူးရုံး (ဘစမ)

• 

  စေတနာ့ဝန်ထမ်း မော်တော်ယာဉ်မောင်းနှင်ပေးသူများနှင့် ယာဉ်ပေါ်တွင်လိုက်ပါကူညီဆောင်ရွက် နေသောစေတနာ့ဝန်ထမ်းများအား အသိပညာပေးခြင်းအစီအစဉ်တွင် ဒုတိယဝန်ကြီး ဦးစိုးအောင် Online ဖြင့် တက်ရောက်အမှာစကားပြောကြား

  နေပြည်တော်၊ အောက်တိုဘာ ၁၇ အမျိုးသားအဆင့် စေတနာ့ဝန်ထမ်းဦးဆောင်အဖွဲ့နှင့်  မြန်မာနိုင်ငံဆရာဝန်အသင်းတို့ ပူးပေါင်း၍ နေပြည်တော်ကောင်စီအပါအဝင် တိုင်းဒေသကြီး/ ပြည်နယ်များရှိ COVID-19 ရောဂါ ကာကွယ်ထိန်းချုပ်မှု လုပ်ငန်းစဉ်၌ ပါဝင်ဆောင်ရွက်နေကြသော စေတနာ့ဝန်ထမ်းများအနက် အရေးပေါ်ကားများဖြင့် COVID-19 ရောဂါပိုး ရှိသူများ၊ ရောဂါပိုးရှိကြောင်း သံသယရှိသူများ၊ ရောဂါပိုးရှိသူနှင့် ဆက်စပ်သူများအား သယ်ယူ/ ပို့ဆောင်ပေးခြင်းလုပ်ငန်းတွင် တာဝန်ထမ်းဆောင်နေသော စေတနာ့ဝန်ထမ်း မော်တော်ယာဉ်မောင်းနှင်သူများနှင့် ယာဉ်ပေါ် တွင် လိုက်ပါကူညီဆောင်ရွက်နေသော စေတနာ့ဝန်ထမ်းများအားအသိပညာပေး အစီအစဉ်ကို ယနေ့မွန်းလွဲပိုင်းတွင် Zoom Meeting ဖြင့်ပြုလုပ်ခဲ့ရာ လူမှုဝန်ထမ်း၊ ကယ်ဆယ်ရေးနှင့် … Read more

• 

  တိုက်ပွဲရှောင်ပြည်သူများအားထောက်ပံ့မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ လားရှိုးခရိုင်ဦးစီးမှူးရုံးမှတာဝန်ရှိသူများသည် (၁၆-၁၀-၂၀၂၀)ရက်နေ့နှင့် (၁၇-၁၀-၂၀၂၀) ရက်နေ့တို့တွင် လားရှိုးမြို့နယ်၊ ကုန်းမုံကျေးရွာအုပ်စု၊ နားယကျေးရွာအနီး၌ ထိတွေ့တိုက်ပွဲ များဖြစ်ပွားခဲ့သောကြောင့် အဆိုပါ ကျေးရွာနေပြည်သူ ကျား(၃၈)၊ မ(၁၀၀)၊ စုစုပေါင်း(၁၃၈)ဦး တို့သည် နမ့်ပေါင်ကျေးရွာအုပ်စု၊ နမ့်ပေါင်ကျေးရွာရှိ မြို့လယ်ဘုန်းကြီးကျောင်းသို့ တိမ်းရှောင် ခဲ့ကြရာ ၎င်းတိုက်ပွဲရှောင်အိမ်ထောင်စု(၄၂)စု၊ လူဦးရေ(၁၃၈)ဦးအတွက် ဆန်ရိက္ခာ(၇)ရက်စာဖိုး ထောက်ပံ့ငွေ(၂၈၉,၈၀၀/-)ကျပ်အား (၁၇-၁၀-၂၀၂၀) ရက်နေ့တွင် နမ့်ပေါင်ကျေးရွာအုပ်စု အုပ်ချုပ်ရေးမှူးထံသို့ ထောက်ပံ့ပေးအပ်ခဲ့ပါကြောင်း သတင်းရရှိပါသည်။ #ha_otr #shn_oct2020 Source: လားရှိုးခရိုင်ဦးစီးမှူးရုံး (ဘစမ)

• 

  မိုးကြိုးဘေးသင့်ပြည်သူအတွက်ထောက်ပံ့မှုသတင်း

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကောလင်းမြို့နယ်ဦးစီးမှူးရုံးမှတာဝန်ရှိသူများသည် ကောလင်းမြို့နယ်၊ ဥမှင်ကုန်းအုပ်စု၊ အိမ်တိုင်ပုံကျေးရွာတွင်(၁၆-၁၀-၂၀၂၀)ရက်နေ့၌ မိုးရွာသွန်းမှုကြောင့် မိုးကြိုးထိမှန်သေဆုံးသူ (၁)ဦးအတွက် ထောက်ပံ့ငွေကျပ်(၃၀၀,၀၀၀/-)အား (၁၇-၁၀-၂၀၂၀)ရက် နေ့(၁၃း၀၀)နာရီ အချိန်တွင် ကျန်ရစ်သူ၏ မိသားစုထံသို့ သွားရောက်ထောက်ပံ့ပေးအပ်ခဲ့ပါကြောင်း သတင်းရရှိပါသည်။ #ha_tls #sgg _oct2020 Source: ကောလင်းမြို့နယ်ဦးစီးမှူးရုံး (ဘစမ)