Category Archives: News
-
ကမ်းပြိုဘေးထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဗန်းမော်ခရိုင်ဦးစီးမှူးရုံးမှ တာဝန်ရှိသူများသည် ဗန်းမော်မြို့နယ်၊ လက်ပံတန်းကျေးရွာ၌ (၈-၁၂-၂၀၁၇) ရက်နေ့တွင် ဧရာဝတီမြစ်ရေတိုက်စားမှုကြောင့် ကမ်းပါးပြို၍ ပြောင်းရွှေ့ခဲ့ရသည့် အိမ်ထောင်စု (၉) စု၊ လူဦးရေ (၃၉) ဦးတို့အတွက် အိမ်ဆောက်ပစ္စည်းဖိုးငွေ (၉၀၀,၀၀၀) ကျပ်၊ ကယ်ဆယ်ရေးပစ္စည်း (၄) မျိုးနှင့် ဆန်ရိက္ခာဖိုးငွေ (၈၁,၉၀၀) ကျပ်တို့အား (၁၃-၁၂-၂၀၁၇) ရက်နေ့တွင် သွားရောက်ထောက်ပံ့ပေးအပ်ခဲ့ကြောင်း သတင်းရရှိပါသည်။ Source: ဗန်းမော်ခရိုင်ဦးစီးမှူးရုံး(ကဆရ)
-
ကျောက်ဖြူခရိုင်ဦးစီးမှူးရုံးမှ သဘာဝဘေးအသိပညာဟောပြောမှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကျောက်ဖြူခရိုင်ဦးစီးမှူးရုံးမှ တာဝန်ရှိသူများသည် (၁၃-၁၂-၂၀၁၇)ရက်နေ့က ကပ်သပြေကျေးရွာအုပ်စု၊ ကပ်သပြေကျေးရွာ၊ ဘုန်းတော်ကြီးကျောင်း၌ သဘာဝဘေးအန္တရာယ် အသိပညာပေးဟောပြောခြင်း၊ ဘေး(၈)မျိုးနှင့် ပတ်သက်၍ အထွေထွေဗဟုသုတများ ရှောင်ရန်/ဆောင်ရန်များဟောပြောခြင်းနှင့် မိုးကြိုးဘေးနှင့်ပတ်သက်သည့် ဗီနိုင်းကပ်ခြင်းများဆောင်ရွက်ခဲ့ရာ အဆိုပါဟောပြောပွဲသို့ ရပ်ရွာနေပြည်သူ (၁၁၈) ဦးတက်ရောက်ခဲ့ကြောင်း သတင်းရရှိပါသည်။
-
ဖျာပုံခရိုင်ဦးစီးမှူးရုံးမှ မီးဘေးထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဖျာပုံခရိုင်ဦးစီးမှူးရုံးမှတာဝန်ရှိသူများသည် (၁၃-၁၂-၂၀၁၇)ရက်နေ့က ဖျာပုံခရိုင်၊ ဘိုကလေးမြို့နယ်၊ စက်ဆန်းကျေးရွာတွင် မီးလောင်မှုဖြစ်ပွားခဲ့ရာ မီးဘေးသင့်အိမ်ခြေ (၅)အိမ်၊ တစ်ဝက်ပျက်အိမ် (၁)လုံးတို့မှ အိမ်ထောင်စု (၆)စုရှိ လူဦးရေ (၂၃)ဦးတို့အတွက် family kid (၆)ပုံး၊ ဆန်ဖိုးငွေကျပ် (၄၈,၃၀၀)နှင့် အိမ်ဆောက်ပစ္စည်းတန်ဖိုးငွေကျပ် (၉) သိန်းတို့အား(၁၃-၁၂-၂၀၁၇)ရက်နေ့တွင်ပင် သွားရောက်ထောက်ပံ့ခဲ့ရာ ဖြစ်ပွားရာနေရာသို့ ဘိုကလေးမြို့နယ်သဘာဝဘေးလျော့ပါးရေးစေတနာ့ဝန်ထမ်းလူငယ်များမှလည်း တစ်တပ်တစ်အားဝိုင်းဝန်းကူညီဆောင်ရွက်ပေးခဲ့ကြကြောင်း သတင်းရရှိပါသည်။
-
ရခိုင်ပြည်နယ် ဘူးသီးတောင်မြို့နယ်၊ ကျေးရွာများတွင်နေထိုင်လျှက်ရှိသူများအား ထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ညွှန်ကြားရေးမှူး(ရုံးချုပ်)နှင့် ဝန်ထမ်းများသည် (၁၂-၁၂-၂၀၁၇)ရက်နေ့တွင် ရခိုင်ပြည်နယ်၊ ဘူးသီးတောင်မြို့နယ်၊ ကျောက်ရန်အုပ်စုရှိ ကျောက်ရန်ကျေးရွာ၊ နနွင်းတူးကျေးရွာ၊ ထိပ်တူးပေါက်ကျေးရွာနှင့် တောင်ရွာကျေးရွာရှိ အိမ်ထောင်စု(၅၉၈)စု၊ လူဦးရေ(၄၃၀၄)ဦးတို့အတွက် ဆန်(၅၉၈)အိတ်၊ ဆီ(၂၉၉၀)ဗူး၊ ဆား(၂၉၉)ပိသာ၊ ပဲ(၅၉၈)ပိသာနှင့် ငါးသေတ္တာ(၈၉၇၀)ဗူးတို့အား သွားရောက်ထောက်ပံ့ခဲ့ကြောင်းသတင်းရရှိပါသည်။
-
မီးဘေးထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပခုက္ကူခရိုင်ဦးစီးမှူးရုံးမှ တာဝန်ရှိသူများသည် ပခုက္ကူခရိုင်၊ ပေါက်မြို့နယ်၊ သမားတော်ကျေးရွာအုပ်စု၊ လယ်ဘဲ့(မ)ကျေးရွာ၌ (၆-၁၂-၂၀၁၇) ရက်နေ့တွင် ဖြစ်ပွားခဲ့သော မီးဘေးကြောင့် ဘေးသင့်ခဲ့သော အိမ်ခြေ (၁)လုံး၊ အိမ်ထောင်စု (၁) စု၊ လူဦးရေ (၄) ဦးတို့အတွက် ကယ်ဆယ်ရေးပစ္စည်း (၉) မျိုး၊ အိမ်ဆောက်ပစ္စည်းဖိုးငွေ (၁၀၀,၀၀၀) ကျပ်နှင့် ဆန်ရိက္ခာဖိုးငွေ (၈,၄၀၀) ကျပ် စုစုပေါင်းထောက်ပံ့ငွေ (၁၀၈,၄၀၀)ကျပ်တို့အား (၁၃-၁၂-၂၀၁၇) ရက်နေ့တွင် ပေါက်မြို့နယ်၊ အထွေထွေအုပ်ချုပ်ရေးမှူးရုံး၌ ဘေးသင့်ပြည်သူများလက်ဝယ်အရောက်ထောက်ပံ့ပေးအပ်ခဲ့ကြောင်း သတင်း ရရှိပါသည်။ Source: … Read more
-
သဘာဝဘေးလျော့ပါးရေးစေတနာ့ဝန်ထမ်းလူငယ် (ဆင့်ပွား) သင်တန်းဖွင့်လှစ်မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြိတ်ခရိုင်ဦးစီးမှူးရုံးမှ တာဝန်ရှိသူများသည် မြိတ်ခရိုင်၊ ပုလောမြို့နယ် မီးသတ်ဦးစီးဌာနခန်းမတွင် (၁၃-၁၂-၂၀၁၇) ရက်နေ့ မှ(၁၅.၁၂.၂၀၁၇) ရက်နေ့အထိ သဘာဝဘေးလျော့ပါးရေးစေတနာ့ဝန်ထမ်းလူငယ် (ဆင့်ပွား) သင်တန်းအမှတ်စဉ် (၆/၂၀၁၇)ကို စေတနာ့ဝန်ထမ်းလူငယ်သင်တန်းသား/သူ(၃၀)ဦး၊ ဌာနဆိုင်ရာ အရာထမ်း/အမှုထမ်း (၂၀)ဦး၊ စုစုပေါင်းသင်တန်းသား (၅၀)ဦး ဖြင့်ဖွင့်လှစ်ခဲ့ပြီး သင်ထောက်ကူပစ္စည်းများပေးအပ်ခဲ့ကြောင်း သတင်းရရှိပါသည်။
-
ရခိုင်ပြည်နယ်ဦးစီးမှူးရုံးမှ မီးဘေးထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှတာဝန်ရှိသူများသည် (၇-၁၂-၂၀၁၇)ရက်တွင် ပေါက်တောမြို့နယ်၊ ကြိမ်နီပြင်စခန်း၌ မီးလောင်မှုကြောင့် မီးဘေးသင့်အိမ်ထောင်စု(၆၀)စုမှ လူဦးရေ(၃၂၆)ဦး အတွက် ကယ်ဆယ်ရေးပစ္စည်း(၁၇)မျိုး၊ ဆန်ရိက္ခာ(၁)လစာ (၁၀၁)အိတ်နှင့် (၂၁)ပြည်တို့အား (၁၃-၁၂-၂၀၁၇)ရက်တွင် သွားရောက်ထောက်ပံ့ခဲ့ကြောင်းသတင်းရရှိပါသည်။
-
ဖျာပုံခရိုင်ဦးစီးမှူးရုံးမှ သဘာဝဘေးအသိပညာပေးပို့ချမှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၁၃-၁၂-၂၀၁၇)ရက်နေ့တွင် ဖျာပုံခရိုင်၊ ကျိုက်လတ်မြို့ အ.ထ.က (၁)ကျောင်းတွင် သဘာဝဘေးအန္တရာယ် အသိပညာပေးဟောပြောခြင်း၊ သဘာဝဘေးဆိုင်ရာ ဗွီဒီယိုများပြသခြင်း၊ လက်တွေ့လေ့ကျင့်ခြင်း၊ လက်ကမ်းစာစောင်နှင့် ဗွီနိုင်းပိုစတာများဖြန့်ဝေခြင်းများပြုလုပ်ခဲ့ရာ ကျောင်းသား/ကျောင်းသူ စုစုပေါင်း (၅၃၀) ဦး တက်ရောက်ခဲ့ကြောင်းသတင်းရရှိပါသည်။
-
ထောက်ပံ့ငွေပေးအပ်မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဗန်းမော်ခရိုင်ဦးစီးမှူးရုံးမှ တာဝန်ရှိသူများသည် ဗန်းမော်ခရိုင်၊ မိုးမောက်မြို့နယ်၊ ဒေါ့ဖုန်းယန်မြို့မံမော်ကျေးရွာမှ မိုင်းထိဒဏ်ရာရသူ (၁)ဦးအတွက် ထောက်ပံ့ ငွေ (၅၀,၀၀၀) ကျပ်အား (၁၂-၁၂-၂၀၁၇) ရက်နေ့တွင် ထောက်ပံ့ပေးအပ်ခဲ့ကြောင်း သတင်းရရှိပါသည်။ Source: ဗန်းမော်ခရိုင်ဦးစီးမှူးရုံး(ကဆရ)
-
UEHRD လုပ်ငန်းစဉ်များတွင် ပါဝင်ဆောင်ရွက်နိုင်ရေး World Bank နှင့် UNHCR မှ တာဝန်ရှိသူများ ပြည်ထောင်စုဝန်ကြီးထံ သီးခြားစီလာရောက်တွေ့ဆုံ
၁၂.၁၂.၂၀၁၇၊ နေပြည်တော် UEHRD ဒုတိယဥက္ကဌ၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးအား ကမ္ဘာ့ဘဏ်၏ အာရှပစိဖိတ်ဒေသဆိုင်ရာ ဒုတိယ ဥက္ကဌ Ms.Victoria Kwakwa ဦးဆောင်သောအဖွဲ့နှုင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးမှ အရှေ့တောင်အာရှဒေသဆိုင်ရာညှိနှိုင်းရေးမှူး Mr. Jame Lynch ဦးဆောင်သောအဖွဲ့တို့က ယနေ့တွင် အဆိုပါဝန်ကြီးရုံး၊ မေခလာခန်းမ၌ သီးခြားစီလာရောက်တွေ့ဆုံခဲ့ပါသည်။ ကမ္ဘာ့ဘဏ်အဖွဲ့နှင့်တွေ့ဆုံရာတွင် UEHRD ၏ ရည်မှန်းချက်များနှင့်ကိုက်ညီအောင် ရေးဆွဲ ထားသည့် ကမ္ဘာ့ဘဏ်၏ အဆိုပြုစီမံကိန်းတစ်ရပ်ကို သက်ဆိုင်ရာဝန်ကြီးဌာနများ၊ ဒေသဆိုင်ရာအစိုးရများ၊ ဒေသခံပြည်သူများ၊ သက်ဆိုင်ရာဖွံ့ဖြိုးမှုမိတ်ဖက်များ အားလုံးပူးပေါင်းပါဝင်၍ အကောင်အထည်ဖော်ဆောင် … Read more
