Author Archives: RRD

ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်၊ တော်ကလပ်ကျေးရွာအုပ်စုတွင်ဖြစ်ပွားခဲ့သောလေဘေးကြောင့်အိမ်ခြေ(၅)လုံးပြိုလဲပျက်စီးခဲ့ရာ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ပြည်ခရိုင်ဦးစီးမှူးရုံးမှ တာဝန်ရှိသူများသည် (၂၂.၇.၂၀၁၆)ရက်နေ့တွင် အဆိုပါအိမ်(၅)လုံးအတွက် အိမ်ဆောက်ပစ္စည်းဖိုး(၂၅၀၀၀၀/-) ကျပ်၊ ကယ်ဆယ်ရေးပစ္စည်း(၉)မျိုး (၅)အိမ်ထောင်စာနှင့် လူဦးရေ(၂၄)ဦးအတွက် ဆန်ရိက္ခာ(၃)ရက်စာဖိုး(၂၁၆၀၀/-)ကျပ်အားထောက်ပံ့ပေးအပ်ခဲ့ ကြောင်းသိရှိရပါသည်။

ချင်းပြည်နယ်၊ တီးတိန်မြို့နယ်၊ ပတ်ဇန်ကျေးရွာ အလကခွဲတွင် မူလတန်းပြဆရာ တာဝန်ထမ်းဆောင်နေသော ဦးကမ်းရှမ်းပေါင်နှင့် ဦးကျင်းဟဲ့ဆွောင်တို့ (၂) ဦးသည် (၉-၇-၂၀၁၆) ရက်နေ့၊ (၁၆ဝဝ)နာရီအချိန်ခန့်တွင် မဏိပူရ်မြစ် ဖြတ် ကူးနေစဉ် ပုခက်ကြိုးပြတ်၍ မြစ်ထဲသို့မျောပါသွားခြင်းအတွက် ချင်းပြည်နယ်အစိုးရအဖွဲ့၊ လူမှုရေးဝန်ကြီးနှင့် ချင်းပြည်နယ် ဦးစီးမှူးတို့သည် တီးတိန်မြို့နယ်သို့ သွားရောက်ကြပြီး (၂၀-၇-၂၀၁၆) ရက်နေ့တွင် မြို့နယ်ထွေ/အုပ်ရုံးခန်းမ၌ ထောက်ပံ့ ငွေပေးအပ်ခြင်း အခမ်းအနားဖြင့် ဆောင်ရွက်ခဲ့ရာ လွှတ်တော်ကိုယ်စားလှယ်၊ သေဆုံးသူမိသားစုဝင်များနှင့် မြို့နယ်ဆင့်ဌာန ဆိုင်ရာဝန်ထမ်းများ (၅၀) ဦးခန့်တက်ရောက်ကြကာ ပြည်နယ်လူမှုရေးဝန်ကြီး၊ ဦးပေါင်လွန်းမင့်ထန်မှ အမှာစကား … Read more

(၉.၇.၂၀၁၆) ရက်နေ့တွင် ဖျာပုံမြို့နယ်၊ ချောင်းတွင်းကျေးရွာအုပ်စု၊ ခြံကျေးရွာတွင် ရုတ်တရက်လေပြင်းတိုက်ခတ်ခြင်းကြောင့် ငါးဖမ်းစက်လှေနှစ်မြုပ်သဖြင့် သေဆုံးသွားသူ ဦးကျော်ရဲအောင် အတွက်ထောက်ပံ့ငွေကျပ် (၁၀၀၀၀၀ိ) အား ၄င်း၏ဇနီးဖြစ်သူ ဒေါ်ရီရီသန့် ထံသို့ ကယ်ဆယ်ရေးနှင့် ပြန်လည်နေရာချထားရေးဦးစီးဌာန ၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၁၈-၇-၂၀၁၆) ရက်နေ့တွင် ထောက်ပံ့ပေးအပ်ခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ညွှန်ကြားရေးမှူးချုပ်၊ ဒေါက်တာကိုကိုနိုင်နှင့် အပြည်ပြည်ဆိုင်ရာ အကူအညီပေးရေးအဖွဲ့ (IRC – မြန်မာ)မှ Acting Country Director ဖြစ်သူ Ms. Sue Clark တို့သည် (၂၀.၇.၂၀၁၆)ရက်နေ့တွင် ဘေးအန္တရာယ်ကျရောက်သောဒေသများတွင် အရေးပေါ် ကယ်ဆယ်ရေး၊ ပကတိအခြေအနေကို ပြန်လည်ရရှိစေရေး၊ ပြန်လည်ထူထောင်ရေးလုပ်ငန်းများကို လူသားချင်း စာနာထောက်ထားမှုအကူအညီများပေးခြင်းဖြင့် ထိခိုက်မှုများ လျော့ပါးစေရန် ကျေးလက်လူထု အခြေပြု စီမံကိန်းများတွင် အကူအညီပေးဆောင်ရွက်နိုင်ရန် ရည်ရွယ်သော နားလည်မှုစာချွန်လွှာအား သက်တမ်းတိုး လက်မှတ်ရေးထိုးခဲ့ကြကြောင်း သတင်းရရှိပါသည်။ Source: ကဆရ

ပန်းတောင်းမြို့နယ်၊ ကျေးရွာအုပ်စု(၆)စုမှ ဧရာဝတီမြစ်ကမ်းပါးနှင့်သနီချောင်းပြိုကျမှုကြောင့် (၁၂.၇.၂၀၁၆)ရက်နေ့တွင် ကြိုတင်ပြောင်းရွှေ့ရသည့်လူနေအိမ်(၅၇)လုံးအတွက် အိမ်ဆောက်ပစ္စည်းဖိုးငွေနှင့်လူဦးရေ (၁၉၇)ဦးအတွက်ဆန်ဖိုးငွေ စုစုပေါင်း (၁၃၁၇၃၀၀)ကျပ်ကိုလည်းကောင်း၊ပန်းတောင်းမြို့နယ်၊ထုံးဘိုအုပ်စု၊ခတ္တိယကျေးရွာတွင်ဧရာဝတီမြစ်ရေမြင့်တက်မှုကြောင့် (၁၇.၇.၂၀၁၆)ရက်နေ့တွင် ယာယီရွှေ့ပြောင်းရသည့်အိမ်ထောင်စု(၁၀)စုမှလူဦးရေ(၃၈)ဦးအတွက် ဆန်ဖိုးငွေ (၃၄၂၀၀)ကျပ်ကိုလည်းကောင်း ပြည်ခရိုင်ဦးစီးမှူးရုံးမှ တာဝန်ရှိသူများသည် (၁၉.၇.၂၀၁၆)ရက်နေ့တွင်ပန်းတောင်းမြို့နယ်ထွေအုပ်ဦးစီးဌာနမှတဆင့်ဘေးသင့်ပြည်သူများထံသို့ထောက်ပံ့မှုအမြန်ပေးနိုင်ရန်လွှဲပြောင်းပေးအပ်ပြီးကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပြည်ထောင်စုနယ်မြေ တိုင်းဦးစီးမှူးရုံး မှတာ၀န်ရှိသူများသည် (၁၆-၆-၂၀၁၆) ရက်နေ့ လေဘေးဖြစ်ပွားခဲ့သော ဇမ္ဗူသီရိမြို့နယ်၊ ရွှေကြာပင်ရပ်ကွက်ရှိ အိမ်ခြေ (၁)အိမ်၊ အိမ်ထောင်စု (၁)စု၊ လူဦးရေ (၉)ဦး တို့အတွက် ကယ်ဆယ်ရေးပစ္စည်း (၉)မျိုးအား (၁၇-၆-၂၀၁၆) နေ့တွင်ထောက်ပံ့ပေးခဲ့ပြီး ဆန်ဖိုးထောက်ပံ့ငွေနှင့် အိမ်ဆောက်ပစ္စည်းတန်ဖိုးရန်ပုံငွေစုစုပေါင်း (၅၈၁ဝဝ)ကျပ်အား (၁၈-၇-၂၀၁၆) နေ့တွင် သွားရောက် ထောက်ပံ့ခဲ့ကြောင်း သတင်းရရှိပါသည်။  

တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့အတွင်း ရေရှားပါးသည့်ဒေသများ၌ ရေတွင်းတူးဖော်နိုင်ရေးအတွက် တနင်္သာရီတိုင်းဒေသကြီးဦးစီးမှူးရုံး (ကဆရ) ၏ လမ်းညွှန်မှုဖြင့် ကော့သောင်းခရိုင်ဦးစီးမှူးရုံး (ကဆရ) မှ တာဝန်ရှိသူတစ်ဦးက (၁၅-၇-၂၀၁၆) ရက်နေ့တွင် ကော့သောင်းမြို့နယ်ထွေ/အုပ်မှ တာဝန်ရှိသူတစ်ဦးထံသို့ ထောက်ပံ့ငွေ (၅,၄၀၀,၀၀၀) ကျပ်တိတိအား လွှဲပြောင်းထောက်ပံ့ပေးအပ်ခဲ့ကြောင်း သိရှိရပါသည်။ Source: ကော့သောင်းခရိုင်ဦးစီးမှူးရုံး (ကဆရ)

(၁၆-၇-၂၀၁၆) ရက်နေ့တွင် ချင်းပြည်နယ်၊ ထန်တလန်မြို့အတွင်းရှိ ဇူလိုင်လအတွင်း၌ဖြစ်ပွားခဲ့သော လေဘေးသင့်ပြည်သူများအတွက် ချင်းပြည်နယ်လွှတ်တော်ဥက္ကဌ ဦးဇုီဘွဲ့မှ ကယ်ဆယ်ရေးပစ္စည်းနှင့် အိမ်ဆောက်ပစ္စည်းဖိုးငွေများ ထောက်ပံ့ပေးအပ်ခဲ့ကြောင်း သိရှိရပါသည်။ Source: ချင်းပြည်နယ်ဦးစီးမှူးရုံး (ကဆရ)

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန မှထောက်ပံ့သော MEC (၇)ပေသွပ်များအား ကချင်ပြည်နယ်အစိုးရအဖွဲ့၏လမ်းညွှန်မှုဖြင့်  ကချင်ပြည်နယ်ဗန်းမော်မြို့တွင် ကမ်းပြိုဘေးသင့်အိမ်ထောင်စုများအား (၁)အိမ်လျှင် သွပ်(၃၀)ချပ်နှုန်းဖြင့် သွပ်အချပ် (၁၂၀၀)ချပ်အား ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဗန်းမော်ခရိုင်ဦးစီးမှူးအား  (၁၆-၇-၂၀၁၆)ရက်နေ့တွင် လွှဲပြောင်းပေးခဲ့ပြီး ကမ်းပြိုဘေးသင့်အိမ်ထောင်စုများအား ဗန်းမော်ခရိုင်ဦးစီးမှူးကိုယ်တိုင် ကွင်းဆင်းထောက်ပံ့သွားမည်ဖြစ်ကြောင်းသိရှိရပါသည်။

ကချင်ပြည်နယ်၊ မြစ်ကြီးနားမြို့၊ မြို့သစ်ကြီးရပ်ကွပ်၊ မြေမြင့်ပရဟိတဘုန်းကြီးကျောင်းတွင် ရောက်ရှိနေသော ရေဘေးသင့် အိမ်ထောင်စု (၂၅)စု၊ လူဦးရေ (၁၅၀) ဦးတို့အား ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ပြည်နယ်ဦးစီးမှူးနှင့် သဘာဝဘေးလျော့ပါးရေး စေတနာ့ဝန်ထမ်း လူငယ်ဆင့်ပွားသင်တန်း လူငယ်များမှ ကယ်ဆယ်ရေးပစ္စည်း (၄) မျိုး နှင့်ဆန်ရိက္ခာ (၃) ရက်စာ ထောက်ပံ့ငွေကျပ်  (၁၃၅၀၀၀)အား (၁၆-၇-၂၀၁၆)ရက်နေ့က သွားရောက်ထောက်ပံ့ ခဲ့ကြောင်းသိရှိရပါသည်။