Author Archives: RRD

၁။      လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စု ဝန်ကြီး၊ ဒေါက်တာဝင်းမြတ်အေးသည် ကမ္ဘောဇဘဏ်လီမိတက်မှ တာ၀န်ရှိသူများနှင့် ၂၀၁၆ ခုနှစ်၊ ဇူလိုင်လ(၂၅)ရက်နေ့ နံနက်(၁၀:၃၀)နာရီတွင် ဝန်ကြီး၏အစည်းအဝေးခန်းမ၌ လက်ခံတွေ့ဆုံခဲ့ပါသည်။ ၂။      ကမ္ဘောဇဘဏ်လီမိတက်မှ ဝန်ကြီးဌာန အရာထမ်း၊ အမှုထမ်းများအတွက် လစာငွေကို အလိုအလျောက်ငွေထုတ်ကဒ် (ATM Card) ဖြင့် ဆောင်ရွက်ပေးနိုင်မည့် အခြေအ‌နေများ၊ ရန်ပုံငွေ တိုးပွားရေးဆိုင်ရာ စုဆောင်းထားရှိနိုင်မှုစနစ်များ၊ တိုင်းဒေသကြီး/ပြည်နယ်/ သဘာဝ ဘေးအန္တရာယ်စီမံခန့်ခွဲမှုအဖွဲ့များသို့ ထောက်ပံ့ပေးနေမှု အခြေအနေများ၊ ထပ်မံထောက်ပံ့ ဆောင်ရွက်ပေးနိုင်မှုအခြေအနေများအား ဆွေးနွေးတင်ပြခဲ့ပါသည်။ ၃။     ပြည်ထောင်စုဝန်ကြီးက လူမှုကာကွယ်စောင့်ရှောက်ရေးနှင့် … Read more

ဒုတိယသမ္မတ ဦးဟန်နရီဗန်ထီးယူ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ အရေးပေါ်အခြေအနေ စီမံခန့်ခွဲမှုဗဟိုဌာန (Emergency Operation Center- EOC) သို့ လာရောက်ကြည့်ရှုပြီး လုပ်ငန်းဆောင်ရွက်မှုများ တိုးတက်ဆောင်ရွက်နိုင်ရေး ဆွေးနွေးလမ်းညွှန်ခဲ့ပါသည်။

(၂၁-၇-၂၀၁၆) ရက်နေ့၊ နံနက် (၁၀) နာရီအချိန်တွင် ပဲခူးတိုင်းဒေသကြီး၊ ပြည်ခရိုင်၊ သဲကုန်းမြို့နယ်၊ အင်းမမြို့၊ သီရိကန်သာရပ်ကွက်၊ ပါလိတောရမအူကန်ရွာဘုန်းတော်ကြီးကျောင်း၌ မီးလောင်မှုဖြစ်ပွားခဲ့ရာ ဘုန်းတော်ကြီးကျောင်း (၁) ကျောင်းမီးလောင်ကျွမ်းခဲ့ပါသည်။ အဆိုပါမီးဘေးအတွက် ပြည်ခရိုင်ဦးစီးမှူးရုံး (ကဆရ) မှ သံဃာတော် (၂) ပါးစာ သင်္ကန်းဒွိစုံ (၂) စုံ၊ ဆွမ်းနှင့် ဘာသာရေးအဆောက်အဦဘိုးငွေကျပ် (၂၀၁,၈၀၀) တိတိအား (၂၂-၇-၂၀၁၆) ရက်နေ့တွင် သဲကုန်းမြို့နယ်ထွေ/အုပ်မှ တာဝန်ရှိသူတစ်ဦးထံသို့ လွှဲပြောင်းပေးအပ်လှူဒါန်းခဲ့ကြောင်း သိရှိရပါသည်။ Source: ပြည်ခရိုင်ဦးစီးမှူးရုံး (ကဆရ)

မကွေးတိုင်းဒေသကြီး၊ သရက်ခရိုင်ခရိုင်၊ ကံမမြို့နယ်၊ သမ္ဘရာကျေးရွာ၌ ဇူလိုင်လ (၁၁) ရက်နှင့် (၁၂) ရက်နေ့များတွင် ကမ်းပါးပြို၍ ပြောင်းရွှေ့ခဲ့ရသည့် အိမ်ထောင်စု (၁၇) စုအတွက် ကယ်ဆယ်ရေပစ္စည်း (၄) မျိုး (၁၇) အိမ်ထောင်စာနှင့် ဆန်ရိက္ခာဘိုးငွေ (၅၂၂၀၀) ကျပ်တိတိကို (၂၂-၇-၂၀၁၆) ရက်နေ့တွင် သရက်ခရိုင်ဦးစီးမှူးရုံး (ကဆရ) မှ တာဝန်ရှိသူတစ်ဦးက ကံမမြို့နယ်ထွေ/အုပ်ဦးစီးဌာနမှ တာဝန်ရှိသူထံသို့ လွှဲပြောင်းထောက်ပံ့ပေးခဲ့ကြောင်း သိရှိရပါသည်။ Source: သရက်ခရိုင်ဦးစီးမှူးရုံး (ကဆရ)

(၂၁-၇-၂၀၁၆) ရက်နေ့တွင် ရှမ်းပြည်နယ်၊ ကျိုင်းတုံမြို့နယ်၊ ပါဆံကျကျေးရွာတွင် ကျိုင်းတုံခရိုင်ဦးစီးမှူးရုံး (ကဆရ) နှင့် World Vision Myanmar (Kyaing Tong) တို့ပူးပေါင်း၍ ကျောင်းတွင်းသဘာဝဘေးအသိပညာပေးအနေဖြင့် “သဘာဝဘေးအန္တရာယ်နှင့် ခုခံကာကွယ်နိုင်မှုစွမ်းဆောင်ရည်အသိပညာပေးဟောပြောပွဲ” ကို ကျင်းပပြုလုပ်ခဲ့ရာ အဆိုပါဟောပြောပွဲသို့ ဆရာ/ ဆရာမ ၊ ကျောင်းသား/ကျောင်းသူ စုစုပေါင်း (၉၄ ) ဦး တက်ရောက်ခဲ့ကြောင်း သိရှိရပါသည်။   Source: ကျိုင်းတုံခရိုင်ဦးစီးမှူးရုံး (ကဆရ)

ဧရာဝတီတိုင်းဒေသကြီး၊ ရေကြည်မြို့နယ်၊ ငါးသိုင်းချောင်းမြို့တွင် ငဝန်မြစ်ရေ စိုးရိမ်ရေအမှတ်သို့ ရောက်ရှိကျော်လွန်ခဲ့ပြီး ရပ်ကွက်/ကျေးရွာများအတွင်း ရေကြီးရေလျှံမှုများ ဖြစ်ပွားလျက်ရှိပါသည်။ အဆိုပါရေကြီးရေလျှံမှုများ ဖြစ်ပွားလျက်ရှိသည့် ငဝန်ရပ်ကွက်နှင့် ကက္ကူလေးကျေးရွာအုပ်စု၊ မြစ်ဆယ်ကျေးရွာအုပ်စုများရှိ ဘေးသင့်ပြည်သူများအတွက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ကူညီထောက်ပံ့မှုများဆောင်ရွက်လျက်ရှိရာ အိမ်ထောင်စုအလိုက် ဆန်၊ ငါးသေတ္တာနှင့် ရေသန့်ဆေးထုပ်တို့ကို ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးနှင့် ဟင်္သာတခရိုင်ဦးစီးမှူးရုံးရှိ တာဝန်ရှိသူများမှ (၂၂-၇-၂၀၁၆) နေ့တွင် ဘေးသင့်ပြည်သူများလက်ဝယ်သို့ ကိုယ်တိုင်ကိုယ်ကျ သွားရောက် ထောက်ပံ့ပေးလျက်ရှိကြောင်းနှင့် လိုအပ်သည့်နေရာများသို့ ဆက်လက်ကူညီထောက်ပံ့မှုများ ဆောင်ရွက်သွားမည်ဖြစ်ကြောင်း သိရှိရပါသည်။ Source: ဧရာဝတီတိုင်းဒေသကြီးဦးစီးမှူးရုံး … Read more

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမတွင် ဇူလိုင်လ (၂၂) ရက်နေ့‌၊ နံနက် (၀၉) နာရီအချိန်က ပြည်ထောင်စုဝန်ကြီး ဒေါက်တာ ဝင်းမြတ်အေး အား NewZealand နိုင်ငံအခြေစိုက် Moveahead Software အဖွဲ့အစည်းမှ Director ဖြစ်သူ Mr.Trevor ဦးဆောင်သောအဖွဲ့မှ လာရောက်တွေ့ဆုံခဲ့ပါသည်။ ထိုသို့တွေ့ဆုံရာ၌ ဖွံ့ဖြိုးမှုနှောင့်နှေးသော ကလေးငယ်များ၊ Down’s Syndrome အော်တစ်ဇင်ရောဂါခံစားနေရသောကလေးငယ်များအတွက် ဘာသာစကားသင်ယူခြင်း၊ ပညာသင်ယူခြင်းများလွယ်ကူစေရန် နည်းပညာ Software အား မြန်မာဘာသာဖြင့် ထုတ်လုပ်နိုင်ရေးပူးပေါင်းဆောင်ရွက်နိုင်မည့်ကိစ္စရပ်များ၊ အဆိုပါ Software အား … Read more

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် ရက် ၁၀၀ စီမံကိန်းတွင် မသန်စွမ်းသူများဖွံ့ဖြိုးတိုးတက်ရေး အမျိုးသားအဆင့်မဟာဗျူဟာ (၂၀၁၆-၂၀၂၅) ကို အကောင်အထည်ဖော်လျက်ရှိရာ မသန်စွမ်းသူများအတွက် အထူးစောင့်ရှောက်မှုသင်တန်းများကို ဖွင့်လှစ်ပို့ချလျက်ရှိပါသည်။ ဇူလိုင်လ (၂၁) ရက်နေ့၊ မွန်းလွဲ (၂) နာရီအချိန်တွင် ပြည်ထောင်စုဝန်ကြီး ဒေါက်တာ ဝင်းမြတ်အေး အား Nippon Foundation အဖွဲ့အစည်းမှ Executive Director ြဖစ်သူ Mr. Shuichi Ohno နှင့် UNESCO အဖွဲ့အစည်းမှ Director ဖြစ်သူ Dr. Indrajit … Read more

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် ဆင်းရဲနွမ်းပါးမှု လျော့ချရေး၊ ပြည်သူလူထုတစ်ဦးချင်းစီနှင့် အိမ်ထောင်စုတစ်စုချင်းရဲ့ ထိခိုက်လွယ်မှု အခြေအနေများကို လျော့ချရေးနှင့် လူသားအရင်းအနှီး ဖွံ့ဖြိုးတိုးတက်ရေးတို့အတွက် လူမှုကာကွယ်စောင့်ရှောက်ရေးလုပ်ငန်းများကို မဖြစ်မနေဆောင်ရွက်သွားမှာ ဖြစ်သလို မိတ်ဖက်အဖွဲ့အစည်းများကလည်း ပူးပေါင်းဆောင်ရွက်ပေးကြရန် ၂၀၁၆ ခုနှစ် ဇူလိုင်လ (၂၀) ရက်နေ့တွင် နေပြည်တော် သင်္ဂဟဟိုတယ်၌ ကျင်းပပြုလုပ်သည့် လူမှုကာကွယ်စောင့်ရှောက်ရေးလုပ်ငန်းအဖွဲ့ခွဲ အစည်းအဝေးတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာဝင်းမြတ်အေးမှ ပြောကြားခဲ့ပါသည်။ ပြည်ထောင်စုဝန်ကြီးမှ ပြောကြားရာတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် လူမှုကာကွယ်စောင့်ရှောက်ရေးလုပ်ငန်းကို ဦးဆောင်ဝန်ကြီးဌာနတစ်ခုအဖြစ် … Read more

(၁၈-၇-၂၀၁၆) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၉-၇-၂၀၁၆)ရက်နေ့တွင် ဖျာပုံမြို့၊ ချောင်းတွင်းကျေးရွာအုပ်စု၊ ခြံကျေးရွာတွင် ရုတ်တရက်လေပြင်းတိုက်ခတ်ခြင်းကြောင့် ငါးဖမ်းစက်လှေနှစ်မြုပ်သဖြင့် သေဆုံးသွားသူ ဦးကျော်ရဲအောင် အတွက် ထောက်ပံ့ငွေကျပ် (၁၀၀,၀၀၀/-) အား သေဆုံးသူ၏ဇနီးဖြစ်သူ ဒေါ်ရီရီသန့်ထံသို့ တာဝန်ရှိသူများ ရှေ့မှောက်ထောက်ပံ့ပေးအပ်ခဲ့ကြောင်း သိရှိရပါသည်။ Source: ဖျာပုံခရိုင်ဦးစီးမှူးရုံး(ကဆရ)