Author Archives: RRD

(၉.၇.၂၀၁၆) ရက်နေ့တွင် ဖျာပုံမြို့နယ်၊ ချောင်းတွင်းကျေးရွာအုပ်စု၊ ချောင်းတွင်းကျေးရွာတွင် လေပြင်းတိုက်ခတ်ခဲ့သောကြောင့်အိမ်ခြေ (၁) လုံး ပျက်စီးမှုဖြစ်ပွားခဲ့ရာ ကယ်ဆယ်ရေးနှင့်ပြန်လည်နေရာချထားရေးဦးစီးဌာန ၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၁၀-၇-၂၀၁၆) ရက်နေ့တွင် အဆိုပါလေဘေးသင့်အိမ်ထောင်စု (၁) စု အတွက် ကယ်ဆယ်ရေးပစ္စည်း(၉)မျိုး၊ ဆန်ဖိုးငွေ (၃)ရက်စာ (၅၄၀၀) ကျပ် နှင့် အိမ်ဆောက်ပစ္စည်းဘိုး (၅၀၀၀၀)ကျပ်အား ထောက်ပံ့ပေးအပ်ခဲ့ကြောင်း သိရှိရပါသည်။

(၁၂-၇-၂၀၁၆) ရက်နေ့တွင် လပွတ္တာခရိုင်ဦးစီးမှူးရုံးမှတာဝန်ရှိသူများသည် ဧရာဝတီတိုင်းဒေသကြီး၊ လပွတ္တာမြို့၊ အမှတ်(၇)ရပ်ကွက် နှင့် အမှတ်(၁၀)ရပ်ကွက် တို့တွင် (၇-၇-၂၀၁၆) ရက်နေ့က လေပြင်း တိုက်ခတ်မှုကြောင့် အမိုးလန်သွားသော နေအိမ်(၁)လုံး အတွက် အိမ်ဆောက်ပစ္စည်းဖိုးငွေ ထောက်ပံ့ ပေးအပ်ခဲ့ကြောင်း သိရှိရပါသည်။

ကယ်ဆယ်ရေးနှင့်ပြန်လည်နေရာချထားရေးဦးစီးဌာန မော်လိုက်ခရိုင်ဦးစီးမှုးရုံးမှ တာဝန်ရှိသူများသည် မော်လိုက်မြို့နယ်အတွင်းရှိ ရပ်ကွက်/ကျေးရွာများသို့ ချင်းတွင်းမြစ်ရေမြင့်တက်မှုကြောင့် (၁၀-၇-၂၀၁၆) ရက်နေ့အထိ ပြောင်းရွှေ့နေထိုင်သည့် အိမ်ထောင်စု(၁၁၅)စုမှ လူဦးရေ(၅၈၄)ဦးအတွက် ဆန်ရိက္ခာ(၃)ရက်စာ(၅၂၅၆၀၀)ကျပ်အား မြို့နယ်အထွေထွေအုပ်ချုပ်ရေးဦးစီးဌာနမှတဆင့် ထောက်ပံ့ ပေးအပ်ခဲ့ကြောင်း သိရှိရပါသည်။

(၁၂-၇-၂၀၁၆) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူ များသည် (၁၀- ၇- ၂၀၁၆) ရက်နေ့တွင် ဖြစ်ပွားသောမီးဘေးကြောင့် ကချင်ပြည်နယ်၊ မြစ်ကြီးနားမြို့နယ်၊ နောင်နန်းကျေးရွာတွင် ဘေးသင့်အိမ်ခြေ (၁)လုံး၊ အိမ်ထောင်စု (၁) စုစာ လူဦးရေ (၄)ဦးအတွက် ကယ်ဆယ်ရေးပစ္စည်း(၉)မျိုး၊ အိမ်ထောင်စု (၁) စုစာ ဆန်ရိက္ခာ (၃) ရက်စာ (၃၆၀၀/-) ကျပ်နှင့် အိမ်ဆောက်ပစ္စည်း (၅၀၀၀၀/-) ကျပ်တို့အား ထောက်ပံ့ပေးအပ်ခဲ့ကြောင်း သိရှိရပါသည်။ Source : ကချင်ပြည်နယ်ဦးစီးမှူးရုံး(ကဆရ)

(၁၂-၇-၂၀၁၆) ရက်နေ့တွင် ပြည်ခရိုင်ဦးစီးမှူးရုံးမှတာဝန်ရှိသူများသည် ပဲခူးတိုင်းဒေသကြီး၊ ပြည်မြို့၊ ဆံတော်ရပ်ကွက်တွင် (၅-၇-၂၀၁၆) ရက်နေ့၌ လေပြင်းတိုက်ခတ်မှုကြောင့် သစ်ပင်ပိ၍ ပြိုကျပျက်စီးခဲ့သော နေအိမ်(၂)လုံးအတွက် ကယ်ဆယ်ရေးပစ္စည်း(၉)မျိုး၊ ဆန်ဖိုးနှင့် အိမ်ဆောက်ပစ္စည်းဖိုးငွေ (၁၀၆၃၀၀) ကျပ်အား ထောက်ပံ့ပေးခဲ့ကြောင်း သိရှိရပါသည်။

(၁၂-၇-၂၀၁၆) ရက်နေ့တွင် ပြည်ခရိုင်ဦးစီးမှူးရုံးမှတာဝန်ရှိသူများသည် ပဲခူးတိုင်းဒေသကြီး၊ လက်ပံတန်းမြို့နယ်ရှိ ၊ ကျေးရွာအုပ်စု(၄)စုတွင် (၆-၇-၂၀၁၆) ရက်နေ့၌ လေဘေးဖြစ်ပွားခဲ့ရာ အဆိုပါလေဘေးသင့်ပြည်သူများအတွက် အိမ်ဆောက်ပစ္စည်းဖိုး နှင့် လူဦးရေ (၁၅၀)ဦးတို့အတွက် ဆန်ဖိုးငွေ စုစုပေါင်း (၁၁၆၅၀၀၀)ကျပ် နှင့် ကယ်ဆယ်ရေး ပစ္စည်းများကို ထောက်ပံ့မှုပေးနိုင်ရန် မြို့နယ်အထွေထွေအုပ်ချုပ်ရေးမှူးထံသို့ လွဲပြောင်း ပေးအပ်ခဲ့ကြောင်းသိရှိရ ပါသည်။

  (၁၁-၇-၂၀၁၆) ရက်နေ့နှင့် (၁၂-၇-၂၀၁၆) ရက်နေ့တို့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ လားရှိုးခရိုင်ဦးစီးမှူးရုံးမှ တာဝန်ရှိသူများသည် ရှမ်းပြည်နယ်မြောက်ပိုင်း နမ္မတူမြို့နယ် ကျေးရွာ( ၆ ) ရွာမှ တိုက်ပွဲရှောင် အိမ်ထောင်စု(၆၄) စု၊ လူဦးရေ စုစုပေါင်း (၂၅၂) ဦးတို့အတွက် ဆန် (၃) ရက်စာထောက်ပံ့ငွေ (၂၂၆,၈၀၀/- ) ကျပ်နှင့် အိမ်ထောင်စု (၆၄) စုစာ ကယ်ဆယ်ရေးပစ္စည်း (၉) မျိုး တို့ကို ရွှေမြင်သာဘုန်းတော်ကြီးကျောင်းတွင် ထောက်ပံ့ပေးအပ်ခဲ့ကြောင်း သိရှိရပါသည်။ Source: လားရှိုးခရိုင်ဦးစီးမှူးရုံး(ကဆရ)

ကယ်ဆယ်ရေးနှင့် ‌ ပြန်လည်နေရာချထားရေးဦးစီးဌာန၊ ကျောက်မဲခရိုင်ဦးစီးမှူးရုံးမှတာဝန်ရှိသူများသည်(၈. ၇. ၂၀၁၆)ရက်နေ့ နှင့် (၉. ၇. ၂၀၁၆)ရက်နေ့တို့တွင် ကျောက်မဲခရိုင်၊ သီပေါမြို့နယ်၊ ရတနာရွှေဂူဘုန်းကြီးကျောင်းသို့ ရောက်ရှိလာသော တိုက်ပွဲရှောင်ပြည်သူအိမ်ထောင်စု(၉၃)စုမှ လူဦးရေ(၃၃၉)ဦးအတွက် ကယ်ဆယ်ရေးပစ္စည်း(၉)မျိုး၊ အိမ်ထောင်စု(၉၃)စုစာနှင့် လူဦးရေ(၃၃၉)ဦးအတွက် ဆန်(၃)ရက်စာ (၃၀၅၁၀၀/)ကျပ်အား(၁၁. ၇. ၂၀၁၆)ရက်နေ့တွင်သွားရောက်ထောက်ပံ့ခဲ့ကြောင်းသိရှိရပါသည်၊၊

(၁၁-၇-၂၀၁၆) ရက်နေ့တွင် ဧရာ၀တီတိုင်းဒေသကြီးဦးစီးမှူးရုံးမှတာဝန်ရှိသူ များသည်  ဧရာ၀တီတိုင်းဒေသကြီး၊ ပုသိမ်မြို့နယ်၊ ဇင်ပြွန်းကုန်းကျေးရွာအုပ်စု၊ သစ်ပုတ်ကုန်းကျေးရွာတွင် (၉-၇-၂၀၁၆) ရက်နေ့၌ လေပြင်းတိုက်ခတ်မှုကြောင့် သစ်ပင်ပိ၍ ပြိုကျပျက်စီးခဲ့သော နေအိမ်(၁)လုံး၊ အိမ်ထောင်စု(၁) စုမှ လူဦးရေ (၃) ဦးအတွက် အိမ်ထောင်စု (၁) စုစာ၊ ကယ်ဆယ်ရေးပစ္စည်း(၉)မျိုး၊ အိမ်ဆောက် ပစ္စည်းဖိုး(၅၀၀၀၀/-) ကျပ်၊ ဆန်ရိက္ခာ (၃) ရက်စာ ရန်ပုံငွေ (၂၇၀၀/-)၊ စုစုပေါင်း ရန်ပုံငွေ (၅၂၇၀၀/-)ကျပ်အား လေဘေးသင့်ပြည်သူ၏လက်ဝယ်သို့ ပေးအပ် ထောက်ပံ့ခဲ့ကြောင်း သိရှိရပါသည်။ Source: ဧရာ၀တီတိုင်းဒေသကြီးဦးစီးမှူးရုံး(ကဆရ)

(၁၁-၇-၂၀၁၆) ရက်နေ့၊ နံနက် (၀၈) နာရီအချိန်တွင် ကျောက်မဲခရိုင်၊ ကျောက်မဲမြို့နယ်၌ “ရပ်ကွက်/ကျေးရွာအုပ်စု အုပ်ချုပ်ရေးမှူး လုပ်ငန်းစွမ်းဆောင်ရည်မြင့်မားရေးသင်တန်း” ဖွင့်လှစ်ပို့ချရာတွင် ကျောက်မဲခရိုင်ဦးစီးမှူးရုံး (ကဆရ) မှ သဘာဝဘေးအန္တရာယ်ဆိုင်ရာစီမံခန့်ခွဲမှုလုပ်ငန်းများနှင့် ဦးစီးဌာန၏ လုပ်ငန်းဆောင်ရွက်မှုအခြေအနေများအား ဆွေးနွေးဟောပြောခဲ့ပြီး သဘာဝဘေးအသိပညာပေးလက်ကမ်းစာစောင်များ ဖြန့်ဝေပေးခဲ့ပါသည်။ အဆိုပါသင်တန်းသို့ လူဦးရေ (၁၅၀) ဦးခန့် တက်ရောက်ခဲ့ကြောင်း သိရှိရပါသည်။ Source: ကျောက်မဲခရိုင်ဦးစီးမှူးရုံး (ကဆရ)