(၉.၇.၂၀၁၆) ရက်နေ့တွင် ဖျာပုံမြို့နယ်၊ ချောင်းတွင်းကျေးရွာအုပ်စု၊ ချောင်းတွင်းကျေးရွာတွင် လေပြင်းတိုက်ခတ်ခဲ့သောကြောင့်အိမ်ခြေ (၁) လုံး ပျက်စီးမှုဖြစ်ပွားခဲ့ရာ ကယ်ဆယ်ရေးနှင့်ပြန်လည်နေရာချထားရေးဦးစီးဌာန ၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၁၀-၇-၂၀၁၆) ရက်နေ့တွင် အဆိုပါလေဘေးသင့်အိမ်ထောင်စု (၁) စု အတွက် ကယ်ဆယ်ရေးပစ္စည်း(၉)မျိုး၊ ဆန်ဖိုးငွေ (၃)ရက်စာ (၅၄၀၀) ကျပ် နှင့် အိမ်ဆောက်ပစ္စည်းဘိုး (၅၀၀၀၀)ကျပ်အား ထောက်ပံ့ပေးအပ်ခဲ့ကြောင်း သိရှိရပါသည်။