Author Archives: RRD

ပဲခူးတိုင်းဒေသကြီး၊ ပဲခူးခရိုင်၊ ကဝမြို့နယ်၊ သာယာကုန်းကျေးရွာရှိ လေဘေးသင့် ပြိုလဲနေအိမ် အိမ်ထောင်စု (၁)စု၊ အမိုးလန်နေအိမ် အိမ်ထောင်စု (၃)စု တို့အတွက် အိမ်ဆောက်ပစ္စည်းထောက်ပံ့ငွေ (၁၁၀၀၀၀)ကျပ် နှင့် လူဦးရေ (၁၉)ဦးအတွက် ဆန်ရိက္ခာဖိုး (၁၇၁၀၀)ကျပ် စုစုပေါင်း (၁၂၇၁၀၀)ကျပ်တို့ကို ပဲခူးတိုင်းဒေသကြီး ဦးစီးမှူးရုံး (ကဆရ)မှ (၁၇-၈-၂၀၁၆)ရက်နေ့တွင် သွားရောက်ထောက်ပံ့ခဲ့ကြောင်း သတင်းရရှိပါသည်။

ကချင်ပြည်နယ်၊ မြစ်ကြီးနားမြို့၊ မြို့သစ်ကြီးရပ်ကွက်နှင့် မြေမြင့်ရပ်ကွက်တို့တွင် (၁၆-၈-၂၀၁၆) ရက်နေ့က မိုးသည်းထန်စွာ ရွာသွန်းခဲ့ရာ အနိမ့်ပိုင်းလူနေအိမ်များ ရေနစ်မြုပ်မှုဖြစ်ပွားခဲ့ပါသည်။ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် အဆိုပါ ရေဘေးသင့် အိမ်ထောင်စု (၅၇)စုမှ လူဦးရေ (၂၅၉)ဦးတို့အတွက် ကယ်ဆယ်ရေးပစ္စည်း (၄)မျိုး နှင့် ဆန်ရိက္ခာ (၃)ရက်စာ (၂၃၃၁၀၀)ကျပ်အား (၁၇-၈-၂၀၁၆) ရက်နေ့တွင် သွားရောက် ထောက်ပံ့ခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ တာဝန်ရှိသူများသည် တနင်္သာရီတိုင်းဒေသကြီး၊ လောင်းလုံးမြို့နယ်၊ ထောင်းနီကျေးရွာရှိ မူလတန်းကျောင်းတွင် ငလျင်ဘေးအန္တရာယ် သဏ္ဍာန်တူဇာတ်တိုက် လေ့ကျင့်ခြင်းကို WorldVision Myanmar အဖွဲ့အစည်း နှင့်အတူ ပူးပေါင်းဆောင်ရွက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကျောက်ဖြူခရိုင်ဦးစီးမှူးရုံးမှ တာဝန်ရှိသူများသည် သံတွဲခရိုင်၊ သံတွဲမြို့နယ်၊ သပြုချိန်တိုက်နယ်ကွင်းပိုင်းကျေးရွာတွင် မြေပြိုမှုကြောင့် ထိခိုက်ပျက်စီးသွားသော နေအိမ်များအတွက် သွားရောက်ထောက်ပံ့ခဲ့ရာ အိမ်နောက်ဘက်ပိုင်း ပျက်စီးခဲ့ရသည့် လူနေအိမ်တစ်လုံး အတွက် အိမ်ဆောက်ပစ္စည်းဖိုး (၂၀၀၀၀)ကျပ်၊ လူနှစ်ဦးအတွက် ဆန်ရိက္ခာဖိုး (၁၈၀၀)ကျပ် နှင့် ကယ်ဆယ်ရေးပစ္စည်း (၄)မျိုးတို့အား သံတွဲမြို့နယ် ဒုတိယ အုပ်ချုပ်ရေးမှူး ထံသို့ (၁၇-၈-၂၀၁၆) ရက်နေ့က လွှဲပြောင်းပေးအပ်ခဲ့ကြောင်း သတင်းရရှိပါသည်။

–   အမျိုးသားသဘာ၀ဘေးအန္တရာယ်ဆိုင်ရာစီမံခန့်ခွဲမှုကော်မတီ၏ ဦးဆောင်လမ်းညွှန်မှုဖြင့် လူမှု၀န်ထမ်း၊ ကယ်ဆယ်ရေးနှင့်ပြန်လည်နေရာချထားရေး၀န်ကြီးဌာနသည် ကာကွယ် ရေး၀န်ကြီးဌာနနှင့်ပူးပေါင်း၍ ၂၀၁၆ ခုနှစ်၊ ဇူလိုင်လနှင့် သြဂုတ်လအတွင်း နာဂ ကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်အတွင်းရှိ ကူးစက်ရောဂါများဖြစ်ပွားခဲ့သော ကျေးရွာများအတွက် အရေးပေါ်လိုအပ်သော စားနပ်ရိက္ခာများ၊ အဟာရဖြည့်စွက်စာများ ကို တပ်မတော် Y-8 လေယာဉ်ဖြင့် ဟုမ္မလင်းမြို့သို့လည်းကောင်း၊ ဟုမ္မလင်းမြို့မှတဆင့် ရဟတ်ယာဉ်ဖြင့် ခန္တီးမြို့သို့လည်းကောင်း၊ ခန္တီးမြို့မှတဆင့် မော်တော်ယာဉ်များဖြင့် လဟယ်မြို့သို့လည်းကောင်းပို့ဆောင်လျက်ရှိပါသည်။ –   ထိုသို့ပို့ဆောင်လျက်ရှိရာ (၁၅-၈-၂၀၁၆) နေ့တွင် တန်ချိန် (၇) တန်ရှိ ဆန်၊ ဆီ၊ ကုလားပဲ၊ … Read more

  ရခိုင်ပြည်နယ်၊ မြောက်ဦးမြို့နယ်၊ မော်ရွာကျေးရွာအုပ်စု၊ မော်ရွာသစ်ကျေးရွာနေ (ဘ)ဦးမောင်သောင်း၏သား မောင်ဆန်းလင်း(၂၅)နှစ်သည် (၁၀.၈.၂၀၁၆)ရက်နေ့ နံနက်(၁၁:၁၅)နာရီတွင် မိုးကြိုးဒဏ်သင့်၍ သေဆုံးခဲ့ပါသဖြင့် (၁၆.၈.၂၀၁၆)ရက်နေ့ နံနက်(၁၀:၀၀)နာရီတွင် မြောက်ဦးမြို့နယ်အုပ်ချုပ်ရေးမှူးရုံး၌ သေဆုံးသူ၏ အစ်ကိုဖြစ်သူအား ထောက်ပံ့ငွေကျပ် (၁၀၀,၀၀၀/-)ကျပ်ကို ရခိုင်ပြည်နယ်ကယ်ဆယ်ရေးဦးစီးမှူးရုံးမှ ထောက်ပံ့ပေးအပ်ခဲ့ကြောင်း သတင်းရရှိပါသည်။ Source :    ရခိုင်ပြည်နယ်ဦးစီးမှူးရုံး(ကဆရ)

(၁၅-၈-၂၀၁၆) ရက်နေ့တွင် အမျိုးသားသဘာဝဘေး အန္တရာယ်ဆိုင်ရာစီမံခန့်ခွဲမှုကော်မတီ၏ ကြီးကြပ်မှုဖြင့် လူမှုဝန်ထမ်း ၊ကယ်ဆယ်ရေးနှင့် ပြန်လည် နေရာ ချထားရေးဝန်ကြီးဌာန ပြည်ထောင်စု ဝန်ကြီးမှ တပ်မတော် ကာကွယ်ရေး ဦးစီးချုပ်ရုံးနှင့် ညှိနှိုင်းပူးပေါင်း၍ နာဂဒေသရှိပြည်သူများအတွက် အာဟာရဖြည့်ထောက်ပံ့ပေးသည့် အာဟာရဆန် (၁၀၄) အိတ် ၊ ကုလားပဲ (၆၀၀) ပိဿာ ၊ စားဆီ (၂၀၀) ပိဿာ၊ ငါးသေတ္တာ (၃၃၀၀) ဘူးတို့အား တပ်မတော်မှ (Y8) ကုန်တင် လေယာဉ်ဖြင့် တင်ဆောင်၍ ဟုမ္မလင်းမြို့သို့ ယနေ့ (၁၅:၃၀) … Read more

၂၀၁၆ ခုနှစ်၊ ဇူလိုင်လလယ်ခန့်မှ စတင်ဖြစ်ပွားလျက်ရှိသော ရေကြီးရေလျှံမှုများကြောင့် တိုင်းဒေသ ကြီး/ပြည်နယ် (၁၀) ခုတွင် ပြည်သူများအား ဘေးလွတ်ကင်းရာနေရာများသို့ ယာယီ ပြောင်းရွှေ့နေရာ ချထားပေးမှုများရှိခဲ့ရာ (၁၅-၈-၂၀၁၆) နေ့အထိ အိမ်ထောင်စု (၁) သိန်း (၁) သောင်းကျော်မှ လူဦးရေ (၄) သိန်း (၇) သောင်းကျော်ကို ဘေးလွတ်ရာနေရာများ သို့ ပြောင်းရွှေ့နေရာချထားပေးခဲ့ရပါသည်။ လူ (၈) ဦးသေဆုံးခဲ့ပါသည်။ သို့သော် ယခုအခါ အချို့နေရာများတွင် ရေများပြန်လည်ကျဆင်းသွားပြီဖြစ်သဖြင့် မူလနေရာများသို့ ပြန်လည် ရွှေ့ပြောင်းလျက်ရှိရာ ကချင်ပြည်နယ်နှင့်စစ်ကိုင်းတိုင်းဒေသကြီးတွင်ရေများကျဆင်းသွားပြီဖြစ်ပြီးကယ်ဆယ်ရေးစခန်းများမရှိတော့ပါ။ … Read more