ကချင်ပြည်နယ်၊ မြစ်ကြီးနားမြို့၊ မြို့သစ်ကြီးရပ်ကွက်နှင့် မြေမြင့်ရပ်ကွက်တို့တွင် (၁၆-၈-၂၀၁၆) ရက်နေ့က မိုးသည်းထန်စွာ ရွာသွန်းခဲ့ရာ အနိမ့်ပိုင်းလူနေအိမ်များ ရေနစ်မြုပ်မှုဖြစ်ပွားခဲ့ပါသည်။ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် အဆိုပါ ရေဘေးသင့် အိမ်ထောင်စု (၅၇)စုမှ လူဦးရေ (၂၅၉)ဦးတို့အတွက် ကယ်ဆယ်ရေးပစ္စည်း (၄)မျိုး နှင့် ဆန်ရိက္ခာ (၃)ရက်စာ (၂၃၃၁၀၀)ကျပ်အား (၁၇-၈-၂၀၁၆) ရက်နေ့တွင် သွားရောက် ထောက်ပံ့ခဲ့ကြောင်းသတင်းရရှိပါသည်။