Author Archives: RRD

ဧရာ၀တီတိုင်းဒေသကြီး၊ ပုသိမ်မြို့နယ်၊ ရွှေမြင်တင်ကျေးရွာအုပ်စု၊ ဝါးယားချောင်းကျေးရွာရှိ ပြည်သူများ သဘာ၀ဘေး အန္တရာယ်ဆိုင်ရာအသိပညာဗဟုသုတများရရှိစေရန်အတွက် (၂၀-၁၂-၂၀၁၆) ရက်နေ့တွင် ကယ်ဆယ်ရေးနှင့် ပြန်လည်နေရာ ချထားရေးဦးစီးဌာန၊ ဧရာ၀တီတိုင်းဒေသကြီးဦးစီးမှူးရုံးမှ ဦးသန်းစိုး(ညွှန်ကြားရေးမှူး)နှင့် ဝန်ထမ်းများမှ သဘာ၀ဘေးအန္တရာယ် ဆိုင်ရာ အသိပညာများဆွေးနွေးဟောပြောပို့ချခဲ့ပါသည်။ အသိပညာပေးဆွေးနွေးပွဲသို့ ပုသိမ်မြို့နယ်အထွေထွေအုပ်ချုပ်ရေးဦးစီးဌာနမှ တာ၀န်ရှိသူများ၊ ကျေးရွာအုပ်ချုပ်ရေးမှူး၊ ရပ်မိရပ်ဖများနှင့် ရပ်ရွာပြည်သူလူထု စုစုပေါင်း (၂၂၀) ဦးခန့်တက်ရောက်ခဲ့ပါကြောင်းနှင့် ဘေး (၈) မျိုး လက်ကမ်းစာစောင်များနှင့် နံရံကပ်ပိုစတာများအား ဖြန့်ဝေပေးခဲ့ကြောင်း သိရှိရပါသည်။ Source: ဧရာ၀တီတိုင်းဒေသကြီးဦးစီးမှူးရုံး (ကဆရ)

မကွေးတိုင်းဒေသကြီး၊ ချောက်မြို့နယ်၊ ပန်းဘဲ(မ)ကျေးရွာ၌ (၁၃-၁၂-၂၀၁၆) ရက်နေ့တွင် ဖြစ်ပွားခဲ့သော မီးဘေးသင့်အိမ်ခြေ (၁) အိမ်ထောင်စု (၁) စုမှ လူဦးရေ (၃) ဦးအတွက် အိမ်ဆောက်ပစ္စည်းဖိုး (၅၀၀၀၀)၊ ဆန်ရိက္ခာဖိုး (၂၇၀၀)၊ ထောက်ပံ့ငွေစုစုပေါင်း (၅၂၇၀၀) နှင့် ကဆရပစ္စည်း (၉) မျိုးနှင့် ပလပ်စတစ်ပုံး(၁)ပုံးတို့အား (၁၅-၁၂-၁၆) ရက်နေ့တွင် မကွေးတိုင်းဒေသကြီးဦးစီးမှူးရုံး (ကဆရ) မှ တာဝန်ရှိသူများသည် ချောက်မြို့နယ် အထွေထွေအုပ်ချုပ်ရေးဦးစီးဌာနမှ ဦးမျိုးမင်းဌေး (ဒုဦးစီးမှူး) ထံသို့ ထုတ်ပေးထောက်ပံ့ပြီးဖြစ်ပါကြောင်း သိရှိရပါသည်။ Source: မကွေးတိုင်းဒေသကြီးဦးစီးမှူးရုံး … Read more

ကျောက်မဲခရိုင်ဦးစီးမှူးရုံး (ကဆရ) မှ တာဝန်ရှိသူများသည် ကျောက်မဲမြို့နယ်၊ မိုင်းတင်းကျေးရွာအုပ်စု၊ နမ့်ဆောကျေးရွာမှ ကျောက်မဲမြို့ကမ္ဘောဇရှမ်းကျောင်းသို့ ရောက်ရှိလာသည့် တိုက်ပွဲရှောင်ပြည်သူ အိမ်ထောင်စု (၅၁) စုမှ လူဦးရေ (၁၅၇) ဦးအတွက် ကယ်ဆယ်ရေးပစ္စည်း (၉) မျိုး အိမ်ထောင်စု (၅၁) စုစာနှင့် ဆန် (၃) ရက်စာဘိုးငွေ (၁၄၁၃၀၀/-) ကျပ်တိတိကို ထောက်ပံ့ခဲ့ကြောင်း သိရှိရပါသည်။ Source: ကျောက်မဲခရိုင်ဦးစီးမှူးရုံး (ကဆရ)

ကချင်ပြည်နယ်ဦးစီးမှူးရုံး၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာနနှင့် မိတ်ဖက်အဖွဲ့ အစည်းများဖြစ်ကြသော မီးသတ်ဦးစီးဌာန၊ ပြည်သူ့ကျန်းမာရေးဦးစီးဌာန၊ (IOM) အဖွဲ့အစည်းနှင့် မိုး/ဇလဦးစီးဌာနတို့ ပူးပေါင်း၍ သဘာဝဘေးလျော့ပါးရေးစေတနာ့ဝန်ထမ်းလူငယ် (ဆင့်ပွား) သင်တန်းကို ကချင်ပြည်နယ်၊ ပူတာအိုမြို့တွင် (၁၄-၁၂-၂၀၁၆) မှ (၁၆-၁၂-၂၀၁၆) ရက်နေ့အထိ သင်တန်းဖွင့်လှစ်ခဲ့ရာ သင်တန်းသား/သင်တန်းသူ ဦးရေ (၂၈) ဦးတက်ရောက်ခဲ့ကြောင်း သိရှိ ရပါ သည်။ အဆိုပါသင်တန်းတွင် သက်ဆိုင်ရာဌာနအသီးသီးရှိ တာဝန်ရှိသူများမှ ၄င်းတို့ သက်ဆိုင်ရာ သဘာဝဘေးစီမံခန့်ခွဲမှုဘာသာရပ်များအား သင်ကြားပို့ချခဲ့ကြောင်း သိရှိရပါသည်။ Source: ကချင်ပြည်နယ်ဦးစီးမှူးရုံး(ကဆရ)

နိုင်ငံတော်အစိုးရအနေဖြင့် တိုင်းရင်းသားအရေးနှင့် ပြည်တွင်းငြိမ်းချမ်းရေးကို အလေးပေးလျက် ပြည်သူများ လွတ်လပ်လုံခြုံစွာဖွံ့ဖြိုးတိုးတက်ရေးအတွက် ဆောင်ရွက်လျက်ရှိပါသည်။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနအနေဖြင့် လူမှုကာကွယ်စောင့်ရှောက်ရေးလုပ်ငန်းများကို တိုးမြှင့်ဆောင်ရွက်လျက်ရှိပါကြောင်း၊ ဆောင်ရွက်လျက်ရှိသော လုပ်ငန်းစဉ်များတွင် လူမှုအဖွဲ့အစည်းများနှင့် ပြည်သူများက ပူးပေါင်းပါဝင်ဆောင်ရွက်ကြရန်ဖြစ်ကြောင်းဖြင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ကရင်ပြည်နယ် မြဝတီမြို့ သောင်ရင်းခန်းမတွင် ပြုလုပ်သော လူမှုအဖွဲ့အစည်းများ၊ ဌာနဆိုင်ရာဝန်ထမ်းများနှင့် တွေ့ဆုံပွဲတွင် ပြောကြားခဲ့ပါသည်။ အဆိုပါအခမ်းအနားသို့ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်လွွှတ်တော်ကိုယ်စားလှယ်များ၊ လူမှုအဖွဲ့အစည်းများ၊ ခရိုင်အဆင့်ဌာနဆိုင်ရာ ဝန်ထမ်းများနှင့် စိတ်ပါဝင်စားသူ ပြည်သူများတက်ရောက်ကြပါသည်။ ထို့နောက်တက်ရောက်လာကြသူများက … Read more

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် (၁၆-၁၂-၂၀၁၆) ရက်နေ့တွင် ကချင်ပြည်နယ်၊ ပူတာအိုမြို့ အ.ထ.က ပူတာအိုနှင့် နတလကျောင်းတို့တွင် သဘာဝဘေး အသိပညာပေး ဟောပြောပွဲကျင်းပပြုလုပ်ခဲ့ပါသည်။ အဆိုပါ ဟောပြောပွဲသို့ အ.ထ.က ပူတာအိုတွင် ကျောင်းသား/ကျောင်းသူ (၅၀၀) ဦးနှင့် နတလကျောင်းတွင် ကျောင်းသား/ကျောင်းသူ (၁၅၀) ဦး တို့အား သဘာဝဘေးအသိပညာများအား ဟောပြောပို့ချခဲ့ကြောင်း သိရှိရပါသည်။  Source: ကချင်ပြည်နယ်ဦးစီးမှူးရုံး (ကဆရ)

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာ ခန်းမ၌ ပြည်ထောင်စုဝန်ကြီး၊ ဒေါက်တာဝင်းမြတ်အေးအား ဒီဇင်ဘာလ (၂ဝ) ရက်နေ့၊ မွန်းလွဲ(၁:ဝ၀) နာရီအချိန်တွင် မြန်မာနိုင်ငံဆိုင်ရာ ကုလသမဂ္ဂဌာနေကိုယ်စားလှယ် Ms.RenataLok-Dessallien လာရောက် တွေ့ဆုံခဲ့ပါသည်။ ထိုသို့တွေ့ဆုံရာတွင် လူသားချင်းစာနာထောက်ထားမှုဆိုင်ရာအကူအညီများ ပေးအပ်ရာတွင် ကုလသမဂ္ဂအဖွဲ့အစည်းများ၊ နိုင်ငံတကာအစိုးရမဟုတ်သော အဖွဲ့ အစည်းများအနေဖြင့် နိုင်ငံတော်အစိုးရနှင့် ပိုမိုနီးကပ်စွာ ပူးပေါင်းဆောင်ရွက်နိုင်ရေး ကိစ္စရပ်များ၊ ရခိုင်ပြည်နယ်အတွင်း လူသားချင်းစာနာထောက်ထားမှုဆိုင်ရာ အကူအညီ များ ပေးအပ်နေမှုအခြေအနေများ၊လူမှု စီးပွားဘဝဖွံဖြိုးတိုးတက်ရေး၊ အလုပ်အကိုင် အခွင့်အလမ်းများရှာဖွေဖော်ထုတ် ပေးနိုင်ရေးဆောင်ရွက်ပေးနေမှုကိစ္စရပ်များ၊ ရခိုင် ပြည်နယ်ရှိနောက်ဆုံး အခြေအနေများနှင့်ပတ်သက်၍ … Read more

ပြည်ထောင်စုနယ်မြေ၊ နေပြည်တော်တွင် (၂၁-၁၂-၂၀၁၆) ရက်နေ့မှ (၂၃-၁၂-၂၀၁၆) ရက်နေ့အထိဖွင့် လှစ်သည့် သဘာဝဘေးလျော့ပါးရေးစေတနာ့ဝန်ထမ်းလူငယ် မွမ်းမံသင်တန်း(၁/၂၀၁၆)  မှ သင်တန်းသား (၄၀) ဦးတို့သည် အရေးပေါ်အခြေအနေစီမံခန့်ခွဲမှုဗဟိုဌာန (EOC) ၏ လုပ်ငန်းဆောင်ရွက်မှုများအား (၂၁-၁၂-၂၀၁၆) ရက်နေ့ နံနက်ပိုင်းတွင် လာရောက်လေ့လာခဲ့ရာ အဆိုပါ သင်တန်းသားများအား တာဝန်ရှိသူများမှ (EOC) လုပ်ငန်းဆောင်ရွက်မှုများနှင့် ပတ်သက်၍ အသေးစိတ်ရှင်းလင်းပြောကြားခဲ့ပါသည်။  

(၂၁-၁၂-၂၀၁၆) ရက်နေ့တွင်ကျောက်မဲခရိုင်ဦးစီးမှူးရုံး (ကဆရ) မှ တာဝန်ရှိသူများသည် သီပေါမြို့နယ် သို့ရောက်ရှိနေသော တိုက်ပွဲရှောင်ပြည်သူအိမ်ထောင်စု (၂၅၁) စုမှလူဦးရေ (၉၂၉) ဦး၊ အိမ်ထောင်စု (၇၄) စု စာ ကယ်ဆယ်ရေးပစ္စည်း (၉) မျိုးနှင့်ဆန် (၃) ရက်စာအတွက် (၈၃၆၁၀၀) ကျပ်တို့အား ထောက်ပံ့ပေးအပ် ခဲ့ကြောင်း သိရှိရပါသည်။ Source: ကျောက်မဲခရိုင်ဦးစီးမှူးရုံး(ကဆရ)

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပြည်ထောင်စုနယ်မြေ၊ နေပြည်တော်တိုင်းဦးစီးမှူးရုံးမှ တာဝန်ရှိသူများသည် (၁၃-၁၂-၂၀၁၆)ရက်နေ့တွင် ဒက္ခိဏသီရိမြို့နယ်၊ အ.ထ.က (၁၈) မှ ကျောင်းသား၊ ကျောင်းသူ ဦးရေ (၂၅၀)အားသဘာဝဘေး အသိပညာပေးခြင်း၊ လက်ကမ်းစာစောင်များဖြန့်ဝေခြင်းလုပ်ငန်းများပြုလုပ်ခဲ့ကြောင်း သတင်းရရှိပါသည်။