Author Archives: Aye Kyimann

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကသာခရိုင် ဦးစီးမှူးရုံးမှ တာဝန်ရှိသူများသည် ကသာခရိုင်၊ ကသာမြို့နယ်၊ မိုးတားလေးကျေးရွာ၌ (၇-၆-၂၀၁၇) ရက်နေ့နှင့် (၉-၆-၂၀၁၇) ရက်နေ့များတွင် ဧရာဝတီမြစ်ရေမြင့်တက်လာခြင်းကြောင့် ကမ်းပြိုပြီး ထပ်မံပြောင်းရွှေ့အိမ်ထောင်စု (၂) စုတို့အတွက် ကယ်ဆယ်ရေးပစ္စည်း (၅) မျိုးနှင့်အတူ အိမ်ဆောက်ပစ္စည်းဖိုး (၂၀၀၀၀၀/-) ကျပ်တို့အား (၁၁-၆-၂၀၁၇) နေ့တွင် ကျေးရွာအုပ်ချုပ်ရေးမှူးထံသို့ ထောက်ပံ့ပေးအပ် ခဲ့ကြောင်း သတင်းရရှိပါသည်။ Source:     ကသာခရိုင်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများနှင့် ရွှေကူမြို့နယ် သဘာဝဘေးလျော့ပါးရေးစေတနာ့ဝန်ထမ်းလူငယ်အဖွဲ့တို့ပူးပေါင်း၍ (၁၀-၆-၂၀၁၇) ရက်နေ့တွင် ပြီးခဲ့သည့်  ဧပြီလနှင့် မေလအတွင်း လေပြင်းဘေးဒဏ်ခံစားခဲ့ရသည့် ကျေးရွာများဖြစ်သော ရွှေကူလေးကျေးရွာ၊ တောပုန်းကျေးရွာနှင့် ငါးဘတ်ကြီးကျေးရွာတို့တွင် လေပြင်းဘေးကြိုတင် ကာကွယ်ရေးနှင့် သဘာဝဘေးအန္တရာယ်ဆိုင်ရာ အသိပညာပေးဆွေးနွေးဟောပြောပွဲများ ဆောင်ရွက်ခဲ့ပါသည်။ အဆိုပါ ရွာ (၃) ရွာတွင် လေပြင်းဘေးကြိုတင်ကာကွယ်ရေးနှင့်စပ်လျဉ်း၍ ပြည်သူတို့ပန်ကြားချက်နှင့် မီးဘေးကြိုတင်ကာကွယ်ရေး မြေစိုက်ပိုစတာများ စိုက်ထူပေးခဲ့ကြောင်း သတင်းရရှိပါသည်။ Source:     ကချင်ပြည်နယ်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ သရက်ခရိုင်ဦးစီးမှူးရုံးမှ တာဝန်ရှိသူများသည် သရက်ခရိုင်၊ သရက်မြို့နယ်၊ သပြေစမ်း ကျေးရွာ၌ သောက်သုံးရေအခက်အခဲဖြစ်ပေါ်မှုအတွက် အဝီစိရေတွင်းတူးဖော်ရန်အတွက် ထောက်ပံံ့ငွေ (၂၉၈၉၇၅၀/-) ကျပ်အား (၉-၈-၂၀၁၇ ) ရက်နေ့တွင် သွားရောက်ထောက်ပံ့ပေးအပ်ခဲ့ကြောင်း သတင်းရရှိပါသည်။ Source:   သရက်ခရိုင်ခရိုင်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မိုင်းဖြတ်ခရိုင်ဦးစီးမှူးရုံးမှတာဝန်ရှိသူများသည် (၁၀-၆-၂၀၁၇) ရက်နေ့၊ နံနက် (၉း၀၀) နာရီတွင် မိုင်းဖြတ်မြို့နယ်၊ ယမ်းခမ်းကျေးရွာရှိ ရပ်ကွက်သူ/သားများ စုစုပေါင်း (၈၅) ဦးခန့်အား သဘာဝဘေး အသိပညာပေးဟော ပြောပွဲပြုလုပ်၍ နံရံကပ်ပိုစတာပေးအပ်ပြီး လက်ကမ်းစာစောင်များဖြန့်ဝေခဲ့ပါသည်။ နေ့လယ် (၁၂း၀၀) နာရီတွင် မိုင်းဖြတ်မြို့နယ်၊ ပါထွန်း ကျေးရွာရှိ ရပ်ကွက်သူ/ရပ်ကွက်သား (၈၀) ဦးခန့်အား သဘာဝဘေး အသိပညာပေးဟောပြောပွဲပြုလုပ်၍ နံရံကပ်ပိုစတာများပေးအပ်ခဲ့ပြီး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။ Source:   မိုင်းဖြတ်ခရိုင်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မိုင်းဖြတ်မြို့နယ် ဦးစီးမှူးရုံးမှ တာဝန်ရှိသူများသည် (၉-၆-၂၀၁၇) ရက်နေ့၊ နံနက် ၁၀ နာရီတွင် မိုင်းဖြတ်မြို့နယ် အထက (မိုင်းဖြတ်) စာသင်ကျောင်းတွင် ဆရာ/ဆရာမ နှင့် ကျောင်းသားဦးရေ (၁၅၀) ခန့်အား လက်ကမ်းစာ စောင်များဖြန့်ဝေပေးပြီး ကျောင်းအုပ်ကြီးအား နံရံကပ်ပိုစတာများပေးအပ်ခဲ့ပါသည်။ ညနေ (၁း၀၀) နာရီအချိန်တွင် မိုင်းဖြတ်မြို့ရှိ အ.လ.က(ခွဲ) စာသင်ကျောင်းတွင် ကျောင်းသားဦးရေ (၈၀) ခန့်အား သဘာဝဘေးအသိပညာပေးဟောပြောဆွေးနွေးခဲ့ပြီး လက်ကမ်းစာစောင်များဖြန့်ဝေ ပေးကာ ကျောင်းအုပ်ကြီးအား နံရံကပ်ပိုစတာများပေးအပ်ခဲ့ကြောင်း သတင်းရရှိပါသည်။ Source:   မိုင်းဖြတ်ခရိုင်ဦးစီးမှူးရုံး (ကဆရ)

Source:   MSWRR ၁၀-၆-၂၀၁၇၊ ဟိုပုံး ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ၊ ဒုတိယ အစည်းအဝေး အပြီးထုတ်ပြန်ခဲ့သော ပြည်ထောင်စုသဘောတူစာချုပ် အစိတ် အပိုင်း (၁) တွင် သဘောတူလက်မှတ်ရေးထိုးပြီးသော လူမှုရေးကဏ္ဍမူဝါဒသဘောတူညီချက်များကို အကောင်အထည်ဖေါ်ဆောင် ရွက်ရန်နှင့် လူမှုစီးပွားဘဝဖွံ့ဖြိုးတိုးတက်ရေး ဆိုင်ရာလုပ်ငန်းများကို ပူးပေါင်းဆောင်ရွက်ရန်အတွက် ပအိုဝ်းကိုယ်ပိုင်အုပ်ချုပ်ခွင့်ရဒေသသို့ လာရောက်ခြင်း ဖြစ်ပါကြောင်းဖြင့် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီးဒေါက်တာ ဝင်းမြတ်အေးက ရှမ်းပြည်နယ်တောင်ပိုင်း ဟိုပုံးမြို့ရှိ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့အစည်း အဝေးခန်းမ၌ ယနေ့ကျင်းပသော ပြည်သူလူထုနှင့် တွေ့ဆုံပွဲအခမ်းအနား တွင်ပြောကြားခဲ့ပါသည်။ ဆက်လက်၍ ပြည်ထောင်စုဝန်ကြီးကပြောကြားရာတွင် အစိုးရ … Read more

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကယားပြည်နယ်ဦးစီးမှူးရုံးမှ တာဝန်ရှိသူများသည် (၉-၆-၂၀၁၇) ရက်နေ့တွင် မိုးလေဝသနှင့်ဇလဗေဒညွှန်ကြားမှု ဦးစီးဌာနမှ တာဝန်ရှိသူများနှင့် ပူးပေါင်း၍ လွိုင်ကော်မြို့ နည်းပညာတက္ကသိုလ် ကျောင်းသား၊ ကျောင်းသူ များအား သဘာဝဘေးအန္တရာယ်နှင့် စပ်လျဉ်းသည့်အကြောင်းအရာများဆွေးနွေးဟောပြောခဲ့ကြောင်း သတင်းရရှိပါသည်။ Source:   ကယားပြည်နယ်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူများသည် UN-HABITAT အဖွဲ့တို့နှင့် ပူးပေါင်း၍ ရွှေပြည်သာမြို့နယ်၊ မြို့ဦးစေတီအနီးရှိ သာသနာ့ဗိမ္မာန်တွင် (၅-၆-၂၀၁၇) ရက်နေ့မှ (၉-၆-၂၀၁၇) ရက်နေ့အထိ မြို့နယ်အဆင့် သဘာဝဘေးအန္တရာယ်ဆိုင်ရာစီမံခန့်ခွဲမှု သင်တန်းအားပြုလုပ်ခဲ့ရာ မြို့နယ်အဆင့်ဌာနဆိုင်ရာ (၁၈) ဦး၊ ရပ်ကွက်/ကျေးရွာအုပ်ချုပ်ရေးမှူးနှင့် ကိုယ်စားလှယ်အပါ (၁၂) ဦး ၊စုစုပေါင်း (၃၀) ဦးဖြင့် (၅) ရက်ကြာဖွင့်လှစ်ခဲ့ပြီး ညနေ (၁၅း၀၀) နာရီတွင် သင်တန်းပြီးဆုံးကာ သင်တန်းဆင်း ဂုဏ်ပြုလက်မှတ်များ သက်ဆိုင်ရာတာဝန်ခံများမှ ပြန်လည်ပေးအပ်ခဲ့ကြောင်း သတင်းရရှိပါသည်။ Source:  ရန်ကုန်တိုင်းဒေသကြီးဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မြောက်ဦးခရိုင်ဦးစီးမှူးရုံးမှ တာဝန်ရှိသူများသည် မြောက်ဦးမြို့နယ်၊ မဟာထီးကျေးရွာ အုပ်စုမဟာထီးကျေးရွာတွင် သဘာဝဘေးလျော့ပါးရေးအသိပညာပေးဟောပြောပွဲအား (၉-၆-၂၀၁၇) ရက်နေ့၌ ကျင်းပပြုလုပ်ခဲ့ ရာ ကျေးရွာသူ၊ ကျေးရွာသား စုစုပေါင်း (၁၀၂) ဦး တက်ရောက်ခဲ့ပြီး တက်ရောက်လာသူများအား သဘာဝဘေးမကျရောက်မီ၊ ကျရောက်နေစဉ်၊ ကျရောက်ပြီး နောက်ဆောင်ရွက်ရမည့် ဆောင်ရန်၊ရှောင်ရန်များကို ရှင်းလင်ပြောပြပေးခြင်း၊ လက်ကမ်းစာစောင်များ၊ နံရံကပ်ပိုစတာများဖြန့်ဝေပေးခြင်းနှင့် အချိုရည်ဗူးများပေးခြင်း စသည့်တို့ကိုဆောင်ရွက်ပေးခဲ့ကြောင်း သတင်းရရှိပါသည်။ Source:  မြောက်ဦးခရိုင်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မောင်တောခရိုင်ဦးစီးမှူးရုံးမှ တာဝန်ရှိသူများသည် ဘူးသီးတောင်မြို့နယ် (၂၉ -၅ -၂၀၁၇) ရက်နေ့မှ (၃၀-၅-၂၀၁၇) ရက်နေ့၌ ဖြစ်ပွားသော လေဘေးသင့်ကျေးရွာအုပ်စု (၇) စု မှ လုံးဝပြိုကျအိမ် (၅၂) လုံးအတွက် (၅၂၀၀၀၀၀/-) ကျပ် တစ်စိတ်တစ်ပိုင်း ပျက်စီးနေအိမ် (၁၁၇) လုံးအတွက် (၃၅၄၀၀၀၀/-) ကျပ်၊ စုစုပေါင်း (၈၇၄၀၀၀၀/-) ကျပ်အား့ မြို့နယ်အဆင့်ဌာနဆိုင်ရာတာဝန်ရှိသူများနှင့်အတူ (၉-၆-၂၀၁၇) ရက်နေ့တွင် သွားရောက်ထောက်ပံ့ပေးခဲ့ကြောင်း သတင်းရရှိပါသည်။ Source:  မောင်တောခရိုင်ဦးစီးမှူးရုံး (ကဆရ)