Author Archives: Aye Kyimann

ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ တာဝန်ရှိသူများသည် (၈-၃-၂၀၁၈)ရက်နေ့၌ ငပုတော မြို့နယ်၊ အုန်းပင်စုကျေးရွာတွင် ငပုတောမြို့နယ်အထွေထွေအုပ်ချုပ်ရေးဦးစီးဌာန၊ မီးသတ်ဦးစီးဌာန၊ စိုက်ပျိုးရေးဦးစီးဌာနတို့နှင့် ပူးပေါင်း၍ ပြည်သူလူထု(၁၀၀)ဦးခန့်အား သဘာဝဘေးအန္တရာယ်အသိပညာပေးဟောပြောဆွေးနွေးခဲ့ပြီး လက်ကမ်းစာစောင်များလည်း ပေးအပ်ခဲ့ကြောင်း သတင်းရရှိပါသည်။ Source:   ဧရာဝတီတိုင်းဒေသကြီးဦးစီးမှူးရုံး (ဘစမ)

နေပြည်တော် မတ် ၈ မြန်မာနိုင်ငံလုံးဆိုင်ရာ အမျိုးသမီးရေးရာကော်မတီက ဦးစီးကျင်းပသည့် အပြည်ပြည်ဆိုင်ရာ အမျိုးသမီးများနေ့ အခမ်းအနားကို ယနေ့ နံနက် ၁၀ နာရီတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-II) ၌ကျင်းပရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက် အမှာစကားပြောကြားသည်။ အပြည်ပြည်ဆိုင်ရာ အမျိုးသမီးများနေ့ အခမ်းအနားသို့ နိုင်ငံတော်သမ္မတ၏ ဇနီး ဒေါ်စုစုလွင်၊ ဒုတိယ သမ္မတ ဦးမြင့်ဆွေ၏ဇနီး ဒေါ်ခင်သက်ဌေး၊ ဒုတိယသမ္မတ ဦးဟင်နရီ ဗန်ထီးယူ၏ဇနီး ဒေါက်တာရွှေလွှမ်း၊ ပြည်ထောင်စုဝန်ကြီးများနှင့် ၎င်းတို့၏ဇနီးများ၊ ပြည်ထောင်စုစာရင်းစစ်ချုပ်၊ … Read more

ရခိုင်ပြည်နယ်၊ မောင်တောဒေသအတွင်းပြန်လည်နေရာချထားရေး၊ ဒေသတွင်းဖွံ့ဖြိုးရေး ဆိုင်ရာတည်ဆောက်မှုလုပ်ငန်းများနှင့် စပ်လျဉ်း၍ လုပ်ငန်းညှိနှိုင်းအစည်းအဝေးကို၂၀၁၈ ခုနှစ်၊ မတ်လ (၈) ရက်နေ့ မွန်းလွဲ (၁:၀၀)နာရီကလူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနအစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးက အဖွင့် အမှာစကားပြောကြားပြီးလုပ်ငန်းဆိုင်ရာများအတွက် ဒုတိယဝန်ကြီးက ဦးဆောင်ကျင်းပပြုလုပ်ခဲ့ရာ ရခိုင်ပြည်နယ်အစိုးရအဖွဲ့ အတွင်းရေးမှူး မောင်တောဒေသကျေးရွာများ မြေယာပြုပြင်ဖော်ထုတ်ခြင်းလုပ်ငန်းတွင် ပါဝင်ဆောင်ရွက် နေသောဒေသခံလုပ်ငန်း ကုမ္ပဏီများ၊ UEHRD ၏ ဆောက်လုပ်ရေးနှင့် အခြေခံအဆောက်အအုံ တည်ဆောက်ရေးလုပ်ငန်းအဖွဲ့မှ အဖွဲ့ခေါင်းဆောင်နှင့် တာဝန်ရှိသူများ တက်ရောက် … Read more

၈-၃-၂၀၁၈၊ နေပြည်တော် ကချင်ပြည်နယ်၊ ချီဖွေမြို့နှင့်ပန်ဝါမြို့တို့တွင် နေထိုင်ကြသော ချို့တဲ့သည့်ပြည်သူများနှင့် တိုက်ပွဲရှောင်စခန်းများတွင် နေထိုင်ကြသော ပြည်သူများအတွက်  အဝတ်အထည်များ လှူဒါန်းခြင်းအခမ်းအနားကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ မေခလာခန်းမတွင် ပြုလုပ်ခဲ့ရာ ပြည်ထောင်စုဝန်ကြီး ဒေါက်တာဝင်းမြတ်အေးက (ကျား- ဝတ်ရှပ်အကျႌ ၁၅၀၀၊ မ- ဝတ်ရှပ်အကျႌ ၁၅၀၀) စုစုပေါင်း အဝတ်အထည် (၃၀၀၀) ထည်အား ချီဖွေမြို့နယ်၊ ပြည်သူ့လွှတ်တော်ကိုယ်စားလှယ် ဦးဇုံးတိန့်ထံသို့ ပေးအပ်လှူဒါန်းခဲ့ပါသည်။ Source:    MSWRR

၈-၃-၂၀၁၈၊ နေပြည်တော် ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေချထားရေး၊ ဖွံ့ဖြိုးရေးပြည်ထောင်စု စီမံကိန်း(UEHRD)၏ လုပ်ငန်းများ ဆောင်ရွက်ရန်အတွက် MPT သုံးစွဲသူများမှ ရခိုင်ပြည်နယ်ရှိ ပြည်သူများအတွက် SMS ဖြင့်ပေးပို့ လှူဒါန်းထားသော လှူဒါန်းငွေကျပ် – ၁၀၁,၇၉၂,၀၀၀ိ/-(ကျပ်တစ်ထောင့် တစ်ဆယ့်ခုနှစ်သိန်းကိုးသောင်းနှစ်ထောင်တိတိ)ကိုယနေ့ နေ့လည်ပိုင်းတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန အစည်းအဝေးခန်းမတွင် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ အမြဲတမ်းအတွင်းဝန် ဦးချစ်ဝေနှင့် အဖွဲ့မှလာရောက်ပေးအပ်လှူဒါန်းရာ UEHRD ဒုတိယဥက္ကဌ ပြည်ထောင်စုဝန်ကြီး ဒေါက်တာဝင်းမြတ်အေးမှလက်ခံရယူပြီးဂုဏ်ပြုမှတ်တမ်းလွှာပြန်လည်ပေးအပ်ခဲ့ပါသည်။ Source:    MSWRR

ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကရင်ပြည်နယ်ဦးစီးမှူးရုံးမှတာဝန်ရှိသူများသည် (၈-၃-၂၀၁၈) ရက်နေ့ (၀၀း၁၅)နာရီအချိန် ၌ ဘားအံမြို့နယ်၊ သာမညကျေးရွာ ရတနာရပ်ကွက်တွင် မီးလောင်မှုဖြစ်ပွားခဲ့ရာ အိမ်(၁)လုံး ပျက်စီးဆုံးရှုံးခဲ့ပြီး အိမ်ထောင်စု(၁)စု လူဦးရေ(၅)ဦး ဘေးဒုက္ခခံစားခဲ့ရပါသည်။ အဆိုပါ မီးဘေးအတွက် ကယ်ဆယ်ရေးပစ္စည်း(၁၆)မျိုး (၁)အိမ်ထောင်စုစာ၊ family kit (၁)စုံနှင့် ပျက်စီးနေအိမ် (၁)လုံးအတွက် အိမ်ဆောက်ပစ္စည်းဖိုး (၁၀၀၀၀၀/-)ကျပ်နှင့် ဆန်ရိက္ခာ(၇)ရက်စာ (၁၀၅၀၀/-)ကျပ်၊ စုစုပေါင်းကျပ် (၁၁၀၅၀၀/-) ကျပ်တို့အား (၈-၃-၂၀၁၈)ရက်နေ့တွင် သွားရောက်ထောက်ပံ့ပေးခဲ့ကြောင်း သတင်းရရှိပါသည်။ Source:    ကရင်ပြည်နယ်ဦးစီးမှူးရုံး (ဘစမ)

လူမူဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက ယာယီမြို့နယ်ရုံး ဖွင့်လှစ်မှုနှင့် ပတ်သက်၍ မိတ်ဆက်ခြင်းကို မတ် ၆ ရက် နံနက် ၉ နာရီ ၃၀ မိနစ်အချိန်တွင် ကယားပြည်နယ် ဒီးမော့ဆိုမြို့နယ် မြို့နယ်အထွေထွေအုပ်ချုပ်ရေးဦးစီးဌာန၌ ကျင်းပခဲ့ပါသည်။ ရှေးဦးစွာ မြို့နယ်အုပ်ချုပ်ရေးမှူး ဦးကျော်သက်ဝင်းက မြို့နယ်အတွင်းရှိ ဌာနဆိုင်ရာ တာဝန်ရှိသူများနှင့် မိတ်ဆက်ပေးပြီး ပြည်နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ညွှန်ကြားရေးမှူး ဒေါ်လေးရွှေဇင်ဦးက ဌာန၏လုပ်ငန်းဆောင်ရွက်မှုနှင့်ပတ်သက်၍ ရှင်းလင်းပြောကြားခဲ့ပါသည်။ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနကို မြို့နယ်ပြည်သူ့ဝန်ဆောင်မှုရုံး (OSS)တွင် ယာယီရုံးအဖြစ် ဖွင့်လှစ်သွားမည်ဖြစ်ပြီး ဘေးအန္တရာယ်ကြောင့် ထိခိုက်ပျက်ဆီးမှု … Read more

ရခိုင်ပြည်နယ်၊ မောင်တောမြို့နယ်၊ တောင်ပြိုလက်ဝဲပြန်လည်လက်ခံရေးစခန်းတွင် ရောက်ရှိတာဝန်ထမ်းဆောင်နေသော လူမှု ဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာနမှ ညွှန်ကြားရေးမှူးနှင့် တာဝန်ရှိသူများ သည် (၅-၃-၂၀၁၈) ရက်နေ့ ညနေ (၁၆း၀၀) နာရီအချိန်မှ (၁၆း၃၀) နာရီအချိန်အထိ မောင်တောခရိုင်၊ ဒုတိယ အုပ်ချုပ်ရေးမှူး၊ လူဝင်မှုကြီးကြပ်ရေးဦးစီးဌာန ညွှန်ကြားရေးမှူး ပါဝင်သောအဖွဲ့ဝင်များနှင့်အတူ နယ်စပ်ဧရိယာ zero line အနီးသို့ သွားရောက်၍ ကြည့်ရှုလေ့လာ ခဲ့ကြောင်း သတင်းရရှိပါသည်။ Source:    မောင်တောခရိုင်ဦးစီးမှူးရုံး (ဘစမ)

ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၇-၂-၂၀၁၈)ရက်‌‌နေ့တွင် ဒေးဒရဲမြို့နယ် သောကြာ‌ကျေးရွာအုပ်စု၊ သောကြာ‌ကျေးရွာ၌ ကျေးရွာသူ၊ ကျေးရွာသား (၂၅၀)ဦးတို့ဖြင့် ဆူနာမီ‌ဘေးဇာတ်တိုက်‌‌လေ့ကျင်‌့ခြင်‌းအား ပြုလုပ်ခဲ့ရာ တက်ကြွစွာပါဝင်ဆောင်ရွက်ခဲ့ကြပါသည်။ ထို့‌နောက် သဘာဝ‌ဘေးအသိပညာများလည်‌း‌ဟော‌ပြောခဲ့ပြီး လက်ကမ်‌းစာ စောင်၊ ပိုစတာ၊ ဗီနိုင်‌းများလည်‌းဖြန့်‌ဝေပေးနိုင်ခဲ့ကြောင်း သတင်းရရှိပါသည်။ Source:    ဖျာပုံခရိုင်ဦးစီးမှူးရုံး (ဘစမ)

ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မော်လိုက်ခရိုင်ဦးစီးမှူးရုံးမှ တာဝန်ရှိသူများသည် (၆-၃-၂၀၁၈)ရက်နေ့၊ (၁၂း၃၀)နာရီ အချိန်မှ (၁၃း၃၀) နာရီအချိန်ထိ မော်လိုက်မြို့နယ်၊ တိန်းသာကျေးရွာ စာသင်ကျောင်းဟောင်းတွင် ကျေးရွာသူ၊ ကျေးရွာသား (၅၀)ဦးအား သဘာဝဘေးလျော့ပါးရေးအသိပညာပေးဆွေးနွေးဟောပြောခဲ့ကြောင်း သတင်းရရှိပါသည်။ Source:    မော်လိုက်ခရိုင်ဦးစီးမှူးရုံး (ဘစမ)