Author Archives: Department of Disaster Management

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မောင်တောခရိုင်ဦးစီးမှူးရုံးမှတာဝန်ရှိသူများသည်  ဘင်္ဂလားဒေါ့ရှ်နိုင်ငံမှ ဝင်ရောက်လာသည့် ရခိုင်တိုင်းသားမျိုးနွယ်စုမှ (၁၃-၇-၂၀၁၇)ရက်နေ့တွင် မောင်တောမြို့နယ် ကျီးကန်းပြင်ကျေးရွာအုပ်စု၊ အောင်သာယာကျေးရွာ အိမ်ထောင်စု (၁)စုမှ ကျား(၂)ဦး၊ မ(၂)ဦး၊ ပေါင်း (၄)ဦးနှင့် (၄-၈-၂၀၁၇)ရက်နေ့တွင် မောင်တောမြို့နယ်၊ နွားရုံတောင်ကျေးရွာအုပ်စု၊ ပြားသား(သုခမြိုင်)ကျေးရွာသို့ အိမ်ထောင်စု (၁)စုမှ ကျား(၂) ဦး၊ မ (၁)ဦး၊ ပေါင်း (၃)ဦး ဝင်ရောက်လာခဲ့ပါသဖြင့် အိမ်ထောင်စု (၂)စုမှ ကျား (၄)ဦး၊ မ (၃)ဦး၊ စုစုပေါင်း (၇)ဦးအား ကယ်ဆယ်ရေးပစ္စည်း (၁၀)မျိုးအိမ်ထောင်စု (၂)စုစာ၊ … Read more

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကလေးခရိုင်ဦးစီးမှူးရုံးမှတာဝန်ရှိသူများသည် ကလေးဝမြို့နယ်အတွင်း (၁၈-၈-၂၀၁၇)နေ့မှ (၁၉-၈-၂၀၁၇) နေ့ထိ ချစ်တွင်းမြစ်ရေ မြင့်တက်ခဲ့မှုကြောင့် ရပ်ကွက်(၁)ခုနှင့် ကျေးရွာ(၅)ရွာမှ ရေဘေးရှောင် အိမ်ထောင်စု(၂၁)စု၊ လူဦးရေ(၉၉) ဦးတို့အတွက် ဆန်ရိက္ခာ(၇)ရက်စာ တန်ဖိုးငွေကျပ် စုစုပေါင်း(၂၀၇,၉၀၀)အား (၂၀-၈-၂၀၁၇)နေ့တွင် ကလေးဝမြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူထံသို့လွှဲပြောင်းပေးအပ်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေး ဦးစီးဌာန၊ ကရင်ပြည်နယ်ဦးစီးမှူးရုံးမှ တာဝန်ရှိသူများသည် (၁၈-၈-၂၀၁၇) ရက်နေ့တွင် ကြာအင်းဆိပ်ကြီးမြို့နယ်၊ ရေလဲကျေးရွာ၌ သဘာဝဘေးအန္တရာယ်ဆိုင်ရာ အသိပညာပေးဟောပြောပွဲကို ကျေးရွာသား/သူ အင်အား(၁၂၀)ဦးဖြင့် ပြုလုပ်ခဲ့ရာ အဆိုပါဟောပြောပွဲသို့ တက်ရောက်လာသူများအား ကယ်ဆယ်ရေးနှင့် ပြန်လည်နေရာချထားရေးဦးစီးဌာနနှင့် ပတ်သတ်သည့် အချက်အလက်များ၊ ကရင်ပြည်နယ်တွင်ဖြစ်လေ့ရှိသော ဘေးအန္တရာယ်များနှင့် ပတ်သတ်သည့် ဆောင်ရန်/ရှောင်ရန်အချက်များကို ဟောပြောခဲ့ပြီး၊ ရေဘေး၊ မုန်တိုင်းဘေး၊ မီးဘေး၊ ငလျင်ဘေး၊ မိုးကြိုးဘေး ပိုစတာများကိုလည်း ကျေးရွာနေတာဝန်ရှိသူများထံသို့ ပေးအပ်ခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကျိုင်းတုံခရိုင်ဦးစီးမှူးရုံးမှ တာဝန်ရှိများသည် (၁၉-၈-၂၀၁၇) ရက်နေ့တွင် ရပ်ကွက် (၅)၊ ကမ်နားလုံကျေးရွာ၌ မြန်မာနိုင်ငံအတွင်း သဘာဝဘေးအန္တရာယ်များ ဖြစ်ပေါ်လာပါက ဆောင်ရန်/ရှောင်ရန်အချက်အလက်များ၊ ဦးစီးဌာန၏လုပ်ငန်းတာဝန်များ၊ ရည်ရွယ်ချက်များ၊ ကယ်ဆယ်ရေးထောက်ပံ့နှုန်းထားများစသည်တို့ကို ရှင်းလင်းပြောကြားပြီး၊ ငလျင်ဘေးနှင့်ပတ်သက်၍ သရုပ်ပြလေ့ကျင့်ခြင်း၊ လက်ကမ်းစာစောင်များဖြန့်ဝေခြင်း၊ ပညာပေးဗီဒီယိုများပြသခြင်းများပြုလုပ်ခဲ့ရာ အဆိုပါဟောပြောပွဲသို့ ရပ်ရွာနေပြည်သူလူထု (၅၅)ဦး တက်ရောက်ခဲ့ကြောင်းသတင်းရရှိပါသည်။

ကယ်‌ဆယ်‌‌ရေးနှင့် ပြန်‌လည်‌‌နေရာချထား‌ရေးဦးစီးဌာန၊‌ ပြည်ထောင်စုနယ်မြေဦးစီးမှူးရုံးရှိတာဝန်ရှိသူများသည် ‌လယ်‌‌ဝေးမြို့နယ်‌၊ ညိုပင်‌အုပ်‌စု၊ သုံးတန်‌ကူး‌ကျေးရွာတွင် ‌သြဂုတ်‌လ (၆)ရက်‌‌နေ့၌ ကမ်းပြို‌မှုဖြစ်‌ပွားခဲ့ရာ ကြိုတင်‌‌ပြောင်းရွှေ့ (၂) အိမ်‌‌ထောင်‌အတွက်‌ ကယ်‌ဆယ်‌‌ရေးပစ္စည်း ၁၀မျိုး၊ ဆန်‌ဖိုးငွေကျပ် (၁၈,၉၀၀)‌၊ အိမ်‌‌ဆောက်‌ပစ္စည်းတန်ဖိုး (၂)သိန်းကျပ်‌တို့ကို (၁၉-၈-၂၀၁၇)ရက်နေ့တွင် ကမ်းပြို‌ဘေးသင့် ပြည်သူများထံသွား‌ရောက်‌ထောက်‌ပံ့ခဲ့ပြီ၊ ‌ကျေးရွာလူထုအသိပညာ‌ပေးနိုင်‌ရန်‌ လက်‌ကမ်းစာ‌စောင်‌များ၊ ဗွီနိုင်းပိုစတာများဖြန့်ဝေခြင်းနှင့် DAN Mobile Application နှင့်ပတ်သက်၍ ထည့်သွင်းအသုံးပြုပုံများကို ရှင်းလင်းပြောကြားခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ လားရှိုးခရိုင်ဦးစီးမှူးရုံးမှတာဝန်ရှိသူများသည် လားရှိုးမြို့  မြို့တော်ခန်းမတွင် ဝန်ကြီးချုပ်နှင့် ပြည်သူတွေ့ဆုံပွဲ၌ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ နမ္မတူနှင့် မန်တုံမြို့နယ်အတွင်း စစ်ဘေးရှောင်စခန်းများရှိ အိမ်ထောင်စု (၁၉၂)စု၊ လူဦးရေ (၈၈၅)ဦးအတွက် ထောက်ပံ့သော ဆန်၊ ဆီနှင့် ငါးသေတ္တာ စုစုပေါင်းတန်ဘိုးငွေကျပ် (၄,၃၁၄,၁၂၀) အား ဗမာတိုင်းရင်းသားဝန်ကြီး ဒေါက်တာအောင်သန်းမောင်မှ (၁၉-၈-၂၀၁၇)ရက်နေ့တွင် ဝန်ကြီးဌာနကိုယ်စားထောက်ပံ့ပေးခဲ့ပြီး စစ်ဘေးရှောင်ပြည်သူများကိုယ်စား နမ္မတူမြို့နယ်အုပ်ချုပ်ရေးမှူးမှ လက်ခံခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကရင်ပြည်နယ်ဦးစီးမှူးရုံးမှ တာဝန်ရှိသူများသည် (၁၇-၈-၂၀၁၇) ရက်နေ့တွင် ကြာအင်းဆိပ်ကြီးမြို့နယ်၊ ဓနုံးကျေးရွာ၌ သဘာဝဘေးအန္တရာယ်ဆိုင်ရာ အသိပညာပေးဟောပြောပွဲကို ကျေးရွာသား/သူအင်အား(၈၀)ဦးဖြင့် ပြုလုပ်ခဲ့ပါသည်။ အဆိုပါဟောပြောပွဲတွင် တက်ရောက်လာသူများအား ကယ်ဆယ်ရေးဌာနနှင့် ပတ်သတ်သောသိကောင်းစရာများ ကရင်ပြည်နယ်တွင်ဖြစ်လေ့ရှိသော ဘေးအန္တရာယ်များနှင့် ပတ်သတ်သည့် ဆောင်ရန်/ရှောင်ရန်အချက်များကို ဟောပြောခဲ့ပြီး၊ ရေဘေး၊ မုန်တိုင်းဘေး၊ မီးဘေး၊ ငလျင်ဘေး၊ မိုးကြိုးဘေး ပိုစတာများကိုလည်း ရွာမှတာဝန်ရှိသူများထံသို့ပေးအပ်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပြည်ခရိုင်ဦးစီးမှူးရုံးမှ တာဝန်ရှိသူများသည် ပန်းတောင်းမြို့နယ်၊ ကျွန်းမီးကျေးရွာအုပ်စု၊ ကျွန်းမီးကျေးရွာ တွင် (၁၅.၈.၂၀၁၇)ရက်နေ့က ဧရာဝတီမြစ်ရေတိုက်စားမှုကြောင့် ကမ်းပြိုဘေးဖြစ်ပွားခဲ့ရာ ၄င်းအနီးတွင်နေထိုင်သော ရပ်ရွာနေပြည်သူ ကြိုတင်ပြောင်းရွှေ့နေအိမ်(၄)လုံးအတွက် အိမ်ဆောက်ပစ္စည်းတန်ဖိုးငွေကျပ်  (၄၀၀,၀၀၀) ကို (၁၈.၈.၂၀၁၇)ရက်နေ့တွင် ဘေးသင့်ပြည်သူများအတွက် မြို့နယ်အထွေထွေအုပ်ချုပ်ရေးမှူးရုံးရှိတာဝန်ရှိသူထံသို့လွှဲပြောင်းပေးအပ်ခဲ့ကြောင်း သတင်းရရှိပါသည်။