Author Archives: Aye Kyimann
-
ရခိုင်ပြည်နယ်၊ အမ်းမြို့နယ်ပြည်သူများအတွက် သဘာဝဘေးအထောက်အပ့ံပစ္စည်းများ အသက်ကယ်စက်လှေ၊ အသက်ကယ်အင်္ကျီနှင့်၊ အသက်ကယ်ဘောကွင်းများ ထောက်ပံ့မှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် (၁၂-၄-၂၀၁၇) ရက်နေ့တွင် အမ်းမြို့နယ်ပြည်သူများအတွက် သဘာဝဘေးအထောက်အပံ့ပစ္စည်းများ အသက်ကယ်စက်လှေ (၂) စီး၊ အသက်ကယ်အင်္ကျီ (၂၀) ထည်၊ အသက်ကယ်ဘောကွင်း (၂၀) ခုတို့အား (၁၂-၄-၂၀၁၇) ရက်နေ့ (၀၉းဝ၀) နာရီ၌ အမ်းမြို့နယ်အထွေထွေအုပ်ချုပ်ရေးဦးစီးဌာနခန်းမ၌ အခမ်းအနားဖြင့် သွားရောက်ထောက်ပံ့ပေးအပ်ခဲ့ကြောင်း သတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
-
လေပြင်းဘေးကြိုတင်ပြင်ဆင်ရေးနှင့်စပ်လျဉ်း၍ပြည်သူများသို့ပန်ကြားခြင်းဗွီနိုင်းနှင့် မုန်တိုင်းဘေးအသိပညာပေးဗွီနိုင်းတို့အား ကြော်ငြာလိုက်လံကပ်ပေးမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ တာဝန်ရှိသူများသည် (၁၁-၄-၂၀၁၇) ရက်နေ့တွင် လေပြင်းဘေးကြိုတင်ပြင်ဆင်ရေးနှင့်စပ်လျဉ်း၍ပြည်သူများသို့ပန်ကြားခြင်းဗွီနီုင်းနှင့် မုန်တိုင်းဘေးအသိပညာပေးဗွီနိုင်းတို့အား လူအများစည်ကားရာရုံးရှေ့လမ်းမကြီးဘေးတွင် ကြော်ငြာကပ်အသိပေးခြင်းများ ဆောင်ရွက်ခဲ့ပါကြောင်းနှင့် ပြည်သူများလာရောက်ဖတ်ရှုလေ့လာလျက်ရှိပါကြောင်း သတင်းရရှိပါသည်။ Source: ဧရာဝတီတိုင်းဒေသကြီးဦးစီးမှူးရုံး (ကဆရ)
-
မကွေးတိုင်းဒေသကြီး၊ မကွေးမြို့နယ်၊ ညောင်ပင်သာကျေးရွာ ဘုရားချောင်တဲတိုက်နေ ပြည်သူများအား သောက်သုံးရေ ဖြန့်ဝေပေးမှုသတင်း
လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မကွေးတိုင်းဒေသကြီးဦးစီးမှူးရုံးမှ တာဝန်ရှိသူများသည် (၁၁-၄-၂၀၁၇) ရက်နေ့တွင် မကွေးတိုင်းဒေသကြီး၊ မကွေးမြို့နယ်၊ ညောင်ပင်သာကျေးရွာ ဘုရားချောင်တဲတိုက်ရှိ အိမ်ထောင်စု (၈၂)၊ လူဦးရေ (၅၀၀) ဦးတို့အတွက် သောက်သုံးရေဂါလံ (၈၁၀၀) အား သွားရောက်ဖြန့်ဝေပေးခဲ့ကြောင်း သတင်းရရှိပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)
-
ပခုက္ကူခရိုင်၊ ရေစကြိုမြို့နယ်၊ ထန်းငယ်တောကျေးရွာအုပ်စု၊ ဥက္ကံကျေးရွာရှိပြည်သူများအတွက် သောက်သုံးရေထောက်ပံ့မှုသတင်း
ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ တာဝန်ရှိသူများသည် (၁၀-၄-၂၀၁၇) ရက်နေ့တွင် သောက်သုံးရေရှားပါးသော ပခုက္ကူခရိုင်၊ ရေစကြိုမြို့နယ်၊ ထန်းငယ်တောကျေးရွာအုပ်စု၊ ဥက္ကံကျေးရွာမှ အိမ်ထောင်စု (၂၁၀)၊ အိမ်ခြေ (၁၉၀)၊ လူဦးရေ (၈၇၀) ဦးအတွက် သောက်သုံးရေ ဂါလံ (၄၈၀၀) အား ဆရာတော်ဦးသောဘန (ပခုက္ကူမြို့အာယုသုခရေ ကုသိုလ်တော်ယာဉ်)၊ Eleven Media Group ရေအလှူတော်ကား၊ အနာဂတ်အလင်းရောင်လူမှုကူညီရေးအသင်း၊ ပုညမုဒိတာ လူမှုကူညီရေးအသင်းတို့ဖြင့် ပူးပေါင်းဆောင်ရွက်၍ သွားရောက်ဖြန့်ဝေခဲ့ကြောင်း သတင်းရရှိပါသည်။ Source: ပခုက္ကူခရိုင်ဦးစီးမှူးရုံး (ကဆရ)
-
ကျေးရွာအခြေပြုသဘာဝဘေးလျော့ပါးရေးနှင့် ကြိုတင်သတိပေးစနစ် မွမ်းမံသင်တန်း ဖွင့်လှစ်မှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၈-၄-၂၀၁၇) ရက်နေ့တွင် Action Aid Myanmar ဖျာပုံအဖွဲ့နှင့် ပူးပေါင်းပြီး ဖျာပုံမြို့နယ်၊ ဒေါ်ညိမ်းကျေးရွာတွင် ကျေးရွာအခြေပြုသဘာဝဘေးလျော့ပါးရေးနှင့် ကြိုတင်သတိပေးစနစ်မွမ်းမံသင်တန်းအား သင်တန်းသား/သူ (၃၀) ဦး ဖြင့် ဖွင့်လှစ်ခဲ့ပါသည်။ သင်တန်းတွင် ဘေးအန္တရာယ်လျော့ပါးရေးနှင့် ကြိုတင်သတိပေးစနစ်သရုပ်ပြလေ့ကျင့်ခြင်း၊ မုန်တိုင်းသဏ္ဍာန်တူ ဇာတ်တိုက်လေ့ကျင့်ခြင်း၊ Table Top Exercise ပြုလုပ်ခြင်းများ ဆောင်ရွက်ခဲ့ပြီး နံရံကပ်ပိုစတာများ၊ လက်ကမ်းစာစောင်များ ဝေငှပေးခဲ့ပြီး DAN mobile application နှင့် Kobo Collect mobile application … Read more
-
ရခိုင်ပြည်နယ်၊ စစ်တွေမြို့နယ်၊ နာရီကန်ကျေးရွာဘုန်းတော်ကြီးကျောင်း၌ သဘာဝဘေးလျော့ပါးရေးအသိပညာပေးဟောပြောပွဲကျင်းပမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် (၁၀-၄-၂၀၁၇) ရက်နေ့ (၁းဝ၀) နာရီ တွင် စစ်တွေမြို့နယ်၊ နာရီကန်ကျေးရွာ ဘုန်းတော်ကြီးကျောင်း၌ သဘာဝဘေးလျော့ပါးရေးအသိ ပညာပေးဟောပြောပွဲအား ကျေးရွာသူ/သား လူအင်အား (၁၀၀) ဦးဖြင့် ကျင်းပပြုလုပ်ခဲ့ရာ အဆိုပါဟောပြောပွဲတွင် ဘေး (၈) မျိုး လက်ကမ်းစာစောင် (၁) မျိုး (၁၀၀) စောင်ဖြင့် စုစုပေါင်း (၈၀၀) စောင်၊ ဘေး (၄) မျိုး နံရံကပ်ပိုစတာ ရခိုင်ဘာသာနှင့် မြန်မာဘာသာ (၈) မျိုးနှင် လေပြင်းဘေးကြိုတင်ပြင်ဆင်ချက် စာစောင် … Read more
-
ရခိုင်ပြည်နယ်၊ စစ်တွေမြို့နယ်၊ နာရီကန်ကျေးရွာအတွင်းရှိ ပြည်သူများအား ရေသန့်စက်နှင့် ရေသန့်ဆေးဗူးများထောက်ပံ့ပေးမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် (၁၀-၄-၂၀၁၇) ရက်နေ့တွင် (၁၁းဝ၀) နာရီတွင် စစ်တွေမြို့နယ်၊ နာရီကန်ကျေးရွာ၌ သောက်ရေရှားပါးသည့်အတွက် ရေသန့်စက် (၁) လုံးနှင့် ရေသန့်ဆေးဗူး (၁၄) ဗူးပါ (၂) အိတ် အား သွားရောက်ထောက်ပံ့ပေးအပ်ခဲ့ပြီး ဆေးသုံးနည်းကိုလည်း လက်တွေ့စမ်းသပ်ပြသခဲ့ကြောင်း သတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
-
ရခိုင်ပြည်နယ်၊ စစ်တွေမြို့၊ သက္ကေပြင်ကျေးရွာနှင့် ဆက်စပ်နေသောရွာ (၇) ရွာအား မြေသားလမ်း မှ ကျောက်ချောလမ်းခင်းနိုင်ရေး ကွင်းဆင်း စစ်ဆေးဆောင်ရွက်မှုသတင်း
ပြည်နယ်အစိုးရအဖွဲ့၏ တာဝန်ပေးအပ်ချက်အရ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများနှင့် ကျေးရွာအုပ်ချုပ်ရေးမှူးအပါအဝင် တာဝန်ရှိသူများသည် ကျေးရွာများဖွံ့ဖြိုးတိုးတက်မှုအတွက် စစ်တွေမြို့၊ သက္ကေပြင်ကျေးရွာနှင့် ဆက်စပ်နေသောရွာ (၇) ရွာအား မြေသားလမ်းမှ ကျောက်ချောလမ်းခင်းနိုင်ရေး ကွင်းဆင်းစစ်ဆေးဆောင်ရွက်ခဲ့ကြောင်း သတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
-
မုတ်သုန်အကြိုကာလ သဘာဝဘေးအန္တရာယ် ဇာတ်တိုက်လေ့ကျင့်ရန်အတွက် ကြိုတင်လုပ်ငန်းအစည်းအဝေး ကျင်းပမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် (၁၀-၄-၂၀၁၇) ရက်နေ့တွင် (၀၈း၃၀) နာရီတွင် စစ်တွေမြို့နယ်အုပ်ချုပ်ရေးမှူးခန်းမ၌ မုတ်သုန်အကြို ကာလသဘာဝဘေးအန္တရာယ် ဇာတ်တိုက်လေ့ကျင့်ရန် အတွက် ကြိုတင်လုပ်ငန်း အစည်းအဝေးအား ကျင်းပပြုလုပ်ခဲ့ရာ ကျေးရွာအုပ်ချုပ်ရေးမှူးများနှင့် ဌာနဆိုင်ရာဝန်ထမ်း စုစုပေါင်း (၅၃) ဦး တက်ရောက်ခဲ့ကြောင်း သတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
-
ရခိုင်ပြည်နယ်၊ ပေါက်တောမြို့နယ်အတွင်းရှိ ကျေးရွာများ၌ ရေသန့်စက် သုံးပုံသုံးနည်းများရှင်းလင်းပြောကြားမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် (၈-၄-၂၀၁၇) ရက်၊ (၁၁းဝ၀) နာရီတွင် ပေါက်တောမြို့နယ်၊ သောက်ရေရှားပါးပြတ်လပ်သည့် ကျေးရွာများအတွက် ရေသန့်စက် (၂) လုံးနှင့် ရေသန့်ဆေးဗူး (၂၉) ဗူးအား မြို့နယ်အုပ်ချုပ်ရေးမှူးခန်းမ၌ ထောက်ပ့ံပေးခဲ့ပြီး ၊ ဆေးသုံးပုံ သုံးနည်းများကိုလည်း စမ်းသပ်ပြသခဲ့ကြောင်း သတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
