Author Archives: Department of Disaster Management

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ လပွတ္တာခရိုင်ဦးစီးမှူးရုံးမှ တာဝန်ရှိသူများသည် လပွတ္တာမြို့၊ စားသုံးသူရေးရာဦးစီးဌာန နှင့်ပူးပေါင်း၍ (၉-၂-၂၀၁၇ )ရက်နေ့ တွင် အမှတ် (၁)၊ အခြေခံပညာ အထက်တန်းကျောင်းရှိ ကျောင်းသား/ကျောင်းသူ (၁၁၀)ဦး၊ ဆရာ/ဆရာမ (၃၈) ဦးနှင့် ဌာနဆိုင်ရာ (၂)ဦး၊ စုစုပေါင်း (၁၅၀) ဦးအား သဘာဝဘေးအန္တရာယ်ဆိုင်ရာ အသိပညာပေးဟောပြော ပို့ချခဲ့ကြောင်း သတင်းရရှိပါသည်။

အာဆီယံအဖွဲ့၀င်နိုင်ငံဖြစ်သော မလေးရှားနိုင်ငံအစိုးရ၏စီစဉ်ဆောင်ရွက်မှုဖြင့်မလေးရှား နိုင်ငံရှိအစိုးရမဟုတ်သောအဖွဲ့အစည်းများ ညွှန့်ပေါင်းအဖွဲ့မှ ရခိုင်ပြည်နယ်အတွက် ပေးအပ်သော လူသားချင်းစာနာမှုအထောက်အပံ့ပစ္စည်းများတင်ဆောင်လာသောNautical Aliyaသင်္ဘောသည် ၂၀၁၇ခုနှစ်၊ ဖေဖေါ်၀ါရီလ(၉)ရက်နေ့၊ မွန်းလွဲ ၃နာရီတွင် သီလဝါဆိပ်ကမ်းသို့ ဆိုက်ရောက်ခဲ့ပြီး ပစ္စည်းများလွှဲပြောင်းလက်ခံခြင်း အခမ်းအနားကိုအဆိုပါဆိပ်ကမ်းတွင် ကျင်းပပြုလုပ်ခဲ့ပါသည်။ ရှေးဦးစွာမလေးရှားနိုင်ငံ၊ နိုင်ငံခြားရေးဝန်ကြီးဌာန၊ ဒုတိယဝန်ကြီး H.E Dato Seri Reezal Merican Naina Merican ကလှူဒါန်းရသောအကြောင်းအရင်းကို ရှင်းလင်း‌ပြောကြားပြီး ထောက်ပံ့ပစ္စည်းများအား လွှဲပြောင်းပေးအပ်ရာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာ ချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာဝင်းမြတ်အေးက လက်ခံရယူ၍ ဂုဏ်ပြုမှတ်တမ်းလွှာ ပြန်လည်ပေးအပ်ကာ ကျေးဇူတင်စကား‌ပြောကြားခဲ့ပါသည်။ ထောက်ပံ့ပစ္စည်းများမှာဆန်(၃၀၀)တန်၊ … Read more

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြောက်ဦးခရိုင်ဦးစီးမှူးရုံးမှ တာဝန်ရှိသူများ သည် မြောက်ဦးမြို့နယ်၊ ကုတိုးကျေးရွာအုပ်စု၊ ကုတိုးကျေးရွာရှိ အ.မ.က (မူလွန်) ကျောင်း၌ (၉-၂-၂၀၁၇) ရက်နေ့တွင် သဘာဝဘေးလျော့ပါးရေးအသိပညာပေးဟောပြောခြင်း၊ DAN Mobile Application အသုံးပြုမှုအားရှင်းလင်းခြင်းပြုလုပ်ခဲ့ရာ ကျေးရွာသူ/ ကျေးရွာသား(၆၀)ဦး၊ ကျောင်းသား/သူ(၇၀)ဦး တက်ရောက်ခဲ့ကြပြီး ဘေး(၈)မျိုးပါလက်ကမ်းစာစောင် (၁၀၀)နှင့် နံရံကပ် ပိုစတာများကိုလည်း ဖြန့်ဝေပေးခဲ့ကြောင်းသိရှိရပါသည်။

    (၇-၂-၂၀၁၇) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မကွေးတိုင်း ဒေသကြီးဦးစီးမှူးရုံး(ကဆရ)မှ တာဝန်ရှိသူများသည် မကွေးတိုင်းဒေသကြီး၊ မင်းဘူးခရိုင်၊ စကုမြို့တွင် သဘာဝဘေးအန္တရာယ်များနှင့်ပတ်သက်သည့် သိမှတ်ဖွယ်ရာများကိုဟောပြောခဲ့ပြီး လက်ကမ်းစာစောင်များဖြန့်ဝေပေးခဲ့ရာ လူဦးရေစုစုပေါင်း (၇၀) ဦးတက်ရောက်ခဲ့ကြောင်း သတင်း ရရှိပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)  

    မကွေးတိုင်းဒေသကြီး၊ မင်းဘူးခရိုင်၊ စကုမြို့၊ အမှတ်(၂)ရပ်ကွက်၌ (၇-၂-၂၀၁၇) ရက်နေ့တွင် ဖြစ်ပွားသောမီးဘေးကြောင့် အိမ်ခြေ (၇) လုံး၊ အိမ်ထောင်စု (၈)စု၊ လူဦးရေ (၃၉)ဦး မီးဘေးသင့်ခဲ့ ပါသည်။ အဆိုပါမီးသင့်သူများအတွက် ကယ်ဆယ်ရေးပစ္စည်း (၉) မျိုး၊ ဆန်နှင့်အိမ်ဆောက်ပစ္စည်း (၇၈၁၉၀၀) ကျပ်တို့ကို (၈-၂-၂၀၁၇) ရက်နေ့တွင် မကွေးတိုင်းဒေသကြီးဦးစီးမှူးရုံး (ကဆရ) မှ  တာဝန်ရှိသူများက မီးဘေးသင့်ပြည်သူများထံသို့ထောက်ပံ့ပေးခဲ့ကြောင်းသိရှိရပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)

လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကျိုင်းတုံခရိုင်ဦးစီးမှုးရုံးမှ တာဝန်ရှိသူများသည် ( ၈ – ၂ – ၂၀၁၇ )ရက်နေ့တွင် မိုင်းခတ်မြို့နှင့်မိုင်းယန်းမြို့များတွင် သဘာဝဘေးအသိပညာပေးဟော ပြောပွဲများ ပြုလုပ်ပြီး DAN Mobile Application များဖြန့်ဝေခြင်း၊ powerpoint hangout ဖြန့်ဝေခြင်း၊ အသိပညာပေးစာအုပ်များ display ပြသခြင်း၊ နံရံကပ်ပိုစတာကပ်ပေးခြင်း DM LAW များဖြန့်ဝေပေးခြင်းများ ပြုလုပ်ဆောင်ရွက်ခဲ့ပါသည်။ အဆိုပါဟောပြောပွဲသို့ ဌာနဆိုင်ရာတာဝန်ရှိသူများ၊ မြို့မိ မြို့ဖများ စုစုပေါင်း ( ၁၁၀ ) ဦးခန့်တက်ရောက်ခဲ့ကြောင်း … Read more

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ညွှန်ကြားရေးမှူးချုပ်ဒေါက်တာကိုကိုနိုင်အား ၂၀၁၇ခုနှစ်၊ ဖေဖေါ်ဝါရီလ(၈)ရက်နေ့ နေ့လည်ပိုင်းတွင် အာဆီယံဆိုင်ရာ သြစတေးလျနိုင်ငံ သံအမတ်ကြီး H.E. Ms Elizabeth Jane Duke က ညွှန်ကြားရေးမှူးချုပ်ရုံးခန်း၌ လာရောက်တွေ့ဆုံ ဆွေးနွေးခဲ့ကြောင်းသိရှိရပါသည်။

မြန်မာနိုင်ငံတွင် သဘာဝဘေးအန္တရာယ်ကြောင့် ပျက်စီးဆုံးရှုံးမှုကိန်းဂဏန်းအချက်အလက်စနစ်ဆိုင်ရာအလုပ်ရုံဆွေးနွေးပွဲ ဖွင့်ပွဲအခမ်းအနားကို ၂၀၁၇ ခုနှစ်၊ ဖေဖော်ဝါရီလ (၉) ရက်နေ့က Hotel Amara တွင်ပြုလုပ်ခဲ့ရာ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ညွှန်ကြားရေမှူးချုပ် ဒေါက်တာကိုကိုနိုင် တက်ရောက်၍ အဖွင့်အမှာစကား ပြောကြားခဲ့ပါသည်။ အခမ်းအနားသို့ အထွေထွေအုပ်ချုပ်ရေးဦးစီးဌာန၊ မီးသတ်ဦးစီးဌာန၊ ရန်ကုန်မြို့တော်စည်ပင်သာယာရေးကော်မတီ၊ မန္တလေးမြို့တော်စည်ပင်သာယာရေးကော်မတီ၊ ပုသိမ်၊ မုံရွာ၊ မော်လမြိုင် နှင့်၊ လားရှိုးမြို့များမှ စည်ပင်သာယာရေးအဖွဲ့များမှ ကိုယ်စားလှယ်များ၊ ဌာနဆိုင်ရာကိုယ်စားလှယ်စားများ တက်ရောက်ခဲ့ကြကြောင်းသတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဝင်းမြတ်အေးအား ၂၀၁၇ ခုနှစ်၊ ဖေဖေါ်ဝါရီလ(၈)ရက်နေ့ နံနက်ပိုင်းတွင် အဆိုပါဝန်ကြီးရုံးရှိ မေခလာ ခန်းမတွင် ရန်ကုန်မြို့အခြေစိုက်၊ နော်ဝေနိုင်ငံသံရုံး မှသံအမတ်ကြီးဖြစ်သူ H.E. Ms. Tone Tinnes ကလာရောက်တွေ့ဆုံခဲ့ပါသည်။ ထိုသို့တွေ့ဆုံရာတွင်  နော်ဝေနိုင်ငံအစိုးရမှ   မြန်မာနိုင်ငံသို့  လူသားချင်းစာနာမှု   အကူအညီများ၊ သဘာဝဘေးဒဏ်လျော့ပါးရေး စီမံချက်များအတွက် အကူအညီများနှင့် ငြိမ်းချမ်းရေးလုပ်ငန်းစဉ်အတွက် ထောက်ပံ့ကူညီမှုများ၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန အနေဖြင့် ပြည်သူတို့အား ပိုမိုဝန်ဆောင်မှုပေးနိုင်ရန် မူဝါဒသစ်များချမှတ်လျက် ကိုယ်ဝန်ဆောင်မိခင်များ၊ သက်ကြီးရွယ်အိုများအား လူမှုရေးအထောက်အပံ့ပေးနေသည့် အစီအစဉ်များ၊ … Read more

ကယ်ဆယ်ရေးနှင့် ပြန်လည်နေရာချထားရေးဦးစီးဌာနနှင့် မန္တလေးတိုင်းဒေသကြီးအစိုးရအဖွဲ့တို့ ဦးဆောင်မှုဖြင့် လေပြင်းဘေး ကြိုတင်ကာကွယ်ရေးလုပ်ငန်းများ ဆောင်ရွက်ရန်အတွက် ညှိနှိုင်းဆွေးနွေးမှုရလာဒ်အပေါ် ဆက်လက်အကောင်အထည်ဖော်ရန် မန္တလေးတိုင်းဒေသကြီးဦးစီးမှူးရုံး (ကဆရ) နှင့် အရပ်ဘက်လူမှုအဖွဲ့အစည်းများတွေ့ဆုံပွဲကို (၈.၂.၂၀၁၇) နေ့တွင် ကျင်းပခဲ့ပြီး လေပြင်းဒဏ်မခံနိုင်သည့် အိမ်များကို ပညာပေးခြင်း၊ အမိုးများပြုပြင်ပေးခြင်းလုပ်ငန်းများကို အမြန်ဆုံးအကောင်အထည်ဖော်ရန်အတွက်  အသေးစိတ်ညှိနှိုင်းခဲ့ကြောင်း သတင်းရရှိပါသည်။