Author Archives: Thandar Aung
-
ကရင်ပြည်နယ်၊မြဝတီမြို့တွင်သဘာဝဘေးလျော့ပါးရေးစေတနာ့ဝန်ထမ်းလူငယ်(ဆင့်ပွား)သင်တန်း ဖွင့်လှစ် သတင်း
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့် ပြန်လည် နေရာချထားရေးဦးစီးဌာန၊ မြဝတီခရိုင်ဦးစီးမှူးရုံး၌ သဘာဝဘေးလျော့ပါး ရေး စေတနာ့ဝန်ထမ်းလူငယ် (ဆင့်ပွား)သင်တန်းအား ဖွင့်လှစ်ခဲ့ရာ ခရိုင်နှင့် မြို့နယ်ဌာနဆိုင်ရာ အကြီးအကဲများ၊ လူမှုရေးအသင်းအဖွဲ့များ၊ သင်တန်းသား/ သူများ တက်ရောက်ခဲ့ပါသည်။ အဆိုပါသင်တန်းအား ၁၄. ၃. ၂၀၁၇ ရက်နေ့မှ ၁၆. ၃ .၂၀၁၇ ရက်နေ့အထိ(၃)ရက်ကြာ ဖွင့်လှစ်သွားမည်ဖြစ်ပြီး၊ သင်တန်းသား/သူ များအား သင်ထောက်ကူ ပစ္စည်းများ ထောက်ပံ့ပေးအပ်ခဲ့ကြောင်း သတင်းရရှိ ပါသည်။ Source: မြဝတီခရိုင်ဦးစီးမှူးရုံး (ကဆရ)
-
တိုက်ကြီးမြို့ ငလျင်ဘေးးသင့်ပြည်သူများအား လိုအပ်သောထောက်ပံ့မှုများပေးနိုင်ရေး ကွင်းဆင်းဆောင်ရွက်မှုသတင်း
၁၃-၃-၂၀၁၇ ရက်နေ့ လှုပ်ခတ်ခဲ့သော ငလျင်ကြောင့် တိုက်ကြီးမြို့ ငလျင်ဘေးးသင့်ပြည်သူများအတွက် ကယ်ဆယ်ရေးနှင့်ပြန်လည်နေရာချထားရေးဦးစီးဌာန မှချက်ချင်းသွားရောက်ပြီး ပျက်စီးမှုများအား မြို့နယ်အဆင့်ဌာနဆိုင်ရာများနှင့် ကြည့်ရှုခဲ့ပြီး ဘေးသင့်ပြည်သူများနှင့် ဒဏ်ရာရသူများအားကုသမှုပေးနိုင်ရေးအတွက် တိုးချဲ့လူနာဆောင်ဘေးတွင် ယာယီမိုးကာတဲများထိုးပေးပြီး လိုအပ်သောထောက်ပံ့မှုများပေးနိုင်ရေး ကွင်းဆင်းဆောင်ရွက်လျှက်ရှိကြောင်း သိရှိရပါသည်။
-
ရခိုင်ပြည်နယ်၊ စစ်တွေမြို့ ကယ်ဆယ်ရေး သိုလှောင်ရုံအား စစ်ဆေးကြည့်ရှုမှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ညွှန်ကြားရေးမှုးချုပ်သည် (၁၄-၃-၂၀၁၇) ရက်နေ့တွင် ရခိုင်ပြည်နယ်ဦးစီးမှူးရုံး၊ စစ်တွေမြို့ ကယ်ဆယ်ရေး သိုလှောင်ရုံအား စစ်ဆေးကြည်ရှု ခဲ့ကြောင်းသတင်းရရှိပါသည်။ Source: ရခိုင်ပြည်နယ်ဦးစီးမှူးရုံး (ကဆရ)
-
မြိုင်ကြီးငူတိုက်ပွဲရှောင်ကယ်ဆယ်ရေးစခန်းရှိတိုက်ပွဲရှောင်အိမ်ထောင်စုများအား ဆန်ရိက္ခာထောက်ပံ့မှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကရင်ပြည်နယ်ဦးစီးမှူးရုံး (ကဆရ) မှ တာဝန်ရှိသူများ သည် မြိုင်ကြီးငူတိုက်ပွဲရှောင်ကယ်ဆယ်ရေးစခန်းရှိ တိုက်ပွဲရှောင်အိမ်ထောင်စု (၁၀၀၇) စု လူဦးရေ(၅၅၂၆) ဦးတို့အတွက် (၂၃၂၀၉၂၀၀/-)တန်ဖိုးရှိ ဆန်ရိက္ခာ(၁၄) ရက်စာ ဆန်အိတ်(၈၀၅)အိတ် (၂၁)ပြည်အား (၁၃-၃-၂၀၁၇) ရက်နေ့တွင် သွားရောက်ထောက်ပံ့ခဲ့ကြောင်းသတင်းရရှိပါသည်။ Source: ကရင်ပြည်နယ်ဦးစီးမှူးရုံး (ကဆရ)
-
မန္တလေးတိုင်းဒေသကြီး၊မိတ္တီလာခရိုင်ဦးစီးမှူးရုံး(ကဆရ)ရုံးသစ်ဖွင့်လှစ်မှုသတင်း
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မန္တလေးတိုင်းဒေသကြီး၊ မိတ္တီလာမြို့၌ (၁၀-၃-၂၀၁၇ ) ရက်နေ့ (၀၉း၃၀) အချိန်တွင် ဒုတိယညွှန်ကြားရေးမှူးချုပ်ဦးဆောင်၍ မန္တလေးတိုင်းဒေသကြီးဦးစီးမှူး အပါအဝင် ဝန်ထမ်းများနှင့်အတူ အန္တရာယ်ကင်းပရိတ်တရားနာကြားပြီး မိတ္တီလာခရိုင်ဦးစီးမှူးရုံးသစ်အား ဖွင့်လှစ်ပေးခဲ့ပါကြောင်းနှင့်ရုံးလုပ်ငန်းဆိုင်ရာများကို (၁၀-၃-၂၀၁၇) စ၍ဆက်သွယ် ဆောင်ရွက်နိုင်ပြီဖြစ်ပါကြောင်း သိရှိရပါသည်။ Source: မန္တလေးတိုင်းဒေသကြီးဦးစီးမှူးရုံး (ကဆရ)
-
တပ်ကုန်းမြို့နယ်၊ ကံကြီးအုပ်စု၊ ကံကြီးကျေးရွာ၌ မိုးရွာသွန်းပြီး လေပြင်းတိုက်ခတ်မှုကြောင့် ဘေးသင့်ခဲ့သည့်ပြည်သူများအတွက် ထောက်ပံ့ပေးမှုသတင်း
(၈-၃-၂၀၁၇) ရက်နေ့၊ ည (၂၂းဝ၀) နာရီအချိန်ခန့်တွင် တပ်ကုန်းမြို့နယ်၊ ကံကြီးအုပ်စု၊ ကံကြီးကျေးရွာ၌ မိုးရွာသွန်းပြီး လေပြင်းတိုက်ခတ်မှုကြောင့် အိမ် (၁) လုံး ပြိုလဲကျကာ၊ အိမ် (၁၂) လုံး အမိုးလန်ခဲ့ပါသည်။ အဆိုပါလေဘေးကြောင့် ဘေးသင့်ခဲ့သည့် ပြိုလဲနေအိမ် (၁) လုံးမှ အိမ်ထောင်စု (၁) စုအတွက် ကယ်ဆယ်ရေးပစ္စည်း (၉) မျိုး (၁) အိမ်ထောင်စာနှင့် အမိုးလန်နေအိမ် (၁၂) လုံးမှ အိမ်ထောင်စု (၁၅) စုအတွက် ကယ်ဆယ်ရေးပစ္စည်း (၄) မျိုး … Read more
-
တပ်ကုန်းမြို့နယ်၊ တဲမြင့်အုပ်စု၊ တဲမြင့်ကျေးရွာ၌ လေဘေးကြိုတင်ပြင်ဆင်ရေးနှင့် သဘာဝဘေးလျော့ပါးရေးအသိပညာပေးဟောပြောပွဲ ပြုလုပ်မှုသတင်း
(၉-၃-၂၀၁၇) ရက်နေ့တွင် ပြည်ထောင်နယ်မြေ နေပြည်တော်တိုင်းဦးစီးမှူးရုံး (ကဆရ) မှ တာဝန်ရှိသူများသည် တပ်ကုန်းမြို့နယ်၊ တဲမြင့်အုပ်စု၊ တဲမြင့်ကျေးရွာ၌ လေဘေးကြိုတင်ပြင်ဆင်ရေးနှင့် သဘာဝဘေးလျော့ပါးရေးအသိပညာပေးဟောပြောပွဲ ပြုလုပ်ခဲ့ကြောင်း သိရှိရပါသည်။ Source: ပြည်ထောင်စုနယ်မြေ နေပြည်တော်တိုင်းဦးစီးမှူးရုံး (ကဆရ)
-
ရှမ်းပြည်နယ်မြောက်ပိုင်းမှ မန္တလေး ကျွဲဆည်ကန်ကားဝင်းသို့ ရောက်ရှိလာသော တိုက်ပွဲရှောင်ပြည်သူများအား သက်ဆိုင်ရာနေရပ်အသီးသီးသို့ ဆက်လက်ပို့ဆောင်ပေးမှုသတင်း
ရှမ်းပြည်နယ်မြောက်ပိုင်းမှ မန္တလေးကျွဲဆည်ကန်ကားဝင်းသို့ (၈-၃-၂၀၁၇) ရက်နေ့တွင် ကား (၁၀) စီးဖြင့် ရောက်ရှိလာသည့် တိုက်ပွဲရှောင်ပြည်သူများကို မန္တလေးတိုင်းဒေသကြီးဦးစီးမှူးရုံး (ကဆရ) မှ တိုင်းဒေသကြီးဦးစီးမှူးနှင့် တာဝန်ရှိသူများ၊ အထွေထွေအုပ်ချုပ်ရေးဦးစီးဌာနနှင့် ဌာနဆိုင်ရာများမှ တာဝန်ရှိသူများ၊ အရပ်ဘက်လူမှုအဖွဲ့အစည်းများမှ တာဝန်ရှိသူများ ပူးပေါင်းလျက် ၄င်းတို့၏သက်ဆိုင်ရာနေရပ်အသီးသီးသို့ ဆက်လက်ပို့ဆောင်ပေးခြင်းများ ဆောင်ရွက်ခဲ့ကြောင်း သိရှိရပါသည်။ Source: မန္တလေးတိုင်းဒေသကြီးဦးစီးမှူးရုံး (ကဆရ)
-
မိုးညှင်းခရိုင်ဦးစီးမှူးရုံး (ကဆရ) ရုံးသစ်ဖွင့်လှစ်မှုနှင့် သဘာဝဘေးအန္တရာယ်ဆိုင်ရာ အရေးပေါ်တုံ့ပြန်ဆောင်ရွက်မှု ဆင့်ပွားသင်တန်းဖွင့်လှစ်မှုသတင်း
(၆-၃-၂၀၁၇) ရက်နေ့၊ နံနက်ပိုင်းတွင် မိုးညှင်းခရိုင်ဦးစီးမှူးရုံး (ကဆရ) ရုံးသစ်ဖွင့်လှစ်ခြင်းအခမ်းအနားကို ကျင်းပပြုလုပ်ရာ ကချင်ပြည်နယ်အစိုးရအဖွဲ့၊ လူမှုရေးဝန်ကြီး၊ ဒေါက်တာသင်းလွင်မှ မိန့်ခွန်းပြောကြား၍ ဖွင့်လှစ်ပေးခဲ့ပြီး ခရိုင်ဦးစီးမှူးရုံးဆိုင်းဘုတ်အား အမွှေးနံ့သာရည်များ ပတ်ဖြန်းကာ ဖွင့်လှစ်ခဲ့ပါသည်။ ထို့နောက် မိုးညှင်းခရိုင်ဦးစီးမှူးရုံး (ကဆရ) ၌ “သဘာဝဘေးအန္တရာယ်ဆိုင်ရာ အရေးပေါ်တုံ့ပြန်ဆောင်ရွက်မှုဆင့်ပွားသင်တန်း” ကို ဆက်လက်ဖွင့်လှစ်ခဲ့ရာ သင်တန်းတက်ရောက်သူ (၃၀) ဦးခန့်ရှိပြီး အဆိုပါသင်တန်းအား (၆-၃-၂၀၁၇) မှ (၁၀-၃-၂၀၁၇) ရက်နေ့ထိ (၅) ရက်တာ ပြုလုပ်သွားမည်ဖြစ်ကြောင်း သိရှိရပါသည်။ Source: မိုးညှင်းခရိုင်ဦးစီးမှူးရုံး (ကဆရ)
