Author Archives: Department of Disaster Management

လပ္ပတ္တာခရိုင်ဦးစီးမှူးရုံးမှ တာဝန်ရှိသူများသည် စားသုံးသူရေးရာဦးစီးဌာန၊ မီးသတ်ဦးစီးဌာန တို့နှင့်ပူးပေါင်း၍ (၂-၂-၂၀၁၇) ရက်နေ့တွင် လပ္ပတ္တာမြို့နယ်ရှိ အမှတ် (၆) အခြေခံပညာ မူလတန်းကျောင်းတွင် ဆရာ/ဆရာမနှင့် ကျောင်းသား/ကျောင်းသူ စုစုပေါင်း(၂၂၃)ဦး နှင့်အမှတ် (၇) အခြေခံပညာမူလတန်းလွန်ကျောင်းတွင် ဆရာ/ ဆရာမနှင့် ကျောင်းသား/ကျောင်းသူ စုစုပေါင်း (၁၉၈)ဦးတို့ကို သဘာဝဘေးအန္တရာယ်ဆိုင်ရာ အသိပညာပေး ဟောပြောခြင်းများ ပြုလုပ်ကျင်းပခဲ့ပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တနင်္သာရီတိုင်းဦးစီးမှူးရုံးမှ တာဝန်ရှိသူများနှင့် မီးသတ်ဦးစီးဌာနတို့ပူးပေါင်း၍ (၂-၂-၂၀၁၇) ရက်နေ့တွင် လောင်းလုံးမြို့နယ်၊ ရှမ်းမော်ကျေးရွာ၌ သဘာဝဘေးအသိပညာပေးခြင်း၊ သဘာဝဘေးဆောင်ရန်/ရှောင်ရန်များနှင့် မီးသတ်ဦးစီးဌာနမှ လက်တွေ့မီးငြိမ်းသတ်ခြင်းများပြုလုပ်ခဲ့ရာ အဆိုပါဟောပြောပွဲသို့ ဒေသနေပြည်သူများ ၁၀၀ ခန့်တက်ရောက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တနင်္သာရီတိုင်းဦးစီးမှူးရုံးမှ တာဝန်ရှိသူများသည် (၁-၂-၂၀၁၇) ရက်နေ့တွင် သရက်ချောင်းမြိုနယ်၊ သင်းကျွန်းကျေးရွာ၌ သဘာဝဘေးအသိပညာပေးခြင်း၊ ရာသီဥတုပြောင်းလဲခြင်းအပေါ် လိုက်လျောညီထွေနေထိုင်ခြင်း၊ လက်ကမ်းစာစောင်နှင့် ပိုစတာများဝေငှခြင်းများပြုလုပ်ခဲ့ရာ အဆိုပါဟောပြောပွဲသို့ ဒေသနေပြည်သူများ ၂၀၀ ခန့်တက်ရောက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ညောင်ဦးခရိုင်ဦးစီးမှူးရုံးမှ တာဝန်ရှိသူများသည် (၂-၂-၂၀၁၇) ရက်နေ့၌ ကျောက်ပန်းတောင်းမြို့နယ် အ.ထ.က (ကဗြူ)တွင် သဘာဝဘေးလျော့ပါးရေး အသိပညာပေးဟောပြောပွဲပြုလုပ်ခဲ့ရာ အဆိုပါဟောပြောပွဲသို့ ကျောင်းသား/သူ (၃၃၀)ဦး တက်ရောက်ခဲ့ကြောင်းနှင့် လက်ကမ်းစာစောင်များ ဝေငှခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြိတ်ခရိုင်ဦးစီးမှူးရုံးမှ တာဝန်ရှိသူများသည် မြိတ်ခရိုင်၊ တနင်္သာရီမြို့နယ်၊ ဘန်းလမွတ်ကျေးရွာအုပ်စု၊ ရမ်းဖိုကျေးရွာတွင် (၂၃-၁-၂၀၁၇)ရက်နေ့ကဖြစ်ပွားခဲ့သော မီးဘေးသင့်အိမ်ထောင်စု (၁)စုအတွက် ကယ်ဆယ်ရေးပစ္စည်း (၉)မျိုး၊ အိမ်ဆောက်ပစ္စည်းတန်ဖိုး (၅၀,၀၀၀)ကျပ်နှင့် ဆန် (၃)ရက်စာ (၂,၇၀၀)ကျပ်အား (၃၁-၁-၂၀၁၇)ရက်နေ့တွင် သွားရောက်ထောက်ပံ့ခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ သထုံခရိုင်ဦးစီးမှူးရုံးမှ တာဝန် ရှိသူများသည် သထုံမြို့နယ် အထွေထွေအုပ်ချုပ်ရေးဦးစီးဌာန လစဉ်အစည်းအဝေးတွင် သဘာဝ ဘေးနှင့် စပ်လျဉ်းသည့်ပုံမှန်သတင်း၊ အရေးကြီးသတင်းများ၊ မိုးလေဝသသတင်းများနှင့် မြန်မာ နိုင်ငံအတွင်း သဘာဝဘေးအန္တရာယ်လျော့ပါးရေးဆောင်ရွက်ချက်သတင်းများကို အချိန်နှင့် တပြေးညီပေးပို့ခြင်း၊ ဖြစ်ပေါ်လာနိုင့်သည့်ဘေးအန္တရာယ်နှင့်စပ်လျဉ်းသည့် ကြိုတင်သတိပေး Messageပေးပို့သည့်စနစ်၊ အရေးကြီးဖုန်းနံပါတ်နှင့်   သဘာဝဘေးပညာပေးလက်ကမ်းစာစောင်များ ထည့်သွင်းထားသော KOBO Mobile Applicaton နှင့်DAN Mobile Appplication အသုံး ပြုပုံများအား ရပ်ကွက်/ကျေးရွာစာရေးဝန်ထမ်းများနှင့် အုပ်ချုပ်ရေးမှူးများ လူဦးရေစုစုပေါင်း (၁၁၀) ဦးခန့် တက်ရောက်ဆွေးနွေးခဲ့ကြောင်း သိရှိရပါသည်။Source: သထုံခရိုင်ဦးစီးမှူးရုံး … Read more

(၂၈-၁-၂၀၁၇) ရက်နေ့တွင် တနင်္သာရီတိုင်းဒေသကြီးဦးစီးမှူးရုံး(ကဆရ) မှ တာဝန်ရှိသူများသည် သရက်ချောင်းမြို့နယ် အိမ်ရှေ့ပြင်ကျေးရွာ၌ သဘာဝဘေးအသိပညာပေးဟောပြောပွဲ ကျင်းပပြုလုပ်ခဲ့ရာ အဆိုပါ ဟောပြောပွဲသို့ ရွာသူရွာသား စုစုပေါင်း လူဦးရေ (၈၀) ဦးခန့် တက်ရောက်ခဲ့ကြောင်း သိရှိရပါသည်။ Source: တနင်္သာရီတိုင်းဒေသကြီးဦးစီးမှူးရုံး (ကဆရ)

(၃၀-၁-၂၀၁၇) ရက်နေ့တွင် တနင်္သာရီတိုင်းဒေသကြီးဦးစီးမှူးရုံး(ကဆရ) မှ တာဝန်ရှိသူများသည် သရက်ချောင်းမြို့နယ် ပန်းချီရှောင်ကျေးရွာ၌ သဘာဝဘေးအသိပညာပေးဟောပြောပွဲ ကျင်းပပြုလုပ်ခဲ့ရာ အဆိုပါ ဟောပြောပွဲသို့ ရွာသူရွာသား စုစုပေါင်း လူဦးရေ (၇၀) ဦးခန့် တက်ရောက်ခဲ့ကြောင်း သိရှိရပါသည်။ Source: တနင်္သာရီတိုင်းဒေသကြီးဦးစီးမှူးရုံး (ကဆရ)

(၂၈-၁-၂၀၁၇) ရက်နေ့တွင် တနင်္သာရီတိုင်းဒေသကြီးဦးစီးမှူးရုံး(ကဆရ) မှ တာဝန်ရှိသူများသည် သရက် ချောင်းမြို့နယ် ကြာအင်းကျေးရွာ၌ သဘာဝဘေးအသိပညာပေးဟောပြောပွဲ ကျင်းပပြုလုပ်ခဲ့ရာ အဆိုပါ ဟောပြောပွဲသို့ ရွာသူရွာသား စုစုပေါင်း လူဦးရေ (၁၀၀) ဦးခန့်တက်ရောက်ခဲ့ကြောင်း သိရှိရပါသည်။ Source: တနင်္သာရီတိုင်းဒေသကြီးဦးစီးမှူးရုံး (ကဆရ)

(၂၈-၁-၂၀၁၇) ရက်နေ့တွင် မကွေးတိုင်းဒေသကြီး၊ ရေနံချောင်းမြို့နယ်၊ ဖိုးကိုကျေးရွာအုပ်စု၊ ကျောင်းကန်ကျေးရွာ ဘုန်းကြီးကျောင်းတွင် ဝါယာကြိုးရှော့ဖြစ်၍ မီးလောင်ကျွမ်းမှုဖြစ်ပွားခဲ့ရာ သွပ်မိုးပြင်ကာ ဘုန်းကြီးကျောင်း(၁)ကျောင်း မီးလောင်ဆုံးရှုံးခဲ့ပါသည်။ အဆိုပါဘုန်းကြီး ကျောင်းအတွက် ကျောင်းဆောက်ပစ္စည်းဖိုး (၂) သိန်း၊ သံဃာ (၇) ပါးအတွက် သင်္ကန်း (၇) ထည်၊ အထူးစောင် (၇) ထည်တို့အား မကွေးတိုင်းဒေသကြီးဦးစီးမှူးရုံး (ကဆရ)မှ တာဝန်ရှိသူများသည် (၃၀-၁-၂၀၁၇) ရက်နေ့တွင် သွားရောက်ဆက်ကပ်ထောက်ပံ့ခဲ့ကြောင်း သိရှိရပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)