Author Archives: RRD

  ရခိုင်ပြည်နယ်ဦးစီးမှူးရုံး (ကဆရ) မှ ပြည်နယ်ဦးစီးမှူးနှင့် တာဝန်ရှိသူများသည် (၁၈-၁၁-၂၀၁၆) ရက်နေ့၊ (၁၃:ဝ၀) နာရီအချိန်တွင် မောင်တောမြို့ဖြစ်စဉ်ကြောင့် ဘူးသီးတောင်မြို့ရှိ သုဓမ္မာရုံဘုန်းကြီးကျောင်းကယ်ဆယ်ရေးစခန်း၌ ခေတ္တခိုလှုံနေသည့် နေရပ်စွန့်ခွာလာသော ပြည်သူများအတွက် စားနပ်ရိက္ခာထောက်ပံ့နိုင်ရန် ကွင်းဆင်းဆောင်ရွက်မှုများ ပြုလုပ်ခဲ့ရာ အဆိုပါဘုန်းတော်ကြီးကျောင်းတွင် အိမ်ထောင်စု (၃၆) စုမှ လူဦးရေ (၁၀၄) ဦး ခေတ္တနေထိုင်လျက်ရှိကြောင်း သိရှိရပြီး ထောက်ပံ့မှုများပေးနိုင်ရေး ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။ Source: ရခိုင်ပြည်နယ်ဦးစီးမှူးရုံး (ကဆရ)  

  (၁၇-၁၁-၂၀၁၆) ရက်နေ့တွင် မွန်ပြည်နယ်၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန ပြည်နယ်ဦးစီးမှူးရုံး၌ ”ဝန်ထမ်းများပြည်သူအကျိုးဖော်ဆောင်ရာတွင် ပိုမိုထိရောက်စွာ ဆောင်ရွက်နိုင်စေရန်နှင့် အဂတိလိုက်စားမှုကင်းရှင်းရေးဟောပြောပွဲနှင့် အလုပ်ရုံဆွေးနွေးပွဲ”  ကျင်းပပြုလုပ်ရာ စာရေးဆရာ မောင်ပွင့်ဉာဏ်(မောရ)မှ ဟောပြောခြင်း၊ ပြည်နယ်ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ညွှန်ကြားရေးမှူး ဦသောင်းရွှေမှ ဝန်ထမ်းများ အဂတိလိုက်စားမှုကင်းရှင်းရန် ချပြဆွေးနွေးပြီး၊ ဝန်ထမ်းများမှလည်း ပြည်သူ့အကျိုးဖော်ဆောင်ရာဝာွင် အခက်အခဲများ၊ အားနည်းချက်များကို ပြန်လည်ဆွေးနွေးခဲ့ကြကြောင်း သိရှိရပါသည်။ Source:            မွန်ပြည်နယ်ဦးစီးမှူးရုံး (ကဆရ)

ပဲခူးတိုင်းဒေသကြီး၊ ပဲခူးခရိုင်၊ ကျောက်တံခါးမြို့နယ်၊ တောကျွဲအင်းဒေသ၊ တူမောင်ကျေးရွာအုပ်စုနှင့် ခင်အင်းကြီးကျေးရွာအုပ်စုတို့ကိုဆက်သွယ်ထားသည့် သပိတ်ချောင်းတံတားသည် (၂၆-၉-၂၀၁၆) ရက်နေ့တွင် တောင်ကျရေနှင့်အတူ မျောပါပျက်စီးသွားသဖြင့် ရေရှည်ခံနိုင်သော တံတားဆောက်လုပ်ရန်အတွက် ထောက်ပံ့ငွေ (၁၉) သိန်းကို (၁၇-၁၁-၂၀၁၆) ရက်နေ့တွင် ပဲခူးတိုင်းဒေသကြီးဦးစီးမှူးရုံး (ကဆရ) မှ တိုင်းဒေသကြီးဦးစီးမှူးက ပဲခူးတိုင်းဒေသကြီးလွှတ်တော်ဒုတိယဥက္ကဌနှင့် ပဲခူးတိုင်းဒေသကြီး၊ ကျောက်တံခါးမြို့နယ်အုပ်ချုပ်ရေးမှူး၊ ဦးစိုးကိုဦးတို့ထံသို့ ထောက်ပံ့ပေးအပ်ပြီးဖြစ်ကြောင်း သိရှိရပါသည်။ Source:            ပဲခူးတိုင်းဒေသကြီးဦးစီးမှူးရုံး (ကဆရ)

တစ်ဘက်ဘင်္ဂလားဒေ့ရှ်နိုင်ငံမှ ဝင်ရောက်လာသော ရခိုင်မျိုးနွယ်စု (၂) စုမှ လူဦးရေ (၁၁) ဦးအတွက် ကယ်ဆယ်ရေးပစ္စည်း (၉) မျိုး (၂) အိမ်ထောင်စာ၊ ဆန်ရိက္ခာ (၇) ရက်စာဖိုးငွေ (၂၃၁၀၀) ကျပ်တိတိကို ရခိုင်ပြည်နယ်ဦးစီးမှူးရုံး (ကဆရ) မှပေးပို့ရာ မောင်တောခရိုင်ဦးစီးမှူးရုံး (ကဆရ) မှ တာဝန်ရှိသူတစ်ဦးက အဆိုပါပြည်သူများထံသို့ (၁၆-၁၁-၂၀၁၆) ရက်နေ့တွင် ထောက်ပံ့ပေးအပ်ခဲ့ကြောင်း သိရှိရပါသည်။ Source: မောင်တောခရိုင်ဦးစီးမှူးရုံး (ကဆရ)

ချင်းပြည်နယ်၊ အိမ်တွင်းမှုသင်တန်းကျောင်း၌ (၁၇-၁၁-၂၀၁၆) ရက်နေ့တွင် သင်တန်းသူ (၅၁) ဦးနှင့် အမျိုးသမီးရေးရာအဖွဲ့မှ (၂၀) ဦးအား လူကုန်ကူးမှုတားဆီးရေးနှင့် ကျန်းမာရေးအသိပညာပေးဟောပြောပွဲတွင် ချင်းပြည်နယ်ဦးစီးမှူးရုံး (ကဆရ) မှ တာဝန်ရှိသူတစ်ဦးက ရပ်ရွာအခြေပြုသဘာဝဘေးအန္တရာယ်စီမံခန့်ခွဲမှုနှင့်စပ်လျဉ်းသည့် အကြောင်းအရာများအား ဆွေးနွေးဟောပြောခဲ့ကြောင်း သိရှိရပါသည်။ Source: ချင်းပြည်နယ်ဦးစီးမှူးရုံး (ကဆရ)

နေပြည်တော်၊ နိုဝင်ဘာလ   ၁၆   ရက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မေခလာခန်းမ၌ နိုဝင်ဘာလ ၁၆ ရက်နေ့‌၊ နေ့လည် (၁၂:၀၀) နာရီအချိန်တွင် ပြည်ထောင်စုဝန်ကြီး ဒေါက်တာဝင်းမြတ်အေး အား   Korea Disabled People’s Development Institute အဖွဲ့ အစည်းမှ Program Specialist   ဖြစ်သူ Mr. Kim Kwang- hee ဦးဆောင်သောအဖွဲ့မှ လာရောက်တွေ့ဆုံခဲ့ပါသည်။ ထိုသို့တွေ့ဆုံရာ၌ မသန်စွမ်းသူများဖွံ့ဖြိုးတိုးတက်ရေး၊ မသန်စွမ်းသူများ၏အခွင့်အရေးများ အပြည့်အဝကာကွယ်မြင့်တင်ရေး၊ အလုပ်အကိုင်အခွင့်အလမ်းများ ရရှိနိုင်ရေးအတွက် လူမှုဝန်ထမ်း၊ … Read more

  (၁၅-၁၁-၂၀၁၆) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာနနှင့် ကမ္ဘာ့ ကုလသမဂ္ဂ သဘာဝဘေးလျော့ပါးရေးအဖွဲ့ (UNISDR) တို့ပူးပေါင်း၍ Hilton Hotel၊ နေပြည်တော်၌ အခြားသောနိုင်ငံများ၏ဖွဲ့ဖြိုးရေးလုပ်ငန်းများတွင် သဘာဝဘေးလျှော့ချရေး လုပ်ငန်းများကို ထည့်သွင်းဆောင်ရွက်မှုအခြေအနေများနှင့်စပ်လျဉ်း၍ အတွေ့အကြုံများ ဝေငှပေး နိုင်ရန်နှင့် ပျက်စီးဆုံးရှုံးမှုနှင့် သဘာဝဘေးကျရောက်နိုင်ခြေ လေ့လာဆန်းစစ်ချက်နည်းစနစ်များကို အသိပေးဖြန့်ဝေပေးနိုင်ရန်အတွက် ” Mainstreaming DRR-CCA in Public Investment and Financial Planning” အလုပ်ရုံးဆွေးနွေးပွဲကို ကျင်းပပြုလုပ်ခဲ့ပါသည်။

  မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ မင်းလှကုန်းကျေးရွာတွင် မိုးသည်းထန်စွာရွာသွန်းမှုကြောင့် ပြိုကျခဲ့သည့် နေအိမ် (၁) လုံးမှ  ဘေးသင့်သူများအတွက် မကွေးတိုင်းဒေသကြီးဦးစီးမှူးရုံး (ကဆရ) မှ တာဝန်ရှိသူများက ကယ်ဆယ်ရေးပစ္စည်း (၉) မျိုး အိမ်ထောင်စု (၁) စုစာ၊ အိမ်ဆောက်ပစ္စည်းဖိုးငွေနှင့် ဆန်ရိက္ခာဖိုးငွေစုစုပေါင်း (၅၄၅၀၀) ကျပ်တို့ကို  (၁၅-၁၁-၂၀၁၆) ရက်နေ့တွင် ထောက်ပံ့ခဲ့ကြောင်း သိရှိရပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကချင်ပြည်နယ်ဦးမှူးရုံးနှင့် မိတ်ဖက်အဖွဲ့အစည်းများ ဖြစ်သော မီးသတ်ဦးစီးဌာန၊ ပြည်သူ့ကျန်းမာရေးဦးစီးဌာန၊ International Organization for Migration (IOM) အဖွဲ့အစည်း၊ Disaster Reduction Youth Volunter (DRYV) တို့မှ တာဝန်ရှိသူများသည် ကချင်ပြည်နယ်၊ မိုးညှင်းခရိုင်၊ ဖားကန့်မြို့တွင် (၁၀-၁၁-၂၀၁၆) ရက်နေ့မှ (၁၂-၁၁-၂၀၁၆) ရက်နေ့အထိ သဘာဝဘေးလျော့ပါးရေးစေတနာ့ဝန်ထမ်း လူငယ်(ဆင့်ပွား)သင်တန်းဖွင့်လှစ်ခဲ့ရာ သင်တန်းသား/သူ (၇၀)ဦးနှင့် လေ့လာသူ(၆)ဦးတို့အား သဘာဝဘေးစီမံခန့်ခွဲမှုဘာသာရပ်အား ပို့ချခဲ့ပါသည်။ (၁၂-၁၁-၂၀၁၆)ရက်နေ့တွင် ဖားကန့်မြို့၊ မမုံကျေးရွာ ဓမ္မာရုံတွင် သင်တန်းသားများနှင့်အတူ သဘာဝဘေးအသိပညာပေးဟောပြောပွဲ … Read more

  မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်၊ တောကြီးကျေးရွာတွင် ဧရာဝတီမြစ်ရေတိုက်စား၍ ကမ်းပါးပြိုကျမှုကြောင့် အိမ်ထောင်စု (၈) စုမှ လူဦးရေ (၃၀) ဦးတို့အား ဘေးလွတ်ရာနေရာများသို့ ကြိုတင်ရွှေ့ပြောင်းပြီးဖြစ်ရာ အဆိုပါဘေးသင့်ပြည်သူများအတွက် မကွေးတိုင်းဒေသကြီးဦးစီးမှူးရုံး (ကဆရ) မှ တာဝန်ရှိသူများက ကယ်ဆယ်ရေးပစ္စည်း (၄) မျိုး အိမ်ထောင်စု (၈) စုစာ၊ အိမ်ဆောက်ပစ္စည်းဖိုးငွေနှင့် ဆန်ရိက္ခာဖိုးငွေစုစုပေါင်း (၁၈၇၀၀၀) ကျပ်တို့ကို  (၁၅-၁၁-၂၀၁၆) ရက်နေ့တွင် ထောက်ပံ့ပေးခဲ့ကြောင်း သိရှိရပါသည်။ Source: မကွေးတိုင်းဒေသကြီးဦးစီးမှူးရုံး (ကဆရ)