Author Archives: RRD

တောင်ကြီးမြို့နယ်အတွင်း (၂၂-၄-၂၀၁၆) ရက်နေ့၌ လေဘေးဒဏ်ခံစားခဲ့ရသော ပြည်သူများအား ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ရှမ်းပြည်နယ်ဦးစီးမှူးရုံးမှ တာဝန်ရှိသူများသည် (၇-၅-၂၀၁၆) ရက်နေ့တွင် လေဘေးဒဏ်ခံစားခဲ့ရသောအိမ်ထောင်စုများအတွက် Family Kit(၁၁၉)စုစာနှင့် အိမ်ဆောက်ပစ္စည်းဘိုးငွေ(၅၄၀,၀၀၀)ကျပ် ထောက်ပံ့ပေးခဲ့ပြီးဖြစ်ပါကြောင်း သိရှိရပါသည်။ Source : ရှမ်းပြည်နယ်ဦးစီးမှူးရုံး (ကဆရ)

ကယ်ဆယ်ရေးနှင့်ပြန်လည်နေရာချထားရေးဦးစီးဌာန ရှမ်းပြည်နယ်ဦးစီးမှူးရုံးမှ ရက်(၁၀၀)စီမံချက်လုပ်ငန်းစဉ်အဖြစ် (၈.၅.၂၀၁၆)ရက်နေ့တွင် ရှမ်းပြည်နယ်၊ ပင်းတယမြို့နယ်၊ မိုင်းအင်ကျေးရွာ အထက်တန်းကျောင်းခန်းမ၌ “သဘာဝဘေးအန္တရာယ် အသိပညာပေးဟောပြောပွဲ”အား နံနက် (၀၉:၃၀)နာရီ မှ (၁၁:၁၅)နာရီထိ ကျင်းပပြုလုပ်ခဲ့ရာ ဒေသခံပြည်သူအင်အား (၂၅၀) ခန့် တက်ရောက်ခဲ့ကြကြောင်းနှင့် ရှမ်းပြည်နယ်ဦးစီးမှူး ဦးစိုးနိုင်မှ လေပြင်းတိုက်ခက်မှုဘေး၊ ငလျင်ဘေးနှင့် မိုးကြိုးဘေးများအတွက် ရှောင်ရန်ဆောင်ရန် အချက်များအားဆွေးနွေးခြင်း၊ လက်ကမ်းစာဆောင်များ ဝေငှခြင်းနှင့် ဘေးဖြစ်ပွားမှုမှတ်တမ်း ဗွီဒီယိုပြသခြင်းများ ဆောင်ရွက်ခဲ့ပါကြောင်း သိရှိရပါသည်။ Source: ရှမ်းပြည်နယ်ဦးစီးမှူးရုံး (ကဆရ)

ဧရာ၀တီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်၊ ကျိုက်ပိကျေးရွာ တွင် (၈-၅-၂၀၁၆) ရက်နေ့ (၁၀၀၀)နာရီအချိန်၌ လပွတ္တာခရိုင်ဦးစီးမှူးနှင့်အဖွဲ့သည် ကျေးရွာပြည်သူ (၁၀၀)ဦးခန့်အား သဘာ၀ဘေးလျော့ပါးရေးအသိပညာပေး ဟော‌ပြောပွဲ ကျင်းပခဲ့ကြောင်းသိရှိရ ပါသည်။

တနင်္သာရီတိုင်းဒေသကြီး၊ ထား၀ယ်မြို့၊ ကတို့ရွာတွင် (၈-၅-၂၀၁၆)ရက်နေ့ နံနက် (၀၉၀၀)နာရီအချိန်၌ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တနင်္သာရီတိုင်းဦးစီးမှူးနှင့်အဖွဲ့သည် ကျေးရွာနေပြည်သူများသို့ ရေဂါလံ (၂၄၀၀) အားပေးဝေခဲ့ပါသည်။

မြိတ်ခရိုင်၊ မြိတ်မြို့နယ်၊ ပင်းအိုကျေးရွာအုပ်စု၊ ဘန်ချင်းတောင်ကျေးရွာနှင့် ရှင်မြတ်တောင် ကျေးရွာတို့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြိတ်မြို့နယ်ဦးစီးမှူးရုံးမှ တာ၀န်ရှိသူများက (၈-၅-၂၀၁၆)ရက်နေ့တွင် သောက်ရေ (၁၄၅ဝ) ဂါလံ ဖြန့်ဝေခဲ့ပါသည်။

ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုးမိတ်မြို့နှင့် မဘိမ်းမြို့တွင် (၂၂-၄-၂၀၁၆)ရက် နေ့မှ (၄-၅-၂၀၁၆)ရက်နေ့အထိ ဖြစ်ပွားခဲ့သောလေဘေးအတွက် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကျောက်မဲခရိုင်ဦးစီးမှူးရုံးမှ တာ၀န်ရှိသူများသည် မိုးမိတ်မြို့အတွက် သွပ် (၇၅၀၀)ချပ်နှင့် မဘိမ်းမြို့အတွက် သွပ် (၂၅၀၀)ချပ် အား(၇-၅-၂၀၁၆)ရက် နေ့တွင်ထောက်ပံ့ခဲ့ကြောင်းသိရှိရပါသည်။

ဧရာဝတီတိုင်းဒေသကြီး၊ ဟင်္သာတခရိုင်၊ အင်္ဂပူမြို့နယ် (၂-၅-၂၀၁၆)ရက်နေ့ မိုးသက်လေပြင်း တိုက်ခတ်မှုကြောင့် ကျေးရွာအုပ်စု (၇)စုမှ ကျေးရွာခွဲ (၁၇)ရွာတွင် လူနေအိမ် ပြိုကျပျက်စီး (၂၀)လုံးနှင့် အမိုးလန် (၁၂၅)လုံးမှ အိမ်ထောင်စု (၁၃၀)စု၊ လူဦးရေ ကျား (၂၆၆)ဦးနှင့် မ (၃၀၅)ဦး၊ စုစုပေါင်း (၅၇၁)ဦးလေဘေးသင့်ခဲ့ပါသည်။ အဆိုပါ လေဘေးသင့် ပြည်သူများအတွက် (၃-၅-၂၀၁၆) ရက်နေ့တွင် ပြိုကျပျက်စီး အိမ်ခြေ (၂၀)လုံးအတွက် (၁)အိမ်လျင် (၅၀၀၀၀/-)နှုန်းဖြင့် စုစုပေါင်း (၁၀၀၀၀၀၀/-)အား သက်ဆိုင်ရာမြို့နယ် အထွေထွေအုပ်ချုပ်ရေးဦးစီးဌာနသို့ မြန်မာ့စီးပွားရေးဘဏ်မှ တဆင့် … Read more

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မြဝတီခရိုင်ဦးစီးမှူးရုံးမှ တာဝန်ရှိသူများသည် ကရင်ပြည်နယ်၊ မြဝတီမြို့နယ်၊ အမှတ်(၃)ရပ်ကွက်၊ ငှက်ပျောတော(၂)လမ်း၊ (၄)လမ်း၊ နတ်စင်လမ်း၊ ကျွန်းတော(၂)လမ်းရှိ ပြည်သူများအတွက် ရေဂါလံ (၃၀၀၀) အား (၆-၅-၂၀၁၆) ရက်နေ့တွင် သွားရောက် ဖြန့်ဝေပေးခဲ့ပြီးဖြစ်ကြောင်း သိရှိရပါသည်။ Source: မြဝတီခရိုင်ဦးစီးမှူးရုံး (ကဆရ)

ပြည်ခရိုင်၊ နတ်တလင်းမြို့နယ်နှင့် မိုးညိုမြို့နယ်တို့တွင်ဧပြီလ (၂၉)ရက်မှ (၃၀)ရက်နေ့ အတွင်း ဖြစ်ပွားခဲ့သောလေဘေးကြောင့် လူနေအိမ်များ၊ ဘာသာရေးအဆောက်အအုံများပြိုလဲ အမိုးလန်ခဲ့ခြင်းများအတွက် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပြည်ခရိုင်ဦးစီးမှူးမှနတ်တလင်းမြို့နယ်အတွက် ၉၃၈၈ဝဝ ကျပ်၊ မိုးညိုမြို့နယ်အတွက် ၂၇၇၃၅ဝဝ ကျပ် နှင့် ပြိုလဲအိမ်ခြေများအတွက် ကယ်ဆယ်ရေးပစ္စည်းများကို သက်ဆိုင်ရာ မြို့နယ်အထွေထွေအုပ်ချုပ်ရေးမှူးများထံသို့ (၇-၅-၂၀၁၆)ရက်နေ့တွင်ထောက်ပံ့နိုင်ရန်လွှဲအပ်ခဲ့ပါသည်။

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ရှမ်းပြည်နယ်ဦးစီးမှူးရုံးမှ တာဝန်ရှိသူများသည် ရှမ်းပြည်နယ်၊ ကလောမြို့နယ်၊ ဆီရားကျေးရွာရှိ အိမ်ခြေ/အိမ်ထောင်စု (၁၅၀)စုအတွက် ရေဂါလံ (၁၂၀၀) အား (၇-၅-၂၀၁၆) ရက်နေ့တွင် သွားရောက် ဖြန့်ဝေပေးခဲ့ပြီးဖြစ်ကြောင်း သိရှိရပါသည်။ Source: ရှမ်းပြည်နယ်ဦးစီးမှူးရုံး (ကဆရ)