Author Archives: RRD

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေး ဦးစီးဌာနမှ ညွှန်ကြားရေးမှူးချုပ် ဒေါက်တာကိုကိုနိုင်အား ရန်ကုန်မြို့ရှိ သြစတြေးလျသံရုံးမှ ဒုတိယသံရုံးအကြီးအကဲ Mr. Jeremy Kruse မှ (၇-၁၂-၂၀၁၆) ရက်နေ့တွင် လာရောက်တွေ့ဆုံခဲ့ပါသည်။ ထိုသို့တွေ့ဆုံရာ၌ ထိုင်းနယ်စပ်ရှိ ဒုက္ခသည်များစခန်းမှ ဒုက္ခသည်များပြန်လည်ပို့ဆောင်ရေး ကိစ္စရပ်များ ကို ဆွေးနွေးခဲ့ပါကြောင်း သိရှိရပါသည်။

၂၀၁၆ ခုနှစ် မဲခေါင်မြစ်အောက်ပိုင်းနိုင်ငံများ ဖွံ့ဖြိုးတိုးတက်ရေး အစီအစဉ်၏ သဘာဝဘေးအန္တရာယ်ဆိုင်ရာ တုံ့ပြန်ဆောင်ရွက်ရေး ဇာတ်တိုက် လေ့ကျင့်ခန်းအလုပ်ရုံဆွေးနွေးပွဲနှင့် ဖွင့်ပွဲအခမ်းအနားကို  နေပြည်တော်၊ Hilton Hotel တွင် ဒီဇင်ဘာလ (၆) ရက်နေ့၊ နံနက်ပိုင်းတွင် ကျင်းပရာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာဝင်းမြတ်အေးမှ တက်ရောက်၍ အဖွင့်အမှာစကားပြောကြားပါသည်။ ထို့နောက် မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel မှ အမှာစကားပြောကြားခဲ့ပြီးနောက် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာဝင်းမြတ်အေးနှင့်မြန်မာနိုင်ငံဆိုင်ရာ သံအမတ်ကြီး Scot Marciel၊ အမေရိကန်စစ်တပ် အာရှပစိဖိတ်ကွပ်ကဲရေးဌာနချုပ်မှ ဗိုလ်မှူးကြီး … Read more

(၆-၁၂-၂၀၁၆)ရက်နေ့တွင် ရှမ်းပြည်နယ်၊ အောင်ပန်းမြို့ ရှိ  အထက (၅) အောင်ပန်းမြို့တွင် ဆရာ/မ ကျောင်းသား/သူ (၂၅၀)ဦးတို့အား သဘာဝဘေးအသိပညာပေး ဟောပြောပွဲကျင်းပခဲ့ပြီး လက်ကမ်းစာစောင်များဖြန့်ဝေခြင်း၊ သဘာဝ ဘေးအသိပညာပေးဗွီဒီယိုပြသခြင်း တို့ကိုဆောင်ရွက်ခဲ့ကြောင်း သိရှိရပါသည်။

ဧရာ၀တီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ငါးသိုင်းချောင်းမြို့၊ သောင်ကြီးကျေးရွာအုပ်စု၊ သောင်ကြီး အထက်ပိုင်းကျေးရွာတွင် (၁-၁၂-၂၀၁၆)ရက်နေ့၌ မြစ်ကမ်းပါး ပြိုကျမှုကြောင့် ဖျက်သိမ်းပြောင်းရွှေ့ခဲ့သည့် အိမ်ခြေ(၃)လုံး၊ အိမ်ထောင်စု(၃)စုမှ လူဦးရေ(၁၃)ဦးအတွက် ကယ်ဆယ်ရေးပစ္စည်း(၄)မျိုး၊ အိမ်ဆောက် ပစ္စည်းဖိုး(၆၀၀၀၀)၊ ဆန်ရိက္ခာ(၃) ရက်စာ(၁၁၇၀၀)၊ စုစုပေါင်း ရန်ပုံငွေ(၇၁၇၀၀)အား ဧရာ၀တီ တိုင်းဒေသကြီးဦးစီးမှူးရုံးမှ (၆-၁၂-၂၀၁၆)ရက်နေ့တွင် ကွင်းဆင်းထောက်ပံ့ခဲ့ကြောင်းသတင်းရရှိပါသည်။

သီပေါမြို့နယ်သို့ရောက်ရှိနေသော တိုက်ပွဲရှောင်ပြည်သူ အိမ်ထောင်စု(၃၅)စုမှ လူဦးရေ(၁၂၀)ဦး အတွက် ကယ်ဆယ်ရေးပစ္စည်း(၉)မျိုး၊ အိမ်ထောင်စု(၃၅)စုစာနှင့် ဆန်ရိက္ခာ(၃)ရက်စာဖိုးငွေကျပ် (၁၀၈၀၀၀) အား ကျောက်မဲ ခရိုင်ဦးစီးမှူးရုံးမှ (၆-၁၂-၂၀၁၆) ရက်နေ့တွင်ထောက်ပံ့ပေးခဲ့ပါသည်။

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊အမြဲတမ်းအတွင်းဝန် ဦးစိုးအောင်အား မြန်မာနိုင်ငံဆိုင်ရာနယ်သာလန်သံအမတ်ကြီး H.E.Mr.Wouter Jurgens ဦးဆောင်သောအဖွဲ့မှ ယနေ့မွန်းလွဲ(၂)နာရီတွင် အဆိုပါဝန်ကြီးဌာနရှိ မေခလာခန်းမ၌ လာရောက် တွေ့ဆုံကြပါသည်။ ထိုသို့တွေ့ဆုံရာ၌ သဘာဝဘေးအန္တရာယ်ကြောင့်   ထိခိုက်ဆုံးရှုံးနိုင်‌ခြေလျော့ပါးရေး၊ သဘာဝဘေးအန္တရာယ်စီမံခန့်ခွဲမှုလုပ်ငန်းများ၊‌ ရေအရင်းအမြစ်စီမံခန့်ခွဲမှုလုပ်ငန်းများတွင် နယ်သာလန်နိုင်ငံနှင့် ပူးပေါင်းဆောင်ရွက်နိုင်မည့် အ‌ခြေအနေများ၊ လူသားချင်းစာနာထောက်ထားမှု ဆိုင်ရာအကူအညီများ ပေးအပ်နိုင်ရေးကိစ္စရပ်များ၊ အသက်မွေးဝမ်းကျောင်းလုပ်ငန်းများ၊ အလုပ်အကိုင်အခွင့်အလမ်းများ ရရှိဆောင်ရွက်ပေးနေသော အ‌ခြေအနေများနှင့်ပတ်သက်၍ ရင်းနှီး ပွင့်လင်းစွာ ဆွေးနွေးခဲ့ကြပါသည်။

မကွေးတိုင်းဒေသကြီး၊ရေနံချောင်းမြို့နယ်၊ဝက်လွတ် ကျေးရွာအုပ်စု၊ သူဌေးကုန်းကျေးရွာတွင် (၂၉-၁၁-၂၀၁၆) ရက်နေ့၌ ဧရာဝတီမြစ်ရေတိုက်စားမှုကြောင့်အိမ်ခြေ (၁)၊ အိမ်ထောင်စု (၁)၊ လူဦးရေ (၅)ဦးတို့အား အိမ်ဆောက်ပစ္စည်းဖိုး (၂၀၀၀၀)၊ ဆန်ရိက္ခာဖိုး(၄၅၀၀)၊ စုစုပေါင်း(၂၄၅၀၀)ကျပ်ကို (၆-၁၂-၂၀၁၆) ရက်နေ့တွင် မကွေးတိုင်းဒေသကြီးဦးစီးမှူးရုံးမှ ရေနံချောင်းမြို့နယ် အထွေထွေအုပ်ချုပ်ရေးဦးစီးဌာန သို့ ထောက်ပံ့ငွေများ လွှဲအပ်ခဲ့ကြောင်းသတင်းရရှိပါသည်။

Source:  ကချင်ပြည်နယ်ဦးစီးမှူးရုံး (ကဆရ) ကချင်ပြည်နယ် မြစ်ကြီးနားမြို့ ပလနကျေးရွာ နယ်မြေ-၄ တွင် (၅.၁၂.၂၀၁၆) ရက်နေ့ဖြစ်ပွားသော မီးဘေးကြောင့် ဘေးသင့် အိမ်ခြေ (၁) လုံး အိမ်ထောင်စု (၂) စုမှ လူဦးရေ (၉) ဦးတို့အတွက် ကယ်ဆယ်ရေးပစ္စည်း (၉) မျိုး၊ အိမ်ထောင်စု (၂) စုစာအတွက် ဆန်ရိက္ခာဖိုးငွေ (၈၁၀၀/-) ကျပ်နှင့် အိမ်ဆောက်ပစ္စည်းဖိုးငွေ (၁၀၀၀၀၀/-) ကျပ်တို့အား ကချင်ပြည်နယ်ဦးစီးမှူးရုံး (ကဆရ) မှ တာဝန်ရှိသူများသည် (၆.၁၂.၂၀၁၆) ရက်နေ့တွင် ကွင်းဆင်းထောက်ပံ့ပေးခဲ့ကြောင်း … Read more

ပြည်ထောင်စုနယ်မြေဦးစီးမှူးရုံးမှ (၆-၁၂-၂၀၁၆) ရက်နေ့တွင် ပျဥ်းမနားမြို့ ညောင်ပင်သာ ကျေးရွာ အထက်တန်းကျောင်း၌ ကျောင်းသား၊ ကျောင်းသူ (၇၅၀)ဦးအား သဘာဝဘေး အသိပညာပေး ဟောပြောပွဲကျင်းပပြုလုပ်ခဲ့ကြောင်း သတင်းရရှိသည်။

Source:  ကျောက်မဲခရိုင်ဦးစီးမှူးရုံး (ကဆရ) နောင်ချိုမြို့နယ်သို့ရောက်ရှိနေသော တိုက်ပွဲရှောင်ပြည်သူအိမ်ထောင်စု (၆၉) စုမှ လူဦးရေ (၁၈၇) အတွက် (၅-၁၂-၂၀၁၆) ရက်နေ့တွင် ကျောက်မဲခရိုင်ဦးစီးမှူးရုံး (ကဆရ) မှ တာဝန်ရှိသူများသည် ကယ်ဆယ်ရေးပစ္စည်း (၉) မျိုးအိမ်ထောင်စု (၆၉) စုစာနှင့် ဆန်ရိက္ခာ (၃) ရက်စာ (၁၆၈၃ဝဝ/-) ကျပ်တို့အား ထောက်ပံ့ပေးခဲ့ကြောင်း သိရှိရပါသည်။