Author Archives: RRD

(၂၈-၄-၂၀၁၆) ရက်နေ့တွင် မန္တလေးတိုင်းဒေသကြီး၊ ကယ်ဆယ်ရေးနှင့် ပြန်လည်နေရာချထားရေးဦးစီးမှူးရုံးမှ (၂၂-၄-၂၀၁၆) ရက်နေ့တွင် မန္တလေးတိုင်းဒေသကြီး၊ တံတားဦးမြို့နယ်၊ ဇီးချောင်းကျေးရွာ၌ လေပြင်းတိုက်ခတ်မှုကြောင့် ပြိုလဲခဲ့သည့် အိမ်ခြေ (၂၀၇) လုံးအတွက် တစ်အိမ်ထောင်စုလျှင် အိမ်ဆောက်ပစ္စည်းဖိုးငွေ (၅၀၀၀၀) နှုန်းဖြင့် ့စုစုပေါင်း ငွေကျပ် (၁၀၃၅၀၀၀၀) ကို မြို့နယ်အထွေထွေအုပ်ချုပ်ရေးမှူးရုံးတွင် ထပ်မံထောက်ပံ့ပေးအပ်ခဲ့ပြီး ဘေးဖြစ်ပွားခဲ့သည့် ဇီးချောင်းကျေးရွာသို့ ကွင်းဆင်းကြည့်ရှုခဲ့ကြကြောင်း သိရှိရပါသည်။ Source: မန္တလေးတိုင်းဒေသကြီးဦးစီးမှူးရုံး (ကဆရ)

လူမှု၀န်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကယ်ဆယ်ရေးနှင့်ပြန်လည်နေရာချထားရေးဦးစီး ဌာန၊ တနင်္သာရီတိုင်းဒေသကြီးဦးစီးမှူးရုံးမှ တာဝန်ရှိသူများသည် ထား၀ယ်မြို့နယ်၊ ကနိုင်းတာကျေးရွာရှိပြည်သူများ အတွက် ရေ (၁၁၀၀) ဂါလန်စီ၊ စုစုပေါင်း ရေဂါလန် (၂၄၀၀) အား (၂၉-၄-၂၀၁၆) ရက်နေ့တွင် သွားရောက် ဖြန့်ဝေပေးခဲ့ပါ သည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှတာဝန်ရှိသူများနှင့်မီးသတ်ဦးစီးဌာနမှ ဝန်ထမ်းများလိုက်ပါလျက် (၂၉-၄-၂၀၁၆) ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့နယ်၊ ရှောပြာကျေးရွာအုပ်စု၊ အိုးဘိုကုန်းကျေးရွာရှိ နေအိမ်(၁၈၀)လုံး၊ လူဦးရေ(၆၀၀)ခန် ့အတွက် တာပေါ်လင်(၆×၈)ကိုက်(၁)စဖြင့် (၁၂×၁၀×၃.၅)ပေ ယာယီရေလှောင်ကန်ပြုလုပ်ပေးခဲ့ပြီး (၈)ဂါလံဆံ့ ရေပုံးကြီး(၅၀)ပုံးဖြင့် ရေဂါလံ(၄၀၀)၊ မီးသတ်ယာဉ်ဖြင့် ရေဂါလံ(၁၆၀၀)၊ စုစုပေါင်းသောက်သုံးရေဂါလံ(၂၀၀၀)အားဖြန့်ဝေပေးခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကျိုင်းတုံခရိုင်ဦးစီးမှူးရုံးမှ တာဝန်ရှိသူများသည် (၂၆-၄-၂၀၁၆) ရက်နေ့တွင် ကျိုင်းတုံမြို့နယ်၊ စွန်မွန်းရပ်ကွက်ရှိ အိမ်ခြေ၈၅၊ လူဦးရေ ၆၂၅ ဦးအတွက် သောက်သုံးရေဂါလံ (၉၀၀) ကို သွားရောက်ဖြန့်ဝေပေးခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ပခုက္ကူခရိုင်ဦးစီးမှူးရုံးမှတာဝန်ရှိသူများသည် (၂၉-၄-၂၀၁၆) ရက်နေ့တွင် ပေါက်မြို့နယ်၊ကိုင်းလယ်အုပ်စု၊သက်ကယ်ချောင်းကျေးရွာ မှအိမ်ထောင်စု(၅၇)စု၊လူဦးရေ(၃၃၀)အတွက် ရေဂါလံပေါင်း (၁၈၀၀) ဂါလံကို ဖြန့်ဝေးပေးခဲ့ကြောင်း သိရှိရပါသည်။

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ လပွတ္တာခရိုင်ဦးစီးမှူးရုံး မှ တာဝန်ရှိသူများသည် (၂၇.၄.၂၀၁၆) နှင့် (၂၈.၄.၂၀၁၆) နေ့တို့တွင် လပွတ္တာခရိုင်ဦးစီးမှူး၊ကျေးလက်ဖွံ့ဖြိုးရေးဦးစီးဌာနမှ ဒုဦးစီးမှူး ၊သပြုကုန်းကျေးရွာအုပ်စု ဥက္ကဋ္ဌ ၊မြို့နယ်ဖွံ့ထောက်ကော်မတီဥက္ကဋ္ဌ နှင့် အဝီစိတွင်းအလှူရှင်  (တက်ကြွလူငယ်များအဖွဲ့) တို့သည်  လပွတ္တာမြို့နယ်၊     သပြုကုန်းကျေးရွာအုပ်စု၊ သပြုကုန်းကျေးရွာရှိ အိမ်ခြေ ၂၅၀၊လူဦးရေ ၁၃၅၀ အတွက်  အဝီစိတွင်းတူးဖော်ပေးရန် ကွင်းဆင်းလေ့လာခဲ့ ကြောင်းသိရှိပါသည်၊၊

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကော့သောင်းခရိုင်ဦးစီးမှူးရုံးနှင့် ကျေးလက်ဦးစီးဌာနမှ တာဝန်ရှိသူများပူးပေါင်း၍(၂၈.၄.၂၀၁၆) ရက်နေ့တွင် ကော့သောင်းမြို့၊ရွှေဟင်္သာရပ်ကွက် ၊ရွှေပြည်သာရပ်ကွက်နှင့် အောင်သုခရပ်ကွက်များသို့ ရေဂါလံ(၃၆၀၀)ဂါလံ နှင့် သောက်ရေ လီတာ( ၂၀၀၀ ) ရေသန့် အား သွားရောက်ဖြန့်ဝေပေးခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြိတ်ခရိုင်ဦးစီးမှူးရုံး မှ တာဝန်ရှိသူများသည် (၂၈.၄.၂၀၁၆) ရက်နေ့တွင်မြိတ်မြို့နယ် စန္ဒဝတ်ကျေးရွာအုပ်စု ၊ရွာသစ်ကျေးရွာသို့ ရေဂါလံ(၁၂၀၀)ဂါလံအား သွားရောက်ဖြန့်ဝေပေးခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ရခိုင်ပြည်နယ်ဦးစီးမှူးရုံးမှတာဝန်ရှိသူများသည် (၂၈.၄.၂၀၁၆) ရက်နေ့တွင် ရခိုင်ပြည်နယ်၊ ရမ်းဗြဲမြို့နယ်၊ သာစည်ပြင်ကျေးရွာ သို့ ရေဂါလံ(၁၂၀၀)ဂါလံအား သွားရောက်ဖြန့်ဝေပေးခဲ့ကြောင်း သိရှိရပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ပဲခူးတိုင်းဒေသကြီး ဦးစီးမှူးရုံး မှတာဝန်ရှိသူများသည်( ၂၈.၄.၂၀၁၆ )ရက်နေ့တွင် ပဲခူးတိုင်းဒေသကြီး ၊ညောင်လေးပင်မြို့နယ်၊ ပြွန်တန်ဆာမြို့၊လှည်းဆပ်ကျေးရွာအုပ်စု၊အောင်းကြီးကျေးရွာသို့ ရေဂါလံ(၁၃၅၂)ဂါလံအား သွားရောက်ဖြန့်ဝေပေးခဲ့ကြောင်း သိရှိရပါသည်။