Author Archives: Hlaing ChoOo

၉-၁၀-၂၀၁၇၊ နေပြည်တော် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးအား မြန်မာနိုင်ငံဆိုင်ရာ နော်ဝေနိုင်ငံသံအမတ်ကြီး H.E. Ms. Tone Tinnes က အဆိုပါဝန်ကြီးရုံး မေခလာခန်းမတွင် လာရောက်တွေ့ဆုံခဲ့ပါသည်။           နော်ဝေနိုင်ငံသံအမတ်ကြီး H.E.Ms. Tone Tinnes နှင့်တွေ့ဆုံရာတွင် ရခိုင်ပြည်နယ်အတွင်း လူသားချင်းစာနာကူညီမှုလုပ်ငန်းများနှင့် ဖွံ့ဖြိုးရေးလုပ်ငန်းများအတွက် နိုင်ငံတော်မှ ဆောင်ရွက် နေမှုအခြေအနေများ၊ ရခိုင်ပြည်နယ်ဆိုင်ရာအကြံပေးကော်မရှင်၏ အကြံပြုချက်များအား အကောင် အထည်ဖေါ်ရေးတွင် နော်ဝေနိုင်ငံမှအကူအညီပေးလိုမှုနှင့် အကြံပြုချက်များအား ရေရှည်အကောင် အထည်ဖေါ်ဆောင်ရွက်ရာတွင် နိုင်ငံတကာအသိုက်အဝိုင်းမှ ပူးပေါင်းပါဝင်လိုမှု၊ ရခိုင်ဒေသရှိ ပြည်သူ များ၏ … Read more

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန၊  ကယ်ဆယ်ရေးနှင့်ပြန်လည်နေရာချ ထားရေးဦးစီးဌာနမှ ဝန်ထမ်းများသည် (၉-၁၀-၂၀၁၇) ရက်နေ့တွင် ARSA အစွန်းရောက် အကြမ်းဖက် သမားများ၏ အကြမ်းဖက်မှုကြောင့် စစ်တွေမြို့ပေါ်ရှိ ဇေယျဝတီကျောင်းတိုက်နှင့် သာသနာ့ရောင်ခြည် ကျောင်းတိုက်၊ ကယ်ဆယ်ရေးစခန်းများရှိ တိမ်းရှောင်ပြည်သူများအား လိုအပ်သောကူညီစောင့်ရှောက်မှုများ ပေးနိုင်ရေးအတွက် သွားရောက်တွေ့ဆုံပြီး စားဝတ်နေရေး၊ ကျန်းမာရေး၊ ပညာရေးနှင့် ၎င်းတို့၏ စိတ်ခံစား ချက်များကို နှစ်သိမ့်ဆွေးနွေး အားပေးစကားပြောကြားခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် Freda အဖွဲ့နှင့် ပူးပေါင်း၍ Freda အဖွဲ့မှ လှူဒါန်းထားသည့် ဖျာပုံမြို့နယ်ခွဲ အမာမြို့၊ ခါချဉ်ကျေးရွာအုပ်စု၊ ခါချဉ်ကျေးရွာရှိ School Cum Shelter တွင် (၅-၁၀-၂၀၁၇) ရက်နေ့မှ (၁၀-၁၀-၂၀၁၇) ရက်နေ့အထိ ဖွင့်လှစ်မည့် သဘာဝဘေးလျှော့ချရေးနှင့် ပတ်သက်သည့် ပညာရပ်များဆိုင်ရာသင်တန်းတွင် ဖျာပုံခရိုင်ဦးစီးမှူးရုံးတာဝန်ရှိသူများမှ (၈-၁၀-၂၀၁၇) ရက်နေ့မှ (၁၀-၁၀-၂၀၁၇) ရက်နေ့အထိ သဘာဝဘေးစီမံခန့်ခွဲမှုဘာသာရပ်များကို ဆွေးနွေးပို့ချသွားမည်ဖြစ်ကြောင်း သတင်းရရှိပါ သည်။ Source: ဖျာပုံခရိုင်ဦးစီးမှူးရုံး(ကဆရ)

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှ ဒုဝန်ကြီး ဦးစိုးအောင်သည်ရခိုင် ပြည်နယ်အစိုးရအဖွဲ့မှ တာဝန်ရှိသူများ၊ Red cross movement partners များဖြစ်သည့် MRCS, ICRC, IFRC တို့မှ ကိုယ်စားလှယ်များဖြင့် (၂-၁၀-၂၀၁၇) (၁၈း၄၅)နာရီတွင် ပြည်နယ်အစိုးရဧည့်ရိပ်သာ အစည်းအဝေးခန်းမ၌ တွေ့ဆုံပြီး လုပ်ငန်းများ အရှိန်မြှင့်ရေး၊ ပေါင်းစပ်ညှိနှိုင်းမှုများ အားကောင်းရေး စသည်တို့အားညှိနှိုင်းပေါင်းစပ်ပေးခဲ့ကြောင်းသတင်းရရှိပါသည်။

ကျန်းမာရေးနှင့်အားကစားဝန်ကြီးဌာနမှ ပြည်ထောင်စုဝန်ကြီး၊လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ဒုဝန်ကြီး ဦးစိုးအောင်တို့သည် (၂-၁၀-၂၀၁၇) ရက်နေ့တွင် နိုင်ငံခြားသံရုံးများမှ သံအမတ်ကြီးများ/သံတမန်များ၊ ကုလသမဂ္ဂအဖွဲ့အစည်းမင်ငံခြားသံရုံးမျာမျှားမှ တာဝန်ခံများ၏ ရခိုင်ပြည်နယ် မြောက်ပိုင်းသို့ လိုက်လံလေ့လာသည့် ခရီးစဉ်၌ လိုက်ပါ တာဝန်ထမ်းဆောင်စဉ် ၂၀၁၇ ဩဂုတ်ဖြစ်စဉ်၌ ခုံတိုင် (မြို)ကျေးရွာမှ အသက်ဆုံးရှုံးခဲ့ရ ၆ ဦး၏ မိသားစုဝင်များနှင့် ဒဏ်ရာရသူ ၇ ဦးအတွက် ထောက်ပံ့ကြေးများပေးအပ်ခဲ့ပါသည်။ ထို့အပြင် ဝန်ကြီးဌာနနှင့် တာဝန်ယူထားသည့် လုပ်ငန်းကော်မတီများအနေဖြင့် ဒေသဖွံဖြိုးရေးဆိုင်ရာနှင့် လူသားခြင်းစာနာမှုဆိုင်ရာ အထောက်အပံ့များပေးရေးဆိုင်ရာများအား ရှင်းလင်းဆွေးနွေးခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ သထုံခရိုင်ဦးစီးမှူးရုံးမှ တာဝန်ရှိသူ များသည် သထုံမြို့နယ်အတွင်းရှိ စေတနာ့ဝန်ထမ်းလူငယ် (၅၀) ဦးတို့နှင့်အတူ (၂-၁၀-၂၀၁၇) ရက်နေ့တွင် အပြည်ပြည်ဆိုင်ရာ သဘာဝဘေးလျော့ပါးရေးနေ့ အထိမ်းအမှတ်အကြို ဆောင်ရွက်မှုအဖြစ် နန်းခဲရပ်ကွက်အတွင်းရှိ ဘိုးဘွားရိပ်သာတွင် ခြုံနွယ်ပိတ်ပေါင်းများ ခုတ်ထွင်းရှင်းလင်းခြင်းနှင့် အမှိုက်ရှင်းလင်းခြင်းများကို ဆောင်ရွက်ခဲ့ပါကြောင်း သတင်းရရှိပါ သည်။ Source: သထုံခရိုင်ဦးစီးမှူးရုံး(ကဆရ)

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကယ်ဆယ်ရေး နှင့် ပြန်လည်နေရာချထားရေးဦးစီးဌာနမှ ဝန်ထမ်းများသည် (၂-၁၀-၂၀၁၇) ရက်နေ့တွင် ARSA အစွန်းရောက်အကြမ်းဖက်သမားများ၏ အကြမ်းဖက်မှုကြောင့် စစ်တွေမြို့ပေါ်ရှိ မဟာဇေယျသိဒ္ဓိပဌာန်းကျောင်းတိုက်၊ ပြည်ကြီးမဏ္ဏိုင်ကျာင်းတိုက်နှင့် ဝိသုဒ္ဒါရာမကျောင်းတိုက်သို့ ယာယီခေတ္တလာရောက်ခိုလှုံနေသော တိုင်းရင်းသားပြည်သူများကို လိုအပ်သောကူညီ စောင့်ရှောက် မှုများ ဆောင်ရွက်ပေးနိုင်ရေးအတွက် သွားရောက်တွေ့ဆုံပြီး အားပေးနှစ်သိမ့်စကားများပြောကြား ခဲ့ကြောင်း သတင်းရရှိပါသည်။