Author Archives: Department of Disaster Management

  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကချင်ပြည်နယ်ဦးစီးမှူးရုံးမှ တာဝန်ရှိသူများသည် မြစ်ကြီးနားမြို့နယ်၊ အထွေထွေအုပ်ချုပ်ရေးဦးစီးဌာန စာရေးဝန်ထမ်းများလုပ်ငန်းစွမ်းဆောင်ရည်မြင့်မားရေးသင်တန်း၌ (၂၈-၆-၂၀၁၉)ရက်နေ့ (၁၄ ၄၅)နာရီ မှ(၁၅ ၃၀)နာရီအထိ သင်တန်းသား (၇၀)ဦးအား သဘာဝဘေးအန္တရာယ်ဆိုင်ရာအသိပညာပေးဟောပြောပွဲ ကျင်းပပြုလုပ်ခဲ့ကြောင်း၊ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းနှင့် (DAN) Mobile Application အား တက်ရောက်လာသည့် သင်တန်းသားများအား အသုံးပြုပုံနည်းစနစ်များရှင်းလင်းပြောကြားခဲ့ကြောင်းနှင့် လက်ကိုင်ဖုန်းများအတွင်းသို့ ထည့်သွင်းခြင်းများပြုလုပ်ခဲ့ကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မွန်ပြည်နယ်ဦးစီးမှူးရုံးမှ တာဝန်ရှိသူများသည် (၂၈-၆-၂၀၁၉)ရက်နေ့က မော်လမြိုင်မြို့၊ လှိုင်ရပ်ကွက်၊ တောင်ရှမ်းစုရပ်မှ နေအိမ်အချို့တွင် မိုးသည်းထန်စွာရွာသွန်းမှုကြောင့် ကားလမ်းအမြင့်ပိုင်းမှ စီးဆင်းလာသောရေများ နေအိမ်အတွင်း ဝင်ရောက်မှုဖြစ်ပွားခဲ့မှုအား သွားရောက်ကူညီဆောင်ရွက်ပေးခဲ့ကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဂန့်ဂေါခရိုင်ဦးစီးမှူးရုံးမှ တာဝန်ရှိသူများသည် (၂၈-၆-၂၀၁၉)ရက်နေ့ နံနက် (၁၀၀၀)နာရီအချိန်က ဂန့်ဂေါခရိုင်၊ ဂန့်ဂေါမြို့နယ် အထွေထွေအုပ်ချုပ်ရေးမှူးရုံးအစည်းအဝေးခန်းမတွင် ဌာနဆိုင်ရာအဖွဲ့အစည်းများ၊  ရပ်ကျေးစာရေးများနှင့် ကျေးရွာအုပ်ချုပ်ရေးမှူးများ စုစုပေါင်းလူဦးရေ (၁၅၇)ဦးတို့အား သဘာဝဘေးအန္တရာယ် ကြိုတင်အသိပေး DAN Mobile Application မိတ်ဆက်ခြင်းနှင့် လက်တွေ့အသုံးချနည်းများအား ဆွေးနွေးပို့ချခဲ့ပါကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံးမှ တာဝန်ရှိသူများသည် (၂၈-၆-၂၀၁၉)ရက်နေ့က မုံရွာမြို့နယ်၊ စုပေါင်းရုံးတွင် DAN Mobile Application နှင့်စပ်လျဉ်း၍ အသိပညာများဖြန့်ဝေခြင်း၊ ကြော်ငြာစတေကာများကပ်ခြင်း၊ Application ထည့်သွင်းပေးခြင်းတို့ကို ဆောင်ရွက်ခဲ့ကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မော်လိုက်ခရိုင်ဦးစီးမှူးရုံးမှ တာဝန်ရှိသူများသည် (၂၈-၆-၂၀၁၉)ရက်နေ့က မြို့နယ်ထွေအုပ် လပတ်အစည်းအဝေးခန်းမတွင်  DAN Mobile Application နှင့်စပ်လျဉ်း၍ အသိပညာများဖြန့်ဝေခြင်း၊ ကြော်ငြာစတေကာများကပ်ခြင်း၊ Application ထည့်သွင်းပေးခြင်းတို့ကို ဆောင်ရွက်ခဲ့ပြီး မြေစာရင်းရုံး၊ စိုက်ပျိုးရေးဦးစီးမှူးရုံး၊ မီးသတ်ရုံးနှင့် ဈေးရှေ့ဘက် mobile ဆိုင်များတွင် ဖြန့်ဝေခြင်းများဆောင်ရွက်ခဲ့ကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဂန့်ဂေါခရိုင်ဦးစီးမှူးရုံးမှ တာဝန်ရှိသူများ သည် ဂန့်ဂေါခရိုင်၊ ဂန့်ဂေါမြို့နယ်၊ တောင်ခင်ရန်း ကျေးရွာအုပ်စု၊ တောင်ခင်ရန်းကျေးရွာ၊ ဘုန်းတော် ကြီးကျောင်း၌(၂၇-၆-၂၀၁၉)ရက်နေ့ (၁၂၀၀)နာရီ မှ(၁၄၀၀)နာရီအထိ ကျေးရွာနေပြည်သူလူထု (၁၀၅)ဦးခန့်အား ငလျင်ဘေးနှင့် အခြားသဘာဝဘေးအန္တရာယ်ဆိုင်ရာအသိပညာပေးဟောပြောပွဲ ကျင်းပပြုလုပ်ခဲ့ကြောင်း၊ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းနှင့် (DAN) Mobil Applicationအား တက်ရောက်လာသည့်ပြည်သူ့လူထုအား အသုံးပြုပုံနည်းစနစ်များရှင်းလင်းပြောကြားခဲ့ပြီး လက်ကိုင်ဖုန်းများအတွင်းသို့ ထည့်သွင်းခြင်းများပြုလုပ်ခဲ့ကြောင်းသတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် ပုဏ္ဏားကျွန်းမြို့နယ်အတွင်းရှိ တိုက်ပွဲရှောင်ပြည်သူ အိမ်ထောင်စု(၃၃၉)စုမှ လူဦးရေ(၁၆၆၂)ဦးအတွက် အစိုးရအဖွဲ့၏ (၂၅) ရက်နေ့ စာရင်းအရ စားနပ်ရိက္ခာ(၂)ပတ်စာ (ဆန်၊ဆီ၊ဆား၊ပဲ) တန်ဖိုး-(၁၀,၆၁၁,၉၃၈)ကျပ် အား (၂၈-၆-၂၀၁၉)ရက်နေ့တွင် သွားရောက်ထောက်ပံ့ခဲ့ကြောင်း သိရှိရပါသည်။

  လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပခုက္ကူခရိုင်၊ ရေစကြိုမြို့နယ်ဦးစီးမှူးရုံး(ဘစမ)မှ ကွေ့ထောင့် ကျေးရွာအုပ်စု၊ ကွေ့ထောင့်ကျေးရွာတွင်(၂၇.၆.၂၀၁၉)ရက်နေ့(၁၀း၀၀)အချိန်၌ ဧရာဝတီမြစ်ရေတိုက်စား၍ ကမ်းပါးပြိုကျမှုကြောင့် လူနေအိမ် ကြိုတင်ဖျက်သိမ်းပြောင်း ရွှေ့မှုများဆောင်ရွက်ခဲ့ကြရာ  ကြိုတင်ဖျက်သိမ်းပြောင်းရွှေ့လူနေအိမ်(၆)လုံး၊ အိမ်ထောင်စု(၈)စု၊ လူဦးရေ(၃၂)ဦးတို့အတွက် ကယ်ဆယ်ရေးပစ္စည်း(၁၀)မျိုး၊ ဆန်ရိက္ခာဖိုး(၇)ရက်စာ(၆၇,၂၀၀)ကျပ် ၊အိမ်ဆောက်ပစ္စည်းဖိုး (၆၀၀,၀၀၀) ကျပ်၊ စုစုပေါင်း(၆၆၇,၂၀၀)ကျပ်အား (၂၈.၆.၂၀၁၉)ရက်နေ့တွင် ရေစကြိုမြို့နယ်အထွေထွေအုပ်ချုပ်ရေးမှူးရုံးမှ တာဝန်ရှိသူများနှင့်အတူ ကွေ့ထောင့်ကျေးရွာအုပ်ချုပ်ရေးမှူးလက်ဝယ်အရောက် ထောက်ပံ့ပေးအပ်ခဲ့ကြောင်း သတင်းရရှိပါသည်။   #ha_rbe #mgy_jun2019 Source:         ရေစကြိုမြို့နယ်ဦးစီးမှူးရုံး  

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မင်းတပ်ခရိုင်ဦးစီးမှူးရုံးမှတာဝန်ရှိသူများသည် (၂၈-၆-၂၀၁၉)ရက်နေ့၌ မင်းတပ်ခရိုင်ဦးစီးမှူးရုံးမှ မင်းတပ်မြို့နယ်၊ ပြေကျေးရွာနှင့် မကျန်းကျေးရွာတို့တွင်  မုန်တိုင်းဘေးအန္တရာယ်အသိပညာပေးမြေစိုက် ဗီနိုင်းဆိုင်းဘုတ်စိုက်ထူခဲ့ကြောင်း သတင်းရရှိပါသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ရွှေကူမြို့နယ်ဦးစီးမှူးရုံးမှတာဝန်ရှိသူများသည် (၂၅-၆-၂၀၁၉)ရက်နေ့က ရွှေကူမြို့နယ်၊ စီမူကြီးကျေးရွာအုပ်စု၊ နနင့်လန်ကျေးရွာတွင် မိုးကြိုးဘေးကြောင့် သေဆုံးသူ (၁)ဦးအတွက် (၂၈-၆-၂၀၁၉)ရက်နေ့တွင် ကျန်ရစ်သူမိသားစုဝင်များထံသို့ ထောက်ပံ့ငွေ (၃၀၀,၀၀၀)ကျပ်အား အထွေထွေအုပ်ချုပ်ရေးဦးစီးဌာနမြို့နယ်ရုံးခန်းမတွင် ထောက်ပံ့ပေးအပ်ခဲ့ကြောင်း သတင်းရရှိပါသည်။