Author Archives: Department of Disaster Management

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကရင်ပြည်နယ်ဦးစီးမှူးရုံးမှတာဝန်ရှိသူများသည် မြို့နယ်အဆင့် သဘာဝဘေးအန္တရယ်စီမံခန့်ခွဲမှု အခြေခံသင်တန်းအား သင်တန်းသား (၃ဝ)ဦးဖြင့် (၁-၄-၂၀၁၇)ရက်နေ့တွင် စတင်ဖွင့်လှစ်ခဲ့ရာ ထိုသင်တန်းသို့တက်ရောက်လာကြသော ဌာနဆိုင်ရာများ၊ အရပ်ဘက်လူမှုအဖွဲ့အစည်းများနှင့် ကျေးရွာအုပ်ချုပ်ရေးမှူးများအား တွင် Disaster Alert Notification (DAN) Mobile Application အသုံးပြုပုံနှင့် အသုံးဝင်ပုံများကိုလည်း ထည့်သွင်းရှင်းလင်းခဲ့ကြောင်းသတင်းရရှိပါသည်။

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ မော်လိုက်ခရိုင်ဦးစီးမှူးရုံးမှတာဝန်ရှိသူများသည် (၂၅-၃-၂၀၁၇)နေ့က ဖြစ်ပွားခဲ့သော လေပြင်းတိုက်ခတ်မှု ကြောင့် အမိုးလန်ပျက်စီးခဲ့သော  မော်လိုက်မြို့နယ်၊ ညောင်ဝန်းကျေးရွာ၊ လမ်းကူးကျေးရွာနှင့် ရွာသစ်ကျေးရွာရှိ အိမ်ထောင်စု(၅)စု အား ကယ်ဆယ်ရေးပစ္စည်း(၅)မျိုး၊ ၅ အိမ်ထောင်စာအား (၃၁-၃-၂၀၁၇)နေ့တွင် မော်လိုက်မြို့နယ်အထွေထွေအုပ်ချုပ်ရေးဦးစီးဌာနအစည်းဝေးခန်းမ၌ ထောက်ပံ့ခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မွန်ပြည်နယ်ဦးစီးမှုးရုံးရှိ တာဝန်ရှိသူများသည် Unicef နှင့် ပူးပေါင်း၍ သထုံခရိုင်၊ ဘီးလင်းမြို့နယ်ရှိ ကျန်းမာရေးဝန်ထမ်းများနှင့် ကျန်းမာရေးစေတနာ့ဝန်ထမ်း စုစုပေါင်း (၅ဝ) ဦးဖြင့် သဘာဝဘေးအန္တရာယ်ဆိုင်ရာအခြေခံသင်တန်းအား (၂၉-၃- ၂၀၁၇) ရက်နေ့မှ (၃၀-၃-၂၀၁၇) ရက်နေ့အထိ ဘီးလင်းမြို့နယ် ကျန်းမာရေးဦးစီးဌာန ရုံးခန်းမတွင် ဖွင့်လှစ်ခဲ့ရာ သထုံခရိုင်ဦးစီးမှုးမှ အဖွင့်အမှာစကားပြောကြားခဲ့ပြီး၊ သင်ခန်းစာများပို့ချပေးခြင်း၊ DAN mobile application နှင့် ပတ်သတ်၍ရှင်းလင်းခြင်းဖုန်းများအတွင်းထည့်သွင်းပေးခြင်းများဆောင်ရွက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မကွေးတိုင်းဒေသကြီးဦးစီးမှူးရုံးမှ တာဝန်ရှိသူများသည် (၃၁-၃-၂၀၁၇)ရက်နေ့၌ ပွင့်ဖြူမြို့နယ်၊ ကန်ပြည့်ကျေးရွာတွင် ခိုင်ခံ့မှုမရှိသည့် နေအိမ်များအား လေဘေးကြိုတင်ကာကွယ်ရေးအတွက် ပြုပြင်ခြင်းလုပ်ငန်းများကို ဒေသခံများ၊ CSO ၊ အရန်မီးသတ်တပ်ဖွဲ့များ၊ အထွေထွေအုပ်ချုပ်ရေးဦးစီဌာနမှ တာဝန်ရှိသူများနှင့် ပူးပေါင်းဆောင်ရွက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီဌာန၊ မြဝတီခရိုင်ဦးစီးမှူးရုံး၌ (၃၁- ၃- ၂၀၁၇) ရက်နေ့တွင် Disaster Alert Notification (DAN) Mobile Application မိတ်ဆက်ခြင်း ဆွေးနွေးပွဲအား ကျင်းပပြုလုပ်ခဲ့ရာ ဌာနဆိုင်ရာများနှင့် အရပ်ဘက်လူမှုရေးအဖွဲ့အစည်းများမှ (၃၀)ဦးခန့် တက်ရောက်ခဲ့ကြောင်း သတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ ကရင်ပြည်နယ်ဦးစီးမှူးရုံးမှတာဝန်ရှိသူများသည် ဘားအံမြို့နယ်၊ ဘင်ဂျီကျေးရွာတွင် (၃၀-၃-၂၀၁၇)ရက်နေ့တွင် မီးလောင်မှုဖြစ်ပွားခဲ့ရာ အိမ်(၁) လုံး ပျက်စီးဆုံးရှုံးခဲ့ပြီး အိမ်ထောင်စု(၁)စု၊  လူဦးရေ(၁) ဦးအတွက် ကယ်ဆယ်ရေးပစ္စည်း(၉)မျိုး (၁)အိမ်ထောင်စုစာ နှင့် အိမ်ဆောက်ပစ္စည်းဖိုးငွေကျပ်(၁၀၀,၀၀၀)အား သွားရောက်ထောက်ပံ့ခဲ့ကြောင်းသတင်းရရှိပါသည်။

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြိတ်ခရိုင်ဦးစီးမှူးရုံးရှိတာဝန်ရှိသူများသည် အထွေထွေအုပ်ချုပ်ရေးဦးစီးဌာန၊ ခရိုင်ကျန်းမာရေးဌာန၊ ခရိုင်လဝက၊ ခရိုင်လူမှုဝန်ထမ်းနှင့် သက်ဆိုင်ရာရပ်ကျေးအုပ်ချုပ်ရေးမှူးတို့နှင်ပူးပေါင်း၍ (၃၁-၃-၂၀၁၇)ရက်နေ့ (၁၅း၀၀)နာရီအချိန်တွင် မြန်မာရေလုပ်သား (ရေမျော)များအား လိုအပ်သည့်အချက်အလက်များမေးမြန်းဆောင်ရွက်ခြင်းများ ပြုလုပ်ပြီး မိသားစုများထံသို့ပြန်လည်အပ်နှံခဲ့ကြောင်းသတင်းရရှိပါသည်။

ကယ်ဆယ်ရေးနှင့်  ပြန်လည်နေရာချထားရေးဦးစီးဌာန၊ရခိုင်ပြည်နယ်ဦးစီးမှူးရုံးမှ တာဝန်ရှိသူ များသည် (၃၀-၃-၂၀၁၇) ရက်နေ့တွင် ရခိုင်ပြည်နယ်၊ ဂွမြို့နယ် အထွေထွေ အုပ်ချုပ်ရေးဦးစီးဌာနခန်းမတွင် ရခိုင်ပြည်နယ်၊ ဂွမြို့နယ်မှ ရေမျော (၁၂) ဦးအား  ခရီးစရိတ် (၁) ယောက်လျင် ကျပ် (၁၀,၀၀၀) နှုန်းဖြင့် (၁၂) ဦးအတွက် (၁၂၀,၀၀၀) ကျပ် ထောက်ပံ့ပေး အပ်ခဲ့ကြောင်းသိရှိရပါသည်။ ရခိုင်ပြည်နယ်ဦးစီးမှူးရုံး (ကဆရ)  

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ကရင်ပြည်နယ်ဦးစီးမှူးရုံးမှတာဝန်ရှိသူများသည် (၃၁-၃-၂၀၁၇) ရက်နေ့တွင် ဘားအံမြို့နယ်၊ ကော့ရင်းအထက်ကျေးရွာ ဘုန်းကြီးကျောင်း၌ သဘာဝဘေးအန္တရာယ်လျော့ပါးရေးဆိုင်ရာ အသိပညာပေးဟောပြောပွဲပြုလုပ်ခဲ့ပြီး လက်ကမ်းစာစောင်များ ဝေငှခဲ့ပါသည်။ အဆိုပါဟောပြောပွဲသို့ ကျေးရွာသူ/သား စုစုပေါင်း (၂၀၀) ဦးခန့် တက်ရောက်ခဲ့ကြောင်း သတင်းရရှိပါသည်။ Source: ကရင်ပြည်နယ်ဦးစီးမှူးရုံး (ကဆရ)