Author Archives: RRD

ရှမ်းပြည်နယ်ဦးစီးမှူးရုံးမှတာဝန်ရှိသူများသည် (၁၉.၈.၂၀၁၆) ရက်နေ့တွင်တောင်ကြီးမြို့နယ်၊အထက(ခွဲ)တောင်လေးလုံးတွင် သဘာဝဘေးအသိပညာပေးဟောပြောပွဲကျင်းပပြု လုပ်ခဲ့ရာ ဆရာ/မ နှင့် ကျောင်းသား/သူ (၃၀၀)ဦးတက်ရောက်ခဲ့ပါသည်။အဆိုပါဟော‌ပြောပွဲတွင် သဘာဝဘေးနှင့်ပတ်သက်သည့်လက်ကမ်းစာ စောင်များဖြန့်ဝေခြင်းနှင့် ပညာပေးဗွီဒီယိုပြသခြင်းများပြုလုပ်ခဲ့ကြောင်းပါသည်။

(၁၉-၈-၂၀၁၆) ရက်နေ့တွင် ရှမ်းပြည်နယ်ဦးစီးမှူးရုံး (ကဆရ) သို့ တောင်ကြီးမြို့နယ်၊ အေးသာယာအမှတ် (၃) ရပ်ကွက်နေ ဦးလှိုင်ဝင်း ရာအိမ်မှူးမှ ၄င်းရပ်ကွက်မှ စေတနာရှင်များစုပေါင်း၍ ရေဘေးသင့်ပြည်သူများအတွက် အလှူငွေ (၁၀၀,၀၀၀) ကျပ်အား လာရောက်လှူဒါန်းခဲ့ရာ ရှမ်းပြည်နယ်ဦးစီးမှူးရုံး (ကဆရ) တာဝန်ရှိသူတစ်ဦးမှ လက်ခံရယူခဲ့ကြောင်း သိရှိရပါသည်။ Source: ရှမ်းပြည်နယ်ဦးစီးမှူးရုံး

ရခိုင်ပြည်နယ်၊ ရသေ့တောင်မြို့နယ် ၊ ကုန်တန်းစျေးကျေးရွာတွင် စက်လှေနစ်မြုပ်သေဆုံးသွားသော ကျောင်းသူ(၄)ဦးအတွက် ထောက်ပံ့ငွေ (၄၀၀၀၀၀)ကျပ်ကို ရခိုင်ပြည်နယ်ဦးစီးမှူးရုံး(ကဆရ)မှ တာဝန်ရှိသူများ သည် (၁၉-၈-၂၀၁၆)ရက်နေ့တွင် ရခိုင်ပြည်နယ်ဝန်ကြီးချုပ်၊ ရခိုင်ပြည်နယ်ဝန်ကြီးများနှင့်အတူသွားရောက် ထောက်ပံ့ခဲ့ကြောင်း သတင်းရရှိပါသည်။

(၁၉-၈-၂၀၁၆) ရက်နေ့တွင် ရန်ကုန်တိုင်းဒေသကြီး ကယ်ဆယ်ရေးရုံးသို့ အမှတ် (၅၁/ခ)၊ ပြည်တော်အေးရိပ်သာ၊ ရန်ကင်းမြို့မှ ဦးစိုးသိန်း+ဒေါက်တာခင်အုန်းရီ မိသားစုမှ ရေဘေးသင့်ပြည်သူများအတွက် အလှူငွေ (၁၅၀,၀၀၀) ကျပ်၊ ဦးနေခြည်အောင်+ဒေါ်ဇင်မင်းသွယ် မိသားစုမှ အလှူငွေ (၁၀၀,၀၀၀) ကျပ်နှင့် သား (WILLIAM) မှ အလှူငွေ (၅၀,၀၀၀) ကျပ်၊ စုစုပေါင်း (၃၀၀,၀၀၀) ကျပ်အား လာရောက်လှူဒါန်းခဲ့ရာ ဦးစံကုန်း (ဦးစီးအရာရှိ) က လက်ခံရယူခဲ့ကြောင်း သိရှိရပါသည်။ Source: ရန်ကုန်တိုင်းဒေသကြီးဦးစီးမှူးရုံး

(၁၉-၈-၂၀၁၆) ရက်နေ့တွင် ရန်ကုန်တိုင်းဒေသကြီး ကယ်ဆယ်ရေးရုံးသို့ ရန်ကုန်တိုင်းဒေသကြီးမှ ဒေါ်တင်လတ်သန္တာဗိုလ်၊ ဒေါက်တာ ဇော်ဝင်း+ဒေါက်တာ ရတနာအောင်၊ ဦးအောင်မြင့်+ဒေါ်တင်ထွေးစန္ဒာဗိုလ်၊ ဦးဇော်ဝင်းအောင်+ဒေါက်တာ ရီရီမြင့်၊ ဒေါက်တာ မြင့်သိန်း+ဒေါက်တာ သီရိအောင်တို့အဖွဲ့မှ ရေဘေးသင့်ပြည်သူများအတွက် အလှူငွေကျပ် (၁၇၀,၀၀၀) အား လာရောက်လှူဒါန်းခဲ့ရာ ဦးစံကုန်း (ဦးစီးအရာရှိ) က လက်ခံရယူခဲ့ကြောင်း သိရှိရပါသည်။ Source: ရန်ကုန်တိုင်းဒေသကြီးဦးစီးမှူးရုံး

တနင်္သာရီတိုင်းဒေသကြီး၊ ထားဝယ်မြို့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးနှင့် World Vision Myanmar အဖွဲ့နှင့် ပူးပေါင်း၍ သဘာဝဘေးလျော့ပါးရေး စေတနာ့ဝန်ထမ်းလူငယ်(ဆင့်ပွား)သင်တန်းကို (၁၆-၈-၂၀၁၆)ရက်နေ့မှ (၁၈-၈-၂၀၁၆) ရက်နေ့ထိ ဖွင့်လှစ်ခဲ့ကြောင်းသတင်းရရှိပါသည်။

ကရင်ပြည်နယ်၊ ကြာအင်းဆိပ်ကြီးမြို့နယ်၌ ရေဘေးဒုက္ခခံစားနေရသော ရေဘေးသင့်အိမ်ထောင်စု (၆၀) စုမှ လူဦးရေ (၂၇၈) တို့အတွက် ဆန်ရိက္ခာ (၃) ရက်စာဖိုးငွေ (၅၁၂,၇၀၀) ကျပ်တိတိ၊ ငါးသေတ္တာ (၁၈၀) ဘူးနှင့် ရေသန့် (၈၄၃) ဘူးတို့အား (၁၈-၈-၂၀၁၆) ရက်နေ့တွင် ကရင်ပြည်နယ်ဦးစီးမှူးရုံး (ကဆရ) မှ တာဝန်ရှိသူများက သွားရောက်ထောက်ပံ့ခဲ့ကြောင်း သိရှိရပါသည်။ Source: ကရင်ပြည်နယ်ဦးစီးမှူးရုံး (ကဆရ)