Author Archives: RRD

(၂-၁၁-၂၀၁၆) ရက်နေ့၊ နံနက်ပိုင်းအချိန်တွင် ရခိုင်ပြည်နယ်ဦးစီးမှူးရုံး (ကဆရ) မှ တာဝန်ရှိသူများနှင့် သက်ဆိုင်ရာဌာနများမှ တာဝန်ရှိသူများသည် စစ်တွေမှ မောင်တောနေရပ်ပြန် အိမ်ထောင်စု (၁၁) စုမှ လူဦးရေ (၄၈) ဦးအား မူလနေရပ်သို့ ပြန်လည်ပို့ဆောင်ပေးနိုင်ရန်အတွက် စစ်တွေဆိပ်ကမ်းမှ ဘူးသီးတောင်မြို့သို့ ရွှေပြည်တန်အမြန်ရေယာဉ်ဖြင့် ပို့ဆောင်ပေးသည့်အပြင် ကယ်ဆယ်ရေးပစ္စည်း (၉) မျိုး အိမ်ထောင်စု (၁၁) စုစာ ထောက်ပံ့ပေးခဲ့ပါသည်။ အဆိုပါနေရပ်ပြန်ပြည်သူများသည် ဘူးသီးတောင်မြို့အမြန်ယာဉ်ဆိပ်ကမ်းသို့ (၁၁:၂၀) နာရီအချိန်တွင် ရောက်ရှိခဲ့ရာ မောင်တောခရိုင်ဦးစီးမှူးရုံး (ကဆရ) မှ တာဝန်ရှိသူများ၊ ဘူးသီးတောင်မြို့မှ … Read more

(၂၈-၁၀-၂၀၁၆) ရက်နေ့တွင် မကွေးတိုင်းဒေသကြီး၊ သရက်ခရိုင်၊ သရက်မြို့နယ်၊ငလှိုင်ခြုံကျေးရွာ၌ ချောင်းရေနောက်မျောပါသေဆုံးခဲ့မှုဖြစ်ပွားခဲ့ရာ အဆိုပါသေဆုံးသူ ဦးကျော်ဦး (၃၁) နှစ်အတွက် ထောက်ပံ့ငွေ (၁၀၀၀၀၀) တိတိအား သရက်ခရိုင်ဦးစီးမှူးရုံး (ကဆရ) မှ တာဝန်ရှိသူတစ်ဦးသည် သေဆုံးသူ၏ဖခင်ထံသို့ (၁-၁၁-၂၀၁၆) ရက်နေ့တွင် တိုင်းဒေသကြီးလွှတ်တော်ကိုယ်စားလှယ်နှင့်အတူ ထောက်ပံ့ပေးခဲ့ကြောင်း သိရှိရပါသည်။ Source: သရက်ခရိုင်ဦးစီးမှူးရုံး (ကဆရ)

ပြည်သူတို့၏ လူမှုဘဝလုံခြုံဖွံ့ဖြိုးရေးအတွက် ဝန်ကြီးဌာနအနေဖြင့် လူမှုကာကွယ်စောင့်ရှောက်ရေး လုပ်ငန်းများကို တိုးမြှင့်ဆောင်ရွက်လုပ်ဆောင်လျက်ရှိရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးသည် ၂၀၁၆ ခုနှစ်၊ နိုဝင်ဘာလ (၁) ရက်နေ့ နံနက်ပိုင်းတွင် ရန်ကုန်တိုင်းဒေသကြီး၊ လသာမြို့နယ်ရှိ အထွေထွေရောဂါကုဆေးရုံကြီးတွင် ဆေးကုသမှုခံယူလျက်ရှိသော မစန်းကေခိုင်နှင့် မသဇင်တို့ (၂) ဦးကို သွားရောက်ကြည့်ရှုအားပေးစကားပြောကြားခဲ့ပါသည်။ ပြည်ထောင်စုဝန်ကြီးနှင့်အဖွဲ့ကို ခွဲစိတ်အထူးကုဆရာဝန်ကြီး ပါမောက္ခဒေါက်တာခင်မောင်မြင့်က လူနာ (၂) ဦးနှင့်ပတ်သက်၍ ခွဲစိတ်ကုသပြီးအခြေအနေများကို ရှင်းလင်းတင်ပြခဲ့ပါသည်။ ဆက်လက်၍ ပြည်ထောင်စုဝန်ကြီးနှင့်အဖွဲ့သည် နတ်မောက်လမ်းရှိ အမျိုးသမီးသက်မွေးအတတ်ပညာသင်ကျောင်းသို့ ရောက်ရှိပြီး သင်တန်းသူများကို … Read more

  (၁-၁၁-၂၀၁၆)ရက်နေ့တွင် စစ်တွေမှ မောင်တောနေရပ်ပြန်ပြည်သူများသည် မလိခအမြန်ရေယာဉ်ဖြင့် ဘူးသီးတောင်ဆိပ်ကမ်းသို့ (၁၅:၁၀)နာရီအချိန်တွင် ရောက်ရှိလာကြရာ မောင်တောခရိုင်ဦးစီးမှူးရုံးမှ တာဝန်ရှိသူများ၊ မြို့နယ်အထွေထွေအုပ်ချုပ်ရေးမှူးနှင့် ဌာနဆိုင်ရာများမှ တာဝန်ရှိသူများနှင့် ဝန်ထမ်းများက ကြိုဆိုခဲ့ကြပြီး ၄င်းနေရပ်ပြန်ပြည်သူများအား မောင်တောသို့ (၁၅:၅၅)နာရီအချိန်တွင် မော်တော်ယာဉ် (၃)စီးဖြင့် ပို့ဆောင်ပေးခဲ့ကြောင်း သတင်းရရှိပါသည်။ Source :   မောင်တောခရိုင်ဦးစီးမှူးရုံး (ကဆရ)

(၁-၁၁-၂၀၁၆) ရက်နေ့တွင် ရခိုင်ပြည်နယ်ဦးစီးမှူးရုံးမှ တာဝန်ရှိသူများသည် မောင်တောမှ ခေတ္တနေရပ်စွန့်ခွာလာသော စစ်တွေမြို့၌ ယာယီထားရှိရာကယ်ဆယ်ရေးစခန်းရောက် အိမ်ထောင်စု(၄၁)စု၊ လူဦးရေ(၁၁၀)ဦးတို့အတွက် တစ်အိမ်ထောင်လျှင် ကယ်ဆယ်ရေးပစ္စည်း(၉)မျိုး (၁)စုံနှုန်းဖြင့် အိမ်ထောင်စု(၄၁)စုစာအတွက် စစ်တွေဆိပ်ကမ်းမှ မလိခအမြန်ရေယာဉ်ဖြင့် ပို့ဆောင်ကာ ထောက်ပံ့ပေးအပ်ခဲ့ကြောင်း သတင်းရရှိပါသည်။ Source :  ရခိုင်ပြည်နယ်ဦးစီးမှူးရုံး (ကဆရ)

မကွေးတိုင်းဒေသကြီး၊ မြို့သစ်မြို့နယ်၊ စစ်တလင်းကျေးရွာအုပ်စု၊ ကွင်းကျေးရွာနေ ဒေါ်ကြင်ထွေး (အသက် ၅၅ နှစ်) သည် (၃၀-၁၀-၂၀၁၆) ရက်နေ့တွင် ဝါးကြီးအိုင်ကျေးရွာရှိ ထွန်းဘော်ဒါရှိ သမီးဖြစ်သူထံ ဟင်းပို့သွားရာမှ အပြန်တွင် ယင်းချောင်းအား ဖြတ်ကူးစဉ် ရေနောက်မျောပါသေဆုံးခဲ့ပါသဖြင့် မကွေးတိုင်းဒေသကြီးဦးစီးမှူးရုံးမှ တာဝန်ရှိသူတစ်ဦးက အထွေထွေအုပ်ချုပ်ရေးဦးစီးဌာန၌ သေဆုံးခဲ့သူအတွက် သေဆုံးထောက်ပံ့ငွေကို ကျန်ရစ်သူမိသားစုအား (၁-၁၁-၂၀၁၆)ရက်နေ့တွင် ထောက်ပံ့ပေးအပ်ခဲ့ကြောင်း သတင်းရရှိပါသည်။ Source :  မကွေးတိုင်းဒေသကြီးဦးစီးမှူးရုံး (ကဆရ)

(၃၁-၁၀-၂၀၁၆)ရက်နေ့တွင် စစ်တွေမြို့မှ မောင်တောနေရပ်ပြန်ပြည်သူများသည် မလိခအမြန်ယာဉ်ဖြင့် (၁၂:၀၀)နာရီအချိန် ဘူးသီးတောင်ဆိပ်ကမ်းသို့ ရောက်ရှိလာကြရာမောင်တောခရိုင်ဦးစီးမှူးရုံးမှ တာဝန်ရှိသူများ၊ မြို့နယ်အထွေထွေအုပ်ချုပ်ရေးမှူးနှင့် ဌာနဆိုင်ရာများမှ ကြိုဆိုခဲ့ကြကာ နေ့လည် (၁၃:၁၀)နာရီအချိန်တွင် မောင်တောနေရပ်ပြန်ပြည်သူများသည် မော်တော်ယာဉ် (၄)စီးဖြင့် မောင်တောသို့ ဆက်လက်ထွက်ခွာခဲ့ကြောင်း သတင်းရရှိပါသည်။ Source :   မောင်တောခရိုင်ဦးစီးမှူးရုံး (ကဆရ)

(၂၇-၁၀-၂၀၁၆) ရက်နေ့တွင် ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ဖျာပုံခရိုင် ဦးစီးမှူးရုံးမှ တာဝန်ရှိသူ များသည် ဖျာပုံခရိုင်၊ ဒေးဒရဲမြို့နယ်၊ တူးမြောင်းမူလွန်ကျောင်းနှင့် ဆားအိုးချောင်း အလကခွဲ တို့တွင် သဘာဝဘေးအန္တရာယ် ဆိုင်ရာအသိပညာပေးဟောပြောပွဲများ ပြုလုပ်ခဲ့ရာ  ကျောင်းသား/သူများအားစုစုပေါင်း (၃၅ဝ) ဦးခန့် တက်ရောက်ခဲ့ကြောင်း သိရှိရပါသည်။ Source : ဖျာပုံခရိုင်ဦးစီးမှူးရုံး(ကဆရ)

(၃၀- ၁၀- ၂၀၁၆) ရက်နေ့တွင် ဧရာဝတီတိုင်းဒေသကြီး၊ လပွတ္တာခရိုင်၊ လပွတ္တာမြို့နယ်တွင် ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ လပွတ္တာခရိုင်ဦးစီးမှူးရုံး၊ မြို့နယ်ဆိုင်ရာအထွေထွေအုပ်ချုပ်ရေးဦးစီးဌာန၊ ပညာရေးဦးစီးဌာနနှင့် Action Aid Myanmar တို့ ပူးပေါင်း၍ အပြည်ပြည်ဆိုင်ရာသဘာဝဘေးလျော့ပါးရေးနေ့ အခမ်းအနားကို လပွတ္တာမြို့၊ အမှတ်(၂)အခြေခံပညာ အထက်တန်းကျောင်း၌ နံနက် (၀၈:၀၀)နာရီအချိန်တွင် ကျင်းပခဲ့ရာ ဌာနဆိုင်ရာများမှ တာဝန်ရှိသူများ၊ ဆရာ/မများနှင့် ကျောင်းသား/သူများ တက်ရောက်ခဲ့ကြကြောင်း သတင်းရရှိပါသည်။ Source :  လပွတ္တာခရိုင်ဦးစီးမှူးရုံး (ကဆရ)  

(၂၈-၁၀-၂၀၁၆) ရက်နေ့တွင် ဖျာပုံခရိုင်ဦးစီးမှူးရုံး (ကဆရ) မှ တာဝန်ရှိသူများသည် ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ ရွာသစ်ကျေးရွာမူလွန်ကျောင်းနှင့် အုန်းပင်ကျေးရွာမူလတန်းကျောင်းများ၌ ကျောင်းအခြေပြုသဘာဝဘေးအန္တရာယ်ဆိုင်ရာအသိပညာပေးဆွေးနွေးဟောပြောပွဲကျင်းပပြုလုပ်ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။ Source: ဖျာပုံခရိုင်ဦးစီးမှူးရုံ (ကဆရ)