ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မကွေးတိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးရုံးမှ တာဝန်ရှိသူများသည် (၁၂-၁၂-၂၀၁၆) ရက်နေ့တွင် ပခုက္ကူခရိုင်၊ မြိုင်မြို့နယ်မှ သဘာဝဘေးအန္တရာယ်ကျရောက်နေသော ငါးလင်းစေ့ကျေးရွာနှင့် ပေါက်ရင်းကျေးရွာများသို့ သွားရောက်၍ ရွာအတွင်း ရေစိမ့်ထွက်နေမှုအခြေအနေ၊ ရေတိုက်စားပြီး ကမ်းပါးပြိုမှုအခြေအနေနှင့် ဘေးလွတ်ကင်းရာသို့ ရွှေ့ပြောင်းရေးဆိုင်ရာများကို ကွင်းဆင်းစစ်ဆေးဆောင်ရွက်ခဲ့ကြောင်း သတင်းရရှိပါသည်။