လူမှုကာကွယ်စောင့်ရှောက်ရေးလုပ်ငန်းကော်မတီဥက္ကဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမြတ်မြတ်အုန်းခင်သည် မတ်လ (၂၂) ရက်နေ့၊ နံနက်ပိုင်းတွင် နေပြည်တော်၊ ဥတ္တရသီရိမြို့နယ်၊ သရက်တောကျေးရွာအုပ်စု၊ ပိုးစားတောကျေးရွာသို့သွားရောက်ပြီး ဝိဟာရဆရာတော်ထံ လှူဖွယ်ပစ္စည်းများ လှူဒါန်းဆက်ကပ်ပါသည်။ ဆက်လက်၍ ကျေးရွာသူ/ကျေးရွာသားများနှင့်တွေ့ဆုံပြီး ဝန်ကြီးဌာနမှ ဆောင်ရွက်နေသည့် လူမှုကာကွယ်စောင့်ရှောက်ရေးလုပ်ငန်းများ၊ သဘာဝဘေးစီမံခန့်ခွဲမှုလုပ်ငန်းများ၊ လူမှုစီးပွားဘဝ မြင့်မားရေးလုပ်ငန်းများ၊ ကျေးလက်ဒေသဖွံ့ဖြိုးရေးလုပ်ငန်းများနှင့် ဆင်းရဲမှုလျော့ချရေးလုပ်ငန်းများအကြောင်း ရှင်းလင်းပြောကြားပါသည်။ အစီအစဉ်အရ ပြည်ထောင်စုဝန်ကြီးနှင့် ညွှန်ကြားရေးမှူးချုပ်များဖြစ်သော ဦးစိုးအောင်နှင့် ဦးစိုးကြည်တို့မှ သက်ကြီးဝါကြီး အိမ်ထောင်စုများအတွက် ဆိုလာမီးအိမ် အလုံး (၅၀) အား မဲဖေါက်ထောက်ပံ့ပေးပါသည်။ ထို့နောက် ပိုးစားတော အလယ်တန်းကျောင်းခွဲ၌ ကျောင်းဆရာ/ ဆရာမများ နေထိုင်ရန် နှစ်ထပ်အဆောက်အဦအတွက် သိန်း (၃၀) ကျပ် မတည်ထောက်ပံ့ပေးပါသည်။ ဝန်ကြီးဌာနအနေဖြင့် ကျန်ရှိသော သက်ကြီးဝါကြီး အိမ်ထောင်စုများအတွက် ဆိုလာမီးအိမ်များ ထပ်မံထောက်ပံ့သွားမညဖြစ်ကြောင်း သိရှိရပါသည်။