လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ လားရှိုးခရိုင်ဦးစီးမှူးရုံး သို့ ရပ်ကွက်(၁၂)၊ နယ်မြေ(၂၀)၊ ကချင်ကုန်းဒေသမှ ရာအိမ်မှူး၊ ဆယ်အိမ်မှူးများနှင့် ရပ်မိရပ်ဖများသည်၎င်းတို့၏ ရပ်ကွက်နယ်မြေအတွင်း ရေဖြန့်ဝေမှု မရရှိသဖြင့် သောက်သုံးရေ အခက်အခဲဖြစ်ပေါ်နေပါသောကြောင့် ရပ်ကွက်အတွင်းရှိ ဆုံကွယ်ကျေးရွာ၊ အများပိုင်နတ်နန်း၊ ရပ်ကွက်ဓမ္မာရုံမြေနေရာတွင် (၄”)စက်ရေတွင်း၊ပေ(၄၀၀)ခန့်၊ (၁၅၀၀)ဆံ့အုတ်ရေကန်နှင့် ရေတင်စက်ရုံတည်ဆောက်နိုင်ရေးအတွက် ထောက်ပံ့ပေးနိုင်ရေးတင်ပြလာမှုအပေါ် လားရှိုးခရိုင် ဦးစီးမှူးရုံးမှ တာဝန်ရှိသူများသည် (၂၈-၃-၂၀၂၃) ရက်နေ့တွင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများနှင့်ပူးပေါင်း၍ သက်ဆိုင်ရာရာအိမ်မှူး၊ ဆယ်အိမ်မှူးများနှင့် ရပ်မိရပ်ဖများထံသို့ (၄”)စက်ရေတွင်းပေ (၄၀၀)၊ ဂါလန်(၁၅၀၀)ဆံ့အုတ်ရေကန်နှင့် ရေတင်စက်ရုံတည်ဆောက်နိုင်ရေးအတွက် ငွေကျပ်(၉၅၀၀၀၀၀/-)(ကိုးဆယ့်ငါးသိန်းတိတိ) အား လွှဲပြောင်းထောက်ပံ့ခဲ့ပါကြောင်း သတင်းရရှိပါသည်။
#ha_otr
#shan_mar_2023
Source: လားရှိုးခရိုင်ဦးစီးမှူးရုံး (ဘစမ)