လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာန၊ သထုံခရိုင်ဦးစီးမှူးရုံးမှ တာဝန်ရှိသူများသည် (၁၀-၁၁-၂၀၂၂)ရက်နေ့ (၀၃း၄၅)နာရီအချိန်ခန့်တွင် သထုံခရိုင်၊ ပေါင်မြို့နယ်၊ ဇင်းကျိုက်မြို့ တွင် အိပ်ယာဘေးတွင် ဖယောင်းတိုင်မီးထွန်းပြီး အိပ်ခဲ့ရာမှတစ်ဆင့် မီးလောင်မှုကြောင့် လုံးဝပျက်စီးခဲ့သည့် လူနေအိမ် (၈)လုံး အတွက် အိမ်ဆောက် ပစ္စည်းဖိုးငွေ (၁၆၀၀၀၀၀/-)ကျပ်နှင့် လူဦးရေ (၃၀)ဦးအတွက် (၇)ရက်စာ ဆန်ရိက္ခာဖိုးငွေ (၆၃၀၀၀/-) ကျပ်၊ စုစုပေါင်း (၁၆၆၃၀၀၀/-)ကျပ်အားလည်းကောင်း၊ မီးလောင်မှုကြောင့် သေဆုံးခဲ့သူ(၄)ဦးအတွက် သေဆုံးထောက်ပံ့ငွေ (၁၂၀၀၀၀၀/-)ကျပ်၊ စုစုပေါင်းထောက်ပံ့ငွေ (၂၈၆၃၀၀၀/-) ကျပ်အား လည်းကောင်း ကယ်ဆယ်ရေးပစ္စည်း (၁၇)မျိုးအိမ်ထောင်စု (၈)စုစာအတွက်တန်ဖိုးငွေ (၃၉၂၂၈၈/-)ကျပ် အားလည်းကောင်း၊ (၁၁-၁၁-၂၀၂၂)ရက်နေ့ (၁၀:၀၀) နာရီအချိန်ခန့်တွင် ပေါင်မြို့နယ်၊ ဇင်းကျိုက် ဘုန်းကြီးကျောင်း၌ မွန်ပြည်နယ်ဝန်ကြီးချုပ်၊ မွန်ပြည်နယ်ဦးစီးမှူးတို့နှင့်အတူ ဘေးသင့်ပြည်သူများထံ သွားရောက်ထောက်ပံ့ပေးခဲ့ပါကြောင်း သတင်းရရှိပါသည်။
#ha_fir
#mon_nov_2022
Source: သထုံခရိုင်ဦးစီးမှူးရုံး (ဘစမ)