လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာန၊ ကျိုင်းတုံခရိုင်ဦးစီးမှူးရုံးမှ တာဝန်ရှိသူများသည် ကျိုင်းတုံခရိုင်၊ ကျိုင်းတုံမြို့နယ်၊ ကတ်ထိုက် ကျေးရွာအုပ်စု၊ တင်ထပ်ကျေးရွာ၌ (၁-၈-၂၀၂၂)ရက်နေ့တွင် ဖြစ်ပွားခဲ့သည့် မြေငလျင်ဘေးကြောင့် ဘေးသင့်အိမ်ခြေ (၁)လုံး (တစ်စိတ်တစ်ပိုင်းပျက်စီး)အတွက် အိမ်ဆောက်ပစ္စည်းဖိုးထောက်ပံ့ငွေ- (၅၀,၀၀၀/-)၊ လူဦးရေ(၈)ဦးအတွက် ဆန်ရိက္ခာဖိုးငွေ (၇)ရက်စာ- (၁၆,၈၀၀/-)၊ စုစုပေါင်းထောက်ပံ့ငွေ (၆၆,၈၀၀/-) ကျပ်နှင့် ကျိုင်းတုံမြို့နယ်၊ အမှတ်(၄)ရပ်ကွက်၌ (၄-၈-၂၀၂၂) ရက်နေ့တွင် ဖြစ်ပွားခဲ့သည့် မီးဘေးကြောင့် ဘေးသင့်အိမ်ခြေ(၁)လုံး (လုံးဝပျက်စီး)အတွက် အိမ်ဆောက်ပစ္စည်းဖိုးထောက်ပံ့ငွေ- (၂၀၀,၀၀၀/-)၊ လူဦးရေ(၂)ဦးအတွက် ဆန်ရိက္ခာဖိုးထောက်ပံ့ငွေ (၇)ရက်စာ(၄,၂၀၀/-)၊ သေဆုံးသူ(၁) ဦးအတွက် သေဆုံးထောက်ပံ့ငွေ (၃၀၀,၀၀၀/-) စုစုပေါင်းထောက်ပံ့ငွေ (၅၀၄,၂၀၀/-) ကျပ်တို့အား (၄-၈-၂၀၂၂) ရက်နေ့၊ (၁၂:၃၀)နာရီအချိန်ခန့်တွင် မြို့နယ်စီမံအုပ်ချုပ်ရေးအဖွဲ့၊ အဖွဲ့ဝင်(၂)နှင့်အတူ ဘေးသင့် ပြည်သူများ လက်ဝယ်အရောက် သွားရောက် ထောက်ပံ့ပေးအပ်ခဲ့ကြောင်း သတင်းရရှိပါသည်။
#ha_eqk
#ha_fir
#shn_aug2022
Source: ကျိုင်းတုံခရိုင်ဦးစီးမှူးရုံး(ဘစမ)