ရေဘေးသဏ္ဍာန်တူဇာတ်တိုက်လေ့ကျင့်ခန်းဆောင်ရွက်မှုသတင်း

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာန၊ မြိတ်ခရိုင်ဦးစီးမှူးရုံးနှင့် တနင်္သာရီမြို့နယ်ဦးစီးမှူးရုံးမှ တာဝန်ရှိသူများသည် (၂၆-၇-၂၀၂၂) ရက်နေ့၊ နံနက်(၉း၀၀)နာရီအချိန်တွင် မြိတ်ခရိုင်၊ တနင်္သာရီမြို့၌ တနင်္သာရီမြို့နယ်၊ သဘာဝဘေးစီမံ ခန့်ခွဲမှုအဖွဲ့၊ မြို့နယ်ဌာနဆိုင်ရာများ၊ ပရဟိတအဖွဲ့အစည်းများ၊ အထက-တနင်္သာရီမှ ကျောင်းသား/ ကျောင်းသူများ၊ ဒေသခံပြည်သူများဖြင့်ပူးပေါင်း၍ မြို့နယ်အတွင်း ရေကြီး၊ ရေလျှံမှုများကြုံတွေ့ရပါက ထိခိုက်ဆုံးရှုံးမှုအနည်းဆုံးဖြစ်စေရန်၊ ဇာတ်တိုက်လေ့ကျင့်ခြင်းသည် အမှန်တကယ် ဘေးအန္တရာယ် ကြုံတွေ့ရချိန်တွင် လိုက်နာဆောင်ရွက်ရမည့်အချက်များကို ဆောင်ရွက်နိုင်ရန် လေ့ကျင့်ပေးခြင်း၊ ရင်ဆိုင် ရနိုင်သည့် ဘေးအန္တရာယ်များအလိုက် တုံ့ပြန်ဆောင်ရွက်ရမှုများကို သိရှိစေရန်အတွက် ရေဘေး သဏ္ဍာန်တူဇာတ်တိုက်လေ့ကျင့်ခြင်းကိုပြုလုပ်ခဲ့ပါသည်။ ထို့သို့ဇာတ်တိုက်လေ့ကျင့်ရာတွင် ရေပြင် အသက်ကယ်ရှာဖွေခြင်း၊ ယာယီရေဘေးကယ်ဆယ်ရေးစခန်းများသို့ စနစ်တကျ ရွှေ့ပြောင်းကူညီ ဆောင်ရွက်ပေးခြင်း၊ လိုအပ်သည့်ကျန်းမာရေးစောင့်ရှောက်မှုများပေးခြင်း၊ ရှေ့ဦးပြုစုခြင်းဖြင့် လေ့ကျင့် ဆောင်ရွက်ခဲ့ကြပြီး ဇာတ်တိုက်လေ့ကျင့်ခြင်းအပေါ် ကဏ္ဍအလိုက်သုံးသပ် ဆွေးနွေးမှုများပြုလုပ်ခဲ့ကြပါ ကြောင်း သတင်းရရှိပါသည်။

#fld_Simex

#tny_jul2022

Source: မြိတ်ခရိုင်ဦးစီးမှူးရုံး၊ တနင်္သာရီမြို့နယ်ဦးစီးမှူးရုံး(ဘစမ)

Sign Up

  • Upcoming Events