(၃၈) ကြိမ်မြောက် အာဆီယံ သဘာဝဘေးအန္တရာယ် စီမံခန့်ခွဲမှုကော်မတီအစည်းအဝေးနှင့် ဆက်စပ် အစည်းအဝေးများ၏ ဒုတိယနေ့အစည်းအဝေးသို့ တက်ရောက်


နေပြည်တော်၊ ဇွန် ၉

(၃၈) ကြိမ်မြောက် အာဆီယံ သဘာဝဘေးအန္တရာယ် စီမံခန့်ခွဲမှုကော်မတီအစည်းအဝေးနှင့် ဆက်စပ် အစည်းအဝေးများ၏ ဒုတိယနေ့အစည်းအဝေးကို (၉-၆-၂၀၂၁) ရက်နေ့၊ မြန်မာစံတော်ချိန် (၀၈:၃၀) နာရီအချိန်တွင် Video Conferencing ဖြင့် ကျင်းပပြုလုပ်ရာ အာဆီယံအဖွဲ့ဝင်နိုင်ငံများမှ ဘေးအန္တရာယ်ဆိုင်ရာ စီမံခန့်ခွဲမှုနှင့် သက်ဆိုင်သည့်ဌာနများမှ ကိုယ်စားလှယ်များ၊ အာဆီယံအတွင်းရေးမှူးချုပ်ရုံးနှင့် AHA Centre မှ တာဝန်ရှိသူများနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာန၊ အမြဲတမ်းအတွင်းဝန်/ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ညွှန်ကြားရေးမှူးချုပ်၊ ဒေါက်တာကိုကိုနိုင်နှင့် တာဝန်ရှိသူများ တက်ရောက်ခဲ့ကြပါသည်။
အစည်းအဝေးတွင် အာဆီယံဒေသတွင်း သဘာဝဘေးအန္တရာယ်ဆိုင်ရာ စီမံခန့်ခွဲမှုနှင့် ပတ်သက်၍ AADMER Work Programme (2021-2025)နှင့်အညီ အကောင်အထည်ဖော်ဆောင်ရွက်မည့် လုပ်ငန်းအစီအစဉ်များ၊ အာဆီယံသဘာဝဘေးစီမံခန့်ခွဲရေးနှင့် အရေးပေါ်တုံ့ပြန်ရေးဆိုင်ရာရန်ပုံငွေ စီမံခန့်ခွဲရေးကိစ္စများ၊ အာဆီယံသဘာဝဘေး အန္တရာယ်စီမံခန့်ခွဲမှုကော်မတီ (ACDM)နှင့် တရုတ်နိုင်ငံ၊ ဂျပန်နိုင်ငံ တို့အကြား သဘာဝဘေးအန္တရာယ်စီမံခန့်ခွဲရေးလုပ်ငန်းများနှင့်စပ်လျဉ်း၍ သီးခြားစီနားလည်မှု စာချွန် လွှာရေးထိုးပူးပေါင်းဆောင်ရွက်မည့်အခြေအနေများ၊ အာဆီယံ-ကိုရီးယား၊ အာဆီယံ-ရုရှား၊ အာဆီယံ-ကုလသမဂ္ဂအဖွဲ့အစည်းများအကြား သဘာဝဘေးအန္တရာယ်စီမံခန့်ခွဲရေးလုပ်ငန်းများတွင် ပူးပေါင်း ဆောင်ရွက်နိုင်ရေးအစီအစဉ်များကို ဆွေးနွေးခဲ့ကြပါသည်။

Source: CR

#otr

Sign Up

  • Upcoming Events