နေပြည်တော်၊ ဇွန် ၈

အာဆီယံ သဘာဝဘေးအန္တရာယ်စီမံခန့်ခွဲမှုကော်မတီ (ASEAN Committee on Disaster Management-ACDM) ၏ အဆင့်မြင့်အရာရှိကြီးများအစည်းအဝေးကို အာဆီယံအဖွဲ့ဝင်နိုင်ငံများက တစ်နှစ်လျှင် (၂) ကြိမ် ပုံမှန်အလှည့်ကျ ကျင်းပပြုလုပ်လျက်ရှိရာ ၂၀၂၁ ခုနှစ်၊ ဇွန်လ (၈) ရက်နေ့မှ (၁၀) ရက်နေ့အထိ (၃၈) ကြိမ်မြောက် အာဆီယံ သဘာဝဘေးအန္တရာယ်စီမံခန့်ခွဲမှုကော်မတီအစည်း အဝေးနှင့် ဆက်စပ်အစည်းအဝေးများကို ၂၀၂၁ ခုနှစ်အတွက် အလှည့်ကျဥက္ကဋ္ဌဖြစ်သော စင်္ကာပူနိုင်ငံ က Online ဖြင့်ဆောင်ရွက်ခဲ့ပါသည်။

အဆိုပါ ဆက်စပ်အစည်းအဝေးများ၏ ပထမနေ့တွင်  သဘာဝဘေးစီမံခန့်ခွဲရေးနှင့် အရေးပေါ်တုံ့ပြန် ရေးဆိုင်ရာ အာဆီယံသဘောတူစာချုပ်၏လုပ်ငန်းအစီအစဉ် (AADMER Work Programme– AWP) (၂၀၂၁-၂၀၂၅)နှင့် (၆)ကြိမ်မြောက် AADMER Partnership ကွန်ဖရင့်နှင့် (၁၄) ကြိမ်မြောက် သဘာဝ ဘေးစီမံခန့်ခွဲမှုအတွက် လူသားချင်းစာနာကူညီမှုဆိုင်ရာ အာဆီယံညှိနှိုင်းရေးမှူးရုံး (ASEAN Coordinating Centre for Humanitarian Assistance on Disaster Management- AHA Centre) အုပ်ချုပ်မှုအဖွဲ့ အစည်းအဝေးကို (၈-၆-၂၀၂၁)ရက်နေ့၊ (၀၈:၃၀) အချိန်တွင် Video Conferencing ဖြင့် ကျင်းပပြုလုပ်ရာ အာဆီယံအဖွဲ့ဝင်နိုင်ငံများမှ ကိုယ်စားလှယ်များ၊ အာဆီယံအတွင်းရေးမှူးချုပ်ရုံး၊ AHA Centre၊ မိတ်ဖက်အဖွဲ့အစည်းများမှ ကိုယ်စားလှယ်များနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ အမြဲတမ်းအတွင်းဝန်/ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ညွှန်ကြားရေးမှူးချုပ်၊ ဒေါက်တာကိုကိုနိုင်နှင့် တာဝန်ရှိသူများ တက်ရောက်ခဲ့ကြပါသည်။

အစည်းအဝေး၏ နံနက်ပိုင်းတွင် AHA Centre နှင့် Temasek Foundation Ltd. တို့အကြား သဘောတူ ညီမှုစာလွှာလက်မှတ်ရေးထိုးခြင်း၊ သဘာဝဘေးစီမံခန့်ခွဲရေးနှင့် အရေးပေါ်တုံ့ပြန်ရေးဆိုင်ရာ အာဆီယံ သဘောတူစာချုပ်၏လုပ်ငန်းအစီအစဉ် (AADMER Work Programme– AWP) (၂၀၂၁-၂၀၂၅) အကောင်အထည်ဖော်ရေးအတွက် ဖွံ့ဖြိုးမှုမိတ်ဖက်အဖွဲ့အစည်းများ၊ ကဏ္ဍအလိုက် မိတ်ဖက်အဖွဲ့ အစည်းနှင့် ပူးပေါင်းဆောင်ရွက်မည့်နည်းလမ်းများ ဆွေးနွေးခြင်းတို့ ဆောင်ရွက်ခဲ့ပါသည်။

မွန်းလွဲပိုင်းတွင် (၁၄) ကြိမ်မြောက် သဘာဝဘေးစီမံခန့်ခွဲမှုအတွက် လူသားချင်းစာနာကူညီမှုဆိုင်ရာ အာဆီယံညှိနှိုင်းရေးမှူးရုံး (ASEAN Coordinating Centre for Humanitarian Assistance on Disaster Management-AHA Centre) ၏ အုပ်ချုပ်မှုအဖွဲ့ အစည်းအဝေး ကျင်းပပြုလုပ်ခဲ့ရာ AHA Centre ၏ လုပ်ငန်းဆောင်ရွက်မှုများ၊ AHA Cenrtre ၏ (၁၀) နှစ်ပြည့် အခမ်းအနားကျင်းပပြုလုပ်နိုင် ရေးနှင့် ရှေ့လုပ်ငန်းစဉ်များဆွေးနွေးခဲ့ကြပါသည်။

Source: CR

#otr

#npw_jun2021