လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးနှင့် သာပေါင်းမြို့နယ်ဦးစီးမှူးရုံးမှတာဝန်ရှိသူများသည် ပုသိမ်ခရိုင်၊ သာပေါင်းမြို့နယ်၊ ကညင်ကုန်းကျေးရွာ၊ ဘုရားနီကျေးရွာနှင့် စစ်ပင်ကြီးကျေးရွာတို့ရှိ School Cum Shelter (၃)လုံးသည် မိုးရာသီကာလအတွင်း၌ သောက်သုံးရေအခက်အခဲနှင့် ကြုံတွေ့နေရခြင်းကြောင့် အဆိုပါ Shelter(၃)လုံး၌ ၂”ရေတွင်း(၁)တွင်းစီ တူးဖော်ပေးနိုင်ပါရန် သက်ဆိုင်ရာ ကျေးရွာအသီးသီး၏ အုပ်ချုပ်ရေးမှူးများမှ ကုန်ကျစရိတ်တွက်ချက်မှုနှင့်အတူ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာန(ရုံးချုပ်)သို့ တင်ပြခဲ့မှုအပေါ် ခွင့်ပြုခဲ့ပါသဖြင့် (၈-၈-၂၀၂၀)ရက်နေ့တွင် သက်ဆိုင်ရာ ကျေးရွာအသီးသီးသို့ သွားရောက်ပြီး ရေတွင်း(၁)တွင်းလျှင် ထောက်ပံ့ငွေ(၆၉၃,၉၀၀/-)ကျပ် နှုန်းဖြင့် ရေတွင်း(၃)တွင်းအတွက် စုစုပေါင်းထောက်ပံ့ငွေ(၂,၀၈၁,၇၀၀/-)ကျပ်အား ပေးအပ် ထောက်ပံ့ပေးခဲ့ပြီး ကျေးရွာများရှိ School Cum Shelter များ၏ အခြေအနေများအား ကြည့်ရှုစစ်ဆေးခဲ့ပါကြောင်း သတင်းရရှိပါသည်။
#ha_drg
#ayy_aug2020
Source: ဧရာဝတီတိုင်းဒေသကြီးဦးစီးမှူးရုံး (ဘစမ)