ဧရာဝတီတိုင်းဒေသကြီး၊ ဟင်္သာတခရိုင်၊ အင်္ဂပူမြို့နယ်၊ သက္ကယ်တန်းကျေးရွာအုပ်စု၊ ဘုရားကျွန်းကျေးရွာနှင့် လက်ျားကုန်း ကျေးရွာများတွင် (၂၃.၇.၂၀၁၆) ရက်နေ့၌ ကမ်းပါးပြိုမှုဖြစ်ပွားခဲ့ရာ အိမ်ခြေ (၄၁) လုံးမှ အိမ်ထောင်စု (၄၆) စု လူဦးရေ (၁၇၃) ဦးတို့အား ရွှေ့ပြောင်းပေးခဲ့ပါသည်။ အဆိုပါ ကမ်းပြိုဘေးသင့် အိမ်ထောင်စု (၄၆) စုအတွက် ကယ်ဆယ်ရေးပစ္စည်း (၄) မျိုး အိမ်ခြေ (၁) လုံးအတွက် (၂၀၀၀၀/- ) နှုန်းဖြင့် အိမ်ခြေ (၄၁) လုံးအတွက် စုစုပေါင်း (၈၂၀၀၀၀/-) ကျပ်နှင့် လူဦးရေ (၁၇၃) ဦးအတွက် ဆန်ရိက္ခာ (၃) ရက်စာ (၁၅၅၇၀၀/-) ကျပ်၊ စုစုပေါင်း ကယ်ဆယ်ရေး ရန်ပုံငွေ (၉၇၅၇၀၀/-) ကျပ်အား (၂၅.၇.၂၀၁၆) နေ့တွင် ဘေးသင့်ပြည်သူများထံသို့ သွားရောက်၍ ထောက်ပံ့ခဲ့ကြောင်း သိရှိရပါသည်။