လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မိုးညှင်းခရိုင်ဦးစီးမှူးရုံးမှတာဝန်ရှိသူများသည် (၂-၄-၂၀၂၀)ရက်နေ့ (၁၀၃၀)အချိန်၌ မိုးကောင်းမြို့နယ်၊ ကျွန်းတောရပ်ကွက်၊ နှစ်ခြင်းဘုရားကျောင်း IDPs စခန်းရှိ ပြည်သူများအား COVID-19 ကူးစက်ရောဂါနှင့်ပတ်သက်၍ ဆောင်ရန်/ရှောင်ရန်အချက်များ၊ လိုက်နာရမည့်အချက်များ အသိပညာပေးဟောပြောခြင်းနှင့် လက်ကမ်းစာစောင်များဝေငှခြင်းတို့ဆောင်ရွက်ခဲ့ပြီး စခန်းရှိအိမ်ထောင်စု(၁၃)စုအတွက် (၁)စုလျှင် ဆပ်ပြာ(၁)တောင့်နှုန်းဖြင့် (၁၃)တောင့် ထောက်ပံ့ခဲ့ပါကြောင်း သတင်းရရှိပါသည်။