လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီး ဌာန၊ ဗန်းမော်ခရိုင်ဦးစီးမှူးရုံးမှတာဝန်ရှိသူများသည် ဗန်းမော်ခရိုင်၊ မိုးမောက်မြို့နယ်၊ မြို့သစ်ကျေးရွာနှင့် တာလီကျေးရွာ(ရွှေမျိုးနေအိမ်တိုက်ပွဲရှောင်)စခန်းများမှ မြို့သစ်ကျေးရွာနှင့် တာလီကျေးရွာများသို့ တိုက်ပွဲရှောင်ပြောင်းရွှေ့အိမ်ထောင်စု (၁၄)စု၊ လူဦးရေ(၅၈)ဦးတို့အတွက် ကယ်ဆယ်ရေးပစ္စည်း(၁၈)မျိုး (၁၄)အိမ်ထောင်စုစာ၊ ဆန်ရိက္ခာ တစ်လစာ ဆန်အိတ်(၁၈)အိတ်၊ (၃) ပြည်၊ ဆီ (၂၈)ပိဿာ၊ ပဲ(၂၈)ပိဿာ၊ ဆား(၁၄)ပိဿာနှင့် ပြောင်းရွှေ့ထောက်ပံ့ငွေ (၁)အိမ်(၁၀၀,၀၀၀/-) ကျပ်နှုန်းဖြင့် (၁,၄၀၀,၀၀၀/-) ကျပ်တို့ကို (၂၉-၁၂-၂၀၁၉) ရက်နေ့၊ (၁၀:၀၀)နာရီအချိန်တွင် သွားရောက်ထောက်ပံ့ခဲ့ပါကြောင်း သတင်းရရှိပါသည်။
#ha_otr
#kcn_dec2019
Source: ဗန်းမော်ခရိုင်ဦးစီးမှူးရုံး(ဘစမ)