သဘာဝဘေးအန္တရာယ်ဆိုင်ရာ စီမံခန့်ခွဲမှုအြခေခံသင်တန်း (၂/၂၀၁၆)ဖွင့်ပွဲအခမ်းအနားအား (၂၃-၅-.၂၀၁၆)ရက်နေ့ နံနက်(၉းဝ၀)နာရီအချိန်တွင် ဟင်္သာတမြို့၊ သဘာဝဘေးအန္တရာယ်စီမံခန့်ခွဲမှုသင်တန်းကျောင်းခန်းမဆောင်၌ ကျင်းပခဲ့ရာ ဧရာဝတီတိုင်းဒေသကြီး ဝန်ကြီးချုပ်ဦးမန်းဂျော်နီတက်ရောက် အဖွင့်မိန့်ခွန်းပြောကြားခဲ့ပြီး လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ကယ်ဆယ်ရေးနှင့် ပြန်လည်နေရာချထားရေးဦးစီးဌာနခေတ္တညွှန်ကြားရေးမှူးချုပ်မှ အဖွင့်အမှာစကားပြောကြားခဲ့ပါသည်။ အဆိုပါအခမ်းအနားသို့ ဧရာဝတီတိုင်းဒေသကြီး လွှတ်တော်ဥက္ကဌ၊ ဧရာဝတီတိုင်းဒေသကြီး လူမှုရေးဝန်ကြီး၊ တိုင်း/ခရိုင်အဆင့်ဌာနဆိုင်ရာတာဝန်ရှိသူများ၊ မြို့နယ်အဆင့်ဌာနဆိုင်ရာ တာဝန်ရှိသူများ၊ ကုလသမဂ္ဂအဖွဲ့အစည်းများမှ ကိုယ်စားလှယ်များ၊ ရပ်ကွက်/ကျေးရွာအုပ်ချုပ်ရေးမှူးများ၊ အခြားဖိတ်ကြားထားသောဧည့်သည်တော်များနှင့် သင်တန်းသား/သူ(၅၆)ဦး အပါအဝင် စုစုပေါင်းအင်အား(၂၂၀)ဦးတက်ရောက်ခဲ့ပါသည်။ အဆိုပါသဘာဝဘေးအန္တရာယ်ဆိုင်ရာ စီမံခန့်ခွဲမှုအခြေခံသင်တန်း (၂/၂၀၁၆) အား(၂၃-၅-၂၀၁၆)မှ (၂-၆-၂၀၁၆)ရက်နေ့ထိသင်တန်းကာလ(၁၁)ရက်ဖြင့် ဖွင့်လှစ်သွားမည်ဖြစ်ကြောင်းသတင်းရရှိပါသည်။