(၁၉-၁၁-၂၀၁၉)ရက်နေ့ (၁၀:၀၀)နာရီအချိန်ခန့်တွင် ကျောက်ဖြူခရိုင်၊ အမ်းမြို့နယ်၊ ဂဏန်းပြင်ကျေးရွာအုပ်စု အတွင်းရှိ ကျေးရွာများအနီးပတ်ဝန်းကျင်တောင်ကုန်းများ၌ တပ်မတော်မှ နယ်မြေစိုးမိုးရေးရှင်းလင်းဆောင်ရွက် စဉ် စိုးရိမ်ကြောက်ရွံ့မှုများကြောင့် ကျောက်ဖြူမြို့၊ ကုလားဘာတောင်ရပ်ကွက်၊ မူလာရာမဘုန်းတော်ကြီးကျောင်း ၌ထပ်မံရောက်ရှိနေသော တိုက်ပွဲရှောင်အိမ်ထောင်စု(၂)စုမှ၊ ကျား(၂)ဉီး၊ မ(၈) ဉီး၊ စုစုပေါင်းပေါင်း (၁၀) ဉီးတို့ အတွက် ဆန်ရိက္ခာ (၂) ပတ်စာ (၁)အိတ်၊ (၁၁)ပြည်၊ တန်ဖိုးငွေ (၄၂,၀၀၀) ကျပ်အား(၂၀-၁၁-၂၀၁၉)ရက်နေ့တွင် ကျောက်ဖြူခရိုင်ဉီးစီးမှူးရုံးမှ တာဝန်ရှိသူများ၊ ရပ်ကွက်အုပ်ချုပ်ရေးမှူးနှင့်အတူ ဘေးသင့်ပြည်သူများလက်ဝယ် အရောက် ထောက်ပံ့ပေးအပ်ခဲ့ကြောင်း သိရှိရပါသည်။
Source: ကျောက်ဖြူ ခရိုင်ဉီးစီးမှူးရုံး(ဘစမ)
