ကချင်ပြည်နယ်သို့ရောက်ရှိနေသော ကချင်ပြည်နယ်အတွင်းရှိနေရပ်စွန့်ခွာရသူများ (IDPs) ပြန်လည် နေရာချထားမှု အကောင်အထည်ဖော်ရေးဆိုင်ရာလုပ်ငန်းအဖွဲ့ အဖွဲ့ခေါင်းဆောင်၊ လူမှုဝန်ထမ်း၊ ကယ်ဆယ်ရေး နှင့်ပြန်လည်နေရာချထားရေးဝန်ကြီးဌာန ဒုတိယဝန်ကြီးနှင့်အဖွဲ့သည် ယနေ့နံနက်ပိုင်းတွင် ဗန်းမော်မြို့ နှစ်(၂၀၀၀) နှစ်ခြင်းတိုက်ပွဲရှောင်စခန်း၌ နေထိုင်လျက် ရှိကြသော တိုက်ပွဲရှောင်ပြည်သူများနှင့်တွေ့ဆုံပြီး ဒုတိယဝန်ကြီးက မိမိမူလနေရပ်ကျေးရွာများသို့ ဂုဏ်သိက္ခာ ရှိရှိလုံခြုံစွာဖြင့် ပြန်လည်အခြေချနေထိုင်နိုင်ရေး အတွက် နိုင်ငံတော်အစိုးရက ဆောင်ရွက်ပေးနေမှု အခြေအနေများ၊ လက်တလောဆောင်ရွက်ပေးမည့် ကိစ္စရပ်များ၊ ရေတို/ရေရှည်စီမံချက် ချမှတ်ဆောင်ရွက်ရမည့်ကိစ္စရပ်များကို ရှင်းလင်းပြောကြားပြီး ဖြည့်ဆည်းဆောင်ရွက်ပေးရမည့် လိုအပ်ချက်များ၊ အခက်အခဲများကိုမေးမြန်းဆွေးနွေးခဲ့ပါသည်။

ထို့နောက် ဗန်းမော်မြို့နယ်အတွင်းရှိ လီဆူ ၊ နှစ် (၂၀၀၀) ၊ ရောဘတ်၊ ထွယ်ဆန် ၊ နှစ်ခြင်း (မူရင်း) ၊ ဖန်ခါးကုန်း စသည့်တိုက်ပွဲရှောင်စခန်း (၆) ခုရှိ အိမ်ထောင်စု(၁၁၇၂)စုမှ လူဉီးရေ(၆၇၅၈) ဦးအတွက် ရိက္ခာဖိုးငွေ (၆၀၈၂၂၀ဝိ/-)၊ မွေးကင်းစကလေးငယ် (၃၄)ဦးအတွက် တစ်ဦးလျှင် (၃၀၀၀ဝိ/-) နှုန်းဖြင့် ငွေကျပ်(၁,၀၂ဝ,ဝဝဝိ/-) ကို ဒုတိယဝန်ကြီးနှင့်အဖွဲ့က ပေးအပ်ရာ စခန်းတာဝန်ခံများနှင့် အဖွဲ့က လက်ခံရယူကြပါသည်။

ဆက်လက်၍ ဒုတိယဝန်ကြီးနှင့်အဖွဲ့သည် မိုးမောက်မြို့ RC Camp ရှိ တိုက်ပွဲရှောင်ပြည်သူများ နှင့်တွေ့ဆုံခဲ့ပြီး စခန်းအတွင်းနေထိုင်မှုအခြေအနေများ၊ လိုအပ်ချက်များ၊ မိမိတို့၏ ဆန္ဒနှင့်အညီ ဂုဏ်သိက္ခာရှိစွာ ဖြင့် မူလနေရပ်များသို့ ပြန်လည်အခြေချနေထိုင်ရေးကိစ္စရပ်များကို ညှိနှိုင်းဆွေးနွေးခဲ့ကာ RC ၊ နှစ်ခြင်းနှင့် မန္တလေးကျောင်းတို့ရှိ တိုက်ပွဲရှောင်ပြည်သူအိမ်ထောင်စု (၆၆၇)စု ၊ လူဦးရေ(၃၂၂၇)ဦးအတွက် ငွေကျပ်(၂,၉၀၄,၃ဝဝိ/-)၊ မွေးကင်းစကလေးငယ် (၁၆)ဉီး၊ ကိုယ်ဝန်ဆောင်မိခင် (၉)ဦးနှင့် သက်ကြီးဘိုးဘွား (၁၁)ဦးအတွက် တစ်ဦးလျှင် (၃၀၀၀ဝိ/-)နှုန်းဖြင့် ငွေကျပ်(၁,၀၈ဝ,ဝဝဝိ/-)ကို ဒုတိယဝန်ကြီးနှင့် လွှတ်တော် ကိုယ်စားလှယ်များက ပေးအပ်ရာ စခန်းတာဝန်ခံများနှင့်အဖွဲ့က လက်ခံရယူကြပါသည်။

ထို့နောက် ဒုတိယဝန်ကြီးနှင့်အဖွဲ့သည် မိုးမောက်မြို့မှ မြစ်ကြီးနားမြို့သို့ ပြန်လည်ထွက်ခွာခဲ့ကြပါသည်။ ၂၁-၁၀-၂၀၁၉ ရက်နေ့ ခရီးစဉ်တွင် တိုက်ပွဲရှောင်ပြည်သူများအတွက် စုစုပေါင်း ငွေကျပ် (၁၁,၀၈၆,၅ဝဝိ/-) ထောက်ပံ့ခဲ့ကြောင်း သတင်းရရှိပါသည်။

#hl2

#kcn_0ct2019

၂၁-၁၀-၂၀၁၉၊ ဗန်းမော်၊ မိုးမောက်