လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မြိတ်ခရိုင်ဦးစီးမှူးရုံးမှ တာဝန်ရှိသူများသည် (၂၉-၆-၂၀၁၉)ရက်နေ့က မြိတ်ခရိုင်၊ ကျွန်းစုမြို့နယ်၊ စခန်းသစ်ကျေးရွာ၌ မိုးသက်လေပြင်းကြောင့် ပြိုကျ/ပျက်စီးခဲ့သော အိမ်ခြေ/အိမ်ထောင်စု (၂)စုတို့မှ လူဦးရေ (၄)ဦးတို့အတွက် အိမ်ဆောက်ပစ္စည်းတန်ဖိုး (၂၀၀,၀၀၀)ကျပ်၊ ကယ်ဆယ်ရေးပစ္စည်း (၁၅) မျိုး (ပြိုကျတစ်အိမ်ထောင်စာ)နှင့် ဆန်ရိက္ခာတန်ဖိုးထောက်ပံ့ငွေ (၈,၄၀၀)ကျပ်တို့အား (၃၀-၆-၂၀၁၉)ရက်နေ့ နံနက် (၁၀၀၀)နာရီအချိန်တွင် သွားရောက်ထောက်ပံ့ခဲ့ကြောင်း သတင်းရရှိပါသည်။