လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ် ဆိုင်ရာစီမံခန့်ခွဲမှုဦးစီးဌာန၊ ညောင်ဦးခရိုင်ဦးစီးမှူးရုံးမှ တာဝန်ရှိသူများသည် (၁၄-၅-၂၀၁၉) ရက်နေ့တွင် သောက်သုံးရေရှားပါးမှုအခက်အခဲကြုံတွေ့နေရသော ညောင်ဦးမြို့နယ်၊ တောရွာကျေးရွာအုပ်စု၊ တောရွာကျေးရွာနေပြည်သူ အိမ်ထောင်စု (၂၁၀) စုမှ လူဦးရေ (၉၃၈) ဦးတို့အတွက် သောက်သုံးရေဂါလံ (၁၆၀၀) နှင့် ညောင်ဦးမြို့နယ်၊ ကန်နီပေါက်ကျေးရွာအုပ်စု၊ အေးရွာရှိ ကျေးရွာနေပြည်သူ အိမ်ထောင်စု (၅၀) စုမှ လူဦးရေ (၂၅၀) ဦးတို့အတွက် သောက်သုံးရေဂါလံ (၁၆၀၀) တို့အား ပုဂံမီးသတ်တပ်ဖွဲ့၊ ကျေးရွာအုပ်ချုပ်ရေးမှူးများနှင့်အတူ ကျေးရွာများအရောက် ထမ်မံသွားရောက်ဖြန့်ဝေ ပေးခဲ့ရာ (၁၃-၅-၂၀၁၉) ရက်နေ့နှင့် (၁၄-၅-၂၀၁၉) ရက်နေ့ (၂) ရက်ပေါင်း သောက်သုံး ရေဂါလံ (၆၂၀၀) အားထောက်ပံ့ပေးခဲ့ပါကြောင်းသတင်းရရှိပါသည်။
#ha_drg
#mdy_may2019
Source: ညောင်ဦးခရိုင်ဦးစီးမှူးရုံး (ဘစမ)