လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူများသည် (၆-၅-၂၀၁၉)ရက်နေ့ (၀၂၀၀)နာရီအချိန်က ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(ဆိပ်ကမ်း)မြို့နယ်၊ အမှတ်(၈၇)ရပ်ကွက်၊ အိမ်အမှတ်(၇၁၆/ခ)တွင် မီးကြွင်းမီးကျန်မှတဆင့် မီးလောင်မှုဖြစ်ပွားခဲ့ရာ ပျဉ်ထောင်ပျဉ်ခင်းနေအိမ်(၆)လုံးမီးလောင်ပျက်စီးခဲ့ပြီး၊ မိသားစု(၇)စုမှ လူဦးရေ(၂၇)ဦးတို့မီးဘေးသင့်ခဲ့ရာ ကယ်ဆယ်ရေးပစ္စည်း(၁၆)မျိုး(၇)အိမ်ထောင်စုစာ၊ အိမ်ဆောက်ပစ္စည်းတန်ဖိုး(၁,၂၀၀,၀၀၀)နှင့် လူဦးရေ (၂၇)ဦး စာဆန်ရိက္ခာဖိုးထောက်ပံ့ငွေ(၅၆,၇၀၀)ကျပ်တို့အား လွှတ်တော်ကိုယ်စားလှယ်များ၊ မြို့နယ်အုပ်ချုပ်ရေးအဖွဲ့များနှင့်အတူ ဘေးသင့်ပြည်သူများထံသို့သွားရောက်ထောက်ပံ့ခဲ့ကြောင်း သတင်းရရှိပါသည်။