လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ညောင်ဦးခရိုင်ဦးစီးမှူးရုံးမှ တာဝန်ရှိသူများသည် (၂-၅-၂၀၁၉) ရက်နေ့တွင် ညောင်ဦးမြို့နယ်၊ တောင်ဇင်းတိုက်နယ်၊ ပန်းကုံးပင်ကျေးရွာအုပ်စု၊ ဒန်းတွန်းပိုင်း၊ ဆရာတောဦးကေသဝ၏ မုန်တွင်းကျောင်းတိုက်အား သောက်သုံးရေဂါလံ (၁၆၀၀)ကိုလည်းကောင်း၊ သဲပြင်တောကျေးရွာအုပ်စု၊ သဲပြင်တောကောင်းတော်စစွကျေးရွာရှိ အိမ်ထောင်စု (၄၀၀) စု၊ လူဦးရေ (၂၀၀၀)ဦးတို့အား သောက်သုံးရေရေဂါလံ (၃၂၀၀)ကိုလည်းကောင်း၊ တောင်ဇင်းကျေးရွာအုပ်စု၊ ကောင်းပင်စည်၊ မန်ကျည်းစောက်၊ ထရိုင်းတော၊ တောရွာ၊ စံပြ၊ ကုန်းရွာတို့မှ ကျေးရွာသားများစုစည်းနေထိုင်သော သုံးထောင့်ကဲတဲတိုက်ရှိ အိမ်ထောင်စု (၃၂)စု၊ လူဦးရေ (၁၅၀)ဦးတို့အား သောက်သုံးရေဂါလံ (၁၈၀၀)ကိုလည်းကောင်း ကျေးရွာပြည်သူများထံသို့ သွားရောက်ဖြန့်ဝေပေးခဲ့ကြောင်း သိရှိရပါသည်။
#mdy_may2019
Source: ညောင်ဦးခရိုင်ဦးစီမှူးရုံး (ဘစမ)