လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မြောင်းမြခရိုင်ဦးစီးမှူးရုံးမှ တာဝန်ရှိသူများသည် (၂၅-၄-၂၀၁၉)ရက်နေ့ (၁၁၀၀)နာရီအချိန်က ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်၊ တူးချောင်းကျောင်းစုကျေးရွာအုပ်စု၊ ဝဲဒေါင့်ကျေးရွာတွင် နေအိမ်မီးဖိုချောင်မီးကြွင်းမီးကျန်မှ တစ်ဆင့် မီးစတင်လောင်ကျွမ်းခဲ့ရာ ဓနိမိုး၊ ဓနိကာနေအိမ် (၇)လုံးနှင့် နှစ်ထပ်တိုက်အိမ်(၁)လုံး၊ စုစုပေါင်းနေအိမ်(၈)လုံး မီးလောင်ဆုံးရှုံးခဲ့ပြီး အိမ်ထောင်စု(၈)စုမှ လူဦးရေ (၄၃)ဦး မီးဘေးသင့်ခဲ့ရာ အဆိုပါ ဘေးသင့်အိမ်များအတွက် အိမ်ဆောက်ပစ္စည်းတန်ဖိုးငွေ (၉၀၀,၀၀၀)ကျပ်၊ ဆန်ရိက္ခာ (၇)ရက်စာတန်ဖိုးငွေ (၉၀,၃၀၀)ကျပ်၊ စုစုပေါင်းထောက်ပံ့ငွေ (၉၉၀,၃၀၀)ကျပ်တို့အား (၂၆-၄-၂၀၁၉)ရက်နေ့တွင် သွားရောက်ထောက်ပံ့ခဲ့ကြောင်း သတင်းရရှိပါသည်။