လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဟင်္သာတခရိုင်ဦးစီးမှူးရုံးမှ တာဝန်ရှိသူများသည် မိုးကြိုကာလဖြစ်သော ဧပြီလနှင့် မေလများတွင် လေပြင်းဘေးအန္တရာယ်များကျရောက်နိုင်သဖြင့် မြန်အောင်မြို့နယ်၊ အစယ်အုပ်စု၊ ညောင်ဝိုင်းအုပ်စု၊ ကြူတောအုပ်စု၊ ရိုက်အုပ်စုတို့ရှိ နေအိမ်များအနက်မှ (၁)အုပ်စုစီလျှင် အိမ်ခြေ (၃၀)လုံးစီကို ကျေးရွာအုပ်စု/ရပ်ကွက်ကော်မတီဝင်များ၊ ရပ်မိရပ်ဖများ၊ စေတနာ့ဝန်ထမ်းများနှင့်အတူ လေဘေးဒဏ်ခံနိုင်ရည်ရှိသော နေအိမ်များဖြစ်စေရန်အတွက် အိမ်များအား ပြုပြင်မွမ်းမံထားမှုအခြေအနေတို့ကို (၂၅-၄-၂၀၁၉)ရက်နေ့က ကွင်းဆင်းစစ်ဆေး၍ ဆောင်ရွက်ဆဲနေအိမ်များကို ပူးပေါင်း ကူညီဆောင်ရွက်ပေးခဲ့ကြောင်း သတင်းရရှိပါသည်။