လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ကရင်ပြည်နယ်ဦးစီးမှူးရုံးမှ တာဝန်ရှိသူများသည် (၂၄-၄-၂၀၁၉)ရက်နေ့က ကြာအင်းဆိပ်ကြီးမြို့နယ်၊ ကျိုက်ဒုံမြို့၊ အမှတ်(၂)ရပ်ကွက်နှင့် အမှတ်(၃)ရပ်ကွက်တို့တွင် မိုးသည်းထန်စွာရွာသွန်းပြီး လေပြင်းတိုက်ခတ်မှုဖြစ်ပွားခဲ့ရာ သွပ်မိုး/ဝါးထရံကာ/ ပျဉ်ထောင်/ပျဉ်ခင်း နေအိမ်(၇)လုံး တစ်စိတ်တစ်ပိုင်းပျက်စီးဆုံးရှုံးခဲ့ပြီး အိမ်ခြေ/အိမ်ထောင်စု (၇)စုမှ လူဦးရေ(၂၂)ဦး ဘေးဒုက္ခခံစားခဲ့ရကြောင်း၊ အဆိုပါ လေဘေးသင့် အိမ်ထောင်စု(၇)စုအတွက် ကယ်ဆယ်ရေးပစ္စည်း(၁၁)မျိုး၊ အိမ်ဆောက်ပစ္စည်းတန်ဖိုးငွေ(၆၀၀,၀၀၀) ကျပ်နှင့် ဆန်ရိက္ခာ (၇)ရက်စာ (၄၆,၂၀၀)ကျပ်၊ စုစုပေါင်းငွေကျပ် (၆၄၆,၂၀၀)တို့အား (၂၅-၄-၂၀၁၉)ရက်နေ့တွင် သွားရောက် ထောက်ပံ့ပေးအပ်ခဲ့ကြောင်းသတင်းရရှိပါသည်။