================================================
Source: ဖျာပုံခရိုင်ဦးစီးမှူးရုံး (ဘစမ)
=================================================
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ဖျာပုံခရိုင်ဦးစီးမှူးရုံးမှ တာဝန်ရှိသူများသည် (၆-၁၂-၂၀၁၈) ရက်နေ့တွင် အမာမြို့၊ ဘဝသစ်ကျေးရွာအုပ်စု၊ ဂေါ်ဒူကျေးရွာ၌ သဘာဝဘေးအန္တရာယ်ဖြစ်ပွားပါက အရေးပေါ်ခိုလှုံရာစခန်းအဖြစ် အသုံးပြုနိုင်ရန်နှင့် သာမန်အချိန်များတွင် စာသင်ကျောင်းအဖြစ် အသုံးပြုနိုင်ရန် School Cum Shelter (၁)လုံးကို အမျိုးသားသဘာဝဘေးအန္တရာယ်ဆိုင်ရာ ရန်ပုံငွေဖြင့် တည်ဆောက်ခဲ့ရာ ယခုအချိန်တွင် ၁၀၀% ပြီးစီးပြီဖြစ်ပါသဖြင့် တိုင်းဒေသကြီးအမှတ်(၂)လွှတ်တော်ကိုယ်စားလှယ် ဦးဘိုဘိုမင်းဇော်၊ မြို့နယ်တည်ဆောက်ရေးကြီးကြပ်မှုကော်မတီအဖွဲ့ဝင်များနှင့်အတူ ကွင်းဆင်းစစ်ဆေးမှုများပြုလုပ်ခဲ့ပါသည်။
ယင်း School Cum Shelter ပြီးစီးပါက ဂေါ်ဒူကျေးရွာရှိ အိမ်ထောင်စု (၁၁၈) စုမှ လူဦးရေ (၅၀၀) ကျော်သည်သဘာဝဘေးနှင့်ကြုံတွေ့ပါက ခိုလှုံရာစခန်းအဖြစ် အသုံးပြုနိုင်ပြီး ကျောင်းသူကျောင်းသားများအတွက် အလယ်တန်းအဆင့်စာသင်ကျောင်းအဖြစ် အသုံးပြုနိုင်မည်ဖြစ်ပါသည်။ ဂေါ်ဒူကျေးရွာသည် ပင်လယ်နှင့်အနီးဆုံး ထိစပ်နေပြီး သဘာဝဘေးအန္တရာယ်ထိခိုက်လွယ်သောနေရာဖြစ်၍ ယခု တည်ဆောက်ပြီးစီးသည့် Shelter သည် ကျေးရွာအတွက် အထူးလိုအပ်လျက်ရှိကြောင်း သိရှိရပါသည်။
