လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ရခိုင်ပြည်နယ်ဦးစီးမှူးရုံးမှ တာဝန်ရှိသူများသည်(၁၃-၁၀-၂၀၁၈)ရက်နေ့ နံနက် (၀၉၀၀)နာရီတွင် အပြည်ပြည်ဆိုင်ရာ သဘာဝဘေးလျော့ပါးရေးနေ့ အခမ်းအနား (Internatiomal Day For Disaster Reduction-2018) “Reducing Economic Losses From Disasters Has The Power To Transform Lives” “ပြည်သူ့ဘဝတိုးတက်ပြောင်းလဲဖို့၊ ဘေးဒဏ်ကြောင့် စီးပွားဆုံးရှုံးမှုလျော့ချစို့” ဆောင်ပုဒ်နှင့် အညီ စစ်တွေမြို့နယ်၊ ဦးဥတ္တမခန်းမ၌ ခမ်းနားစွာ ကျင်းပပြုလုပ်ခဲ့ကြောင်း၊ အခမ်းအနားသို့ ရခိုင်ပြည်နယ်ဝန်ကြီးချုပ်၊ ရခိုင်ပြည်နယ် အစိုးရအဖွဲ့ဝင် ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ ဖိတ်ကြားထားသော UN/NGO များမှ ကိုယ်စားလှယ်များ၊ ဆုရကျောင်းသား/သူများနှင့် ပြည်သူလူထုများ စုစုပေါင်း(၄၀၀)ဦး တက်ရောက်ခဲ့ကြကြောင်း၊ ထိုအခမ်းအနားတွင် အဖွင့်အမှာစကားအား ရခိုင်ပြည်နယ်ဝန်ကြီးချုပ်မှ ပြောကြားခဲ့ပြီး၊ ကုလသမဂ္ဂအထွေထွေအတွင်းရေးမှူးချုပ်၏ ဘေးအန္တရာယ်လျော့ချရေးဆိုင်ရာ အထူးကိုယ်စားလှယ်၏ သဝဏ်လွှာအား ရခိုင်ပြည်နယ်ဦစီးမှူး၊ ဦးကျော်မင်းမှ ဖတ်ကြားခဲ့ကြောင်း၊ စာစီစာကုံးနှင့် ပန်းချီများမှ ဆုရကျောင်းသား/သူများအား ဆုများအသီးသီးချီးမြှင့်ခဲ့ကြောင်းနှင့် လက်ကမ်းစာစောင်များဖြန့်ဝေခြင်း၊ Vedio မှတ်တမ်းများပြသခြင်း၊ မှတ်တမ်းဓါတ်ပုံများ ခင်းကျင်းပြသထားပုံအား လှည့်လည်ပြသခဲ့ကြောင်းသတင်းရရှိပါသည်။